Wuj Richin ri Rutikeribel 6:17 - Kaqchiquel Bible

¹⁷ Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

Wuj Richin ri Rutikeribel 6:17 ပူးပေါင်းရင်းမြစ်များ

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

Wuj Richin ri Rutikeribel 7:4

Roma ri wuqubix-apo, yin xtinbenya-pe ya' kawineq q'ij y kawineq aq'a' y re' kan xtumuq ri ruwach'ulew, y xkenk'is k'a konojel ri k'o kik'aslen y xkenmes k'a el konojel ri e nubanon, ri ek'o chuwech re ruwach'ulew, xcha'.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Am 9:6

Ri Jehová chila' chikaj xuben-wi ri rachoch, y ri ruxe' ri rachoch k'o-pe chuwech ri ruwach'ulew. Rija' kan yerumol ri ya' richin ri palou, y k'ari' nuya'aj chijun ri ruwach'ulew. Jehová jari' ri rubi' rija'.

Wuj Richin Bix Chire ri Dios 29:10

Kan ja ri Jehová ri niq'aton-tzij pa ruwi' ri ya'. Kan nik'oje' k'a richin nuq'et-tzij jantape'.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Romanos 5:21

Achi'el k'a chi qonojel roj winaqi' xojok pa ruq'a' ri kamik, keri' chuqa' re wakami ri nimalej rutzil ri Dios nuk'en-pe ri k'aslen ri man k'isel ta, roma nuben chiqe chi man jun qamak yojk'ulun chuwech rija'. Y ja ri qajaw Jesucristo ri niya'on ri k'aslen ri'.

San Lucas 17:27

Rije' xa jak'a ri kiway-kuk'ya' ri nikich'ob; chuqa' ri k'ulubik, ri yeyatej chuqa' kimi'al-kik'ajol richin yek'ule'. Jari' ri yekich'obola' rije', toq xapon k'a ri q'ij richin chi ri Noé y ri e aj pa rachoch xe'ok chupan ri jun nimalej barco y xuchop ri kamik job, ri xeruk'is konojel ri winaqi';

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Ez 34:20

Roma ri' yin Jehová kan xtinben k'a ruchojmilal chi'ikojol, achi'el nuben ri yuq'unel toq nuch'er ri karne'l ri e ti'oj y ri janila e baq.

Ez 34:11

Yin Jehová ninbij chi xkenbenkanoj ri nuwinaq y kan xkenchajij jebel, achi'el jun utzilej yuq'unel kichin ri taq karne'l.

Ez 6:3

Kan xtipe jun labal pa kiwi' ri juyu', ri taq'aj ruwi' taq juyu', ri ch'uti'n raqen taq ya' y ri taq'aj. Chuqa' kan xkewulatej k'a ri akuchi niya'ox-wi kiq'ij ri wachibel.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Wuj Richin ri Isaías 54:9

Kan xinjikiba' k'a nutzij chiwech, achi'el xinjikiba' nutzij chuwech ri ánima Noé. Xinjikiba' chi ri ya' ri xmuqun ri ruwach'ulew chupan ri q'ij ri', kan man jun bey chik xtibanatej keri'. Y re wakami xinjikiba' nutzij iwik'in chi man jun bey chik xtipe woyowal chiwe, ni man jun bey chik xkixinch'olij.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Achin Job 22:16

Rije' kan chi'anin yan k'a xeken-el, y xa man jani kiq'ij ta; achi'el xa ta xpe jun raqen-ya', xuk'ot-el ri ulew ri kipaliben y xeruk'uaj-el.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Ex 14:17

Jak'a yin kan xtinkowirisaj más ri kánima ri aj-Egipto, richin chi kan xkixkitzeqelibej-apo. Y jari' toq yin kan xtink'ut k'a ri wuchuq'a' chuwech ri rey, chikiwech ri aj-labal, chikiwech ri e beneq pa carruaje y chikiwech ri e beneq chirij kiej.

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

Wuj Richin ri Rutikeribel 6:7

Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

San Mateo 24:39

Y man jun bey k'a xq'ax ta chikiwech ri xq'alajirisex chike, xa kan k'a ja toq xoqaqa na ri ya' ri xmuqu richin ri ruwach'ulew ri xuk'uan kichin konojel. Y kan keri' chuqa' xtibanatej toq xtapon ri nupetebal yin ri xiqaqa-pe achi'el wineq chi'ikojol.

Wuj Richin ri Rutikeribel 9:9

Yin xtinjikiba-nutzij iwik'in rix, y toq rix xa ix maneq chik, xa kik'in chik k'a ri iwijatzul.

Wuj Richin ri Rutikeribel 7:17

Y ri ya' ri xq'ejej-pe chikaj y ri ya' ri xebebos-pe chuwech ri ruwach'ulew, kan keri' xuben kawineq q'ij chuwech ri ruwach'ulew; y ri ya' xnimer y xutelej-el ri nima-barco ri' chuwech ri ruwach'ulew.

Wuj Richin ri Rutikeribel 7:15

Konojel re' xe'ok rik'in ri Noé chupan ri achi'el nima-barco ri', y pa k'ulaj k'a xe'ok konojel ri chikopi' ri nikijiq'aj kaq'iq'.

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin ri Rutikeribel 6:16

Tabana' oxi' wiq*f9* chire y toq xaxe chik ka'i' q'a'aj rik'in nik'aj nrajo' richin man nak'is-q'anej, jari' toq xtiteq'e' kan ri chuxe-ok ri ruwi' y chuqa' xeruxikin ri nima-barco naya' kan jun ruchi'.