Wuj Richin ri Rutikeribel 6:6 - Kaqchiquel Bible

⁶ y ri Jehová janila xbison y xq'axon ránima chi xeruk'iytisaj ri winaqi' chuwech re ruwach'ulew.

Wuj Richin ri Rutikeribel 6:6 ပူးပေါင်းရင်းမြစ်များ

Wuj Richin ri Rutikeribel 6:7

Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

2 Sam 24:16

Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

1 Crón 21:15

K'ari' ri Jehová xuteq k'a pe ri ru-ángel richin nuk'is ri Jerusalem. Jak'a toq ri ángel najin chire ri kamik, ri Jehová xq'axon rik'in, y xubij chire: Xaxe kela'. Man ye'akamisaj ta chik más, xcha'. Chupan k'a ri ramaj ri' ri ru-ángel ri Jehová k'o pa kaq'iq' pa ruwi' ri akuchi nuch'ey-wi trigo ri Ornán ri jebuseo.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 110:4

Ri Jehová xuya' ri rutzij y man xtutzolij ta ri' chirij. Kere' xubij: Ja rat ri at sacerdote richin q'asen achi'el rubanik xinben rik'in ri Melquisedec, xcha' chawe.

Wuj Richin Bix Chire ri Dios 119:158

Yentz'et k'a ri winaqi' ri xa at kimalin kan rat, y kan man yeqa' ta chinuwech, roma rije' xa man nikitaqej ta ri ach'abel.

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Wuj Richin Bix Chire ri Dios 81:13

¡K'ate' ta xinkak'axaj ri tinamit Israel! ¡k'ate' ta xkitzeqelibej ri bey wichin yin!

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.

Wuj Richin ri Isaías 48:18

¡Xa ta iya'on ixikin chire ri nupixa'! Xk'oje' ta uxlanibel-k'u'x pa ruk'iyal iwik'in, achi'el jun raqen-ya' ri kan nibulbu'x. Xk'oje' ta ch'akonik jantape' iwik'in rix, achi'el ri ruwi' ri palou ri kan jantape' ye'apon-qa pa sanayi'.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri Jeremías 18:7

Pa jun ti ramaj yin yitikir ninbenya' rutzijol richin xkiyakatej chikij xabachike tinamit y chikij ri kiq'atbal-tzij richin yenk'uq-el, yenk'is y yenwelesaj-el jumul chuwech re ruwach'ulew.

Wuj Richin ri Jeremías 26:19

¿Ri Ezequías y ri winaqi' xkikamisaj kami ri Miqueas? Ni, pa ruk'exel ri' ri rey janila xuxibij-ri' chuwech ri Jehová, y xuk'utuj utzil chire chi nujoyowaj ta kiwech. K'ari' ri Jehová man xuteq ta k'a pe ri ruk'ayewal pa kiwi' rije' ri kan ruya'on-pe rutzijol. ¿Xaxe kami richin niqejqalej re jun kamik re'?, xecha' rije'.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

Wuj Richin ri Jonás 3:10

Xutz'et k'a ri Dios chi xtzolej-pe kik'u'x ri aj-Nínive chire ri itzel taq kibanobal, y xebe chupan ri chojilej bey. Y roma ri' ri Dios xujoyowaj kiwech y man xuteq ta pe ri ruk'ayewal ri rubin.

Wuj Richin ri Malaquías 3:6

Ri Dios nubij: Roma yin man jun bey yijalatej ta, roma ri' man ix k'isineq ta qa chuwech re ruwach'ulew. Kan pa kiq'ijul kan ri iwati't-imama' ich'aron kan iwi' chire ri nupixa', y man itaqen ta. Wakami k'a ninbij chiwe chi titzolej-pe ik'u'x wik'in, y yin xkitzolej chik iwik'in. Jak'a rix xa nibij: ¿Achike k'a rubanik chi yojtzolej awik'in?, yixcha'.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

Romanos 11:29

Roma toq ri Dios nuya', kan man nrelesaj ta chik. Y toq nroyoj ri rutinamit, kan man nutzolij ta ri' chirij.

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Hebreos 3:10

Roma ri' xpe woyowal chike ri jun sol winaqi' ri' ri xebanon keri'. Y yin xinbij: Rije' xa chaq kaka' kik'u'x. Y xa man kitaqen ta k'a ri nupixa'.

Hebreos 3:17

¿Achike ta k'a winaqi' ri kan kawineq juna' xpe royowal ri Dios chike? Konojel ri xemakun, ri xekamiyaj kan ri pa tz'iran ruwach'ulew.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.

1 Sam 15:29

Roma ri Jehová ri niqaya' ruq'ij roj, man nutz'uk ta tzij, ni man nutzolij ta ri' chirij achi'el jun wineq, xcha'.

1 Sam 15:35

Y ri Samuel kan man jun bey chik k'a xberutz'eta' ri Saúl; stape' kan janila nibison roma rija'. Y ri Jehová kan xq'axon k'a rik'in, chi ja ri Saúl ri xukusaj kan rey pa ruwi' ri tinamit Israel.