Wuj Richin ri Rutikeribel 50:5 - Kaqchiquel Bible

⁵ Toq ri nata' niken yan, xuben chuwe richin xinjikiba-nutzij chuwech y xubij chuwe chi rija' nrajo' chi toq xtiken ninbenmuqu' k'a chupan ri jul ri kan k'oton kan richin rija', ri k'o k'a pa Canaán, y chiri' ninbenmuqu-wi. Roma ri' wakami nink'utuj k'a utzil chawe richin taya' q'ij chuwe richin ninbenmuqu' kan ri nata'. Y toq xtimuqutej kan, k'ari' xkitzolin-pe, xcha' ri José chike ri achi'a' ri' richin nikibij chire ri rey.

Wuj Richin ri Rutikeribel 50:5 ပူးပေါင်းရင်းမြစ်များ

Wuj Richin ri Isaías 22:16

¿Achike kami naben rat re wawe'? ¿Achike awetaman ruwech rat, richin xaben-qa jun amuqubal re wawe' pa kik'ojelibal ri rey?

2 Crón 16:14

Xkiya' k'a el pa jun ch'at y xkik'is-el pa jalajoj ruwech jubulej taq aq'om, ri kan ja ri etamanel richin jubulej taq aq'om ri banayon. Chirij ri' xbekimuqu' kan chupan ri jul ri rubanon kan rija' ri chiri' pa tinamit richin kan ri rey David, y k'ari' xkiben jun nimalej q'aq' richin xkiya' ruq'ij rija'.

San Mateo 27:60

K'ari' xberuya' k'a kan ri ruch'akul ri Jesús pa jun k'ak'a' jul, jun jul ri ruk'oton rija' chuwech jun juyu' abej. Rija' xusurij-apo jun nimalej setesik abej y rik'in ri' xutz'apej kan ruchi' ri jul. K'ari' xtzolin.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Molojri'il 12:5

Toq xkak'oje' pa jotol xa xtuya' k'a k'ulu'n chawe, y toq xkabe pa bey xa chaq xtaxibila-awi'. Ri rusumal-awi' xa kan achi'el rusi'j almendro xtuben, roma xtisaqir. Ronojel k'a ri awuchuq'a' xtik'is, y xtaben achi'el jun sak' ri'j chik. Y ri arayibel xa xtik'is chuqa'. K'ari' napon k'a ri q'ij toq k'o chi yatzolin k'a pan awachoch ri richin q'asen, y ri pa taq bey kan xtak'axex k'a oq'ej.

Wuj Richin ri Molojri'il 6:3

Stape' jun achin xeralk'ualaj ta e wok'al ralk'ual y kan janila xyaloj xk'ase-el, ri rujuna' kan janila k'iy ri xukochij-el. Y man xuya' ta chire ri ránima janipe' ri xurayij, y kan man xmuq ta chi utzil. Yin ninch'ob chi k'o más rejqalen ri ak'ual ri kamineq xalex ri man xril ta ruq'ijul ke chuwech ri jun achin ri'.

Wuj Richin Bix Chire ri Dios 79:3

Xkiben k'a chi ri kikik'el xbiyin chuchi' ri Jerusalem, achi'el nibiyin ri ya', y kan man jun chik k'a ri xmuqun ta kichin.

Wuj Richin ri Achin Job 30:23

Roma yin wetaman chi jare' yatajin chinuk'uaxik k'a pa nukamik, yinak'uaj k'a ri akuchi ye'apon-wi konojel ri winaqi' ri xek'ase-el chuwech re ruwach'ulew.

1 Sam 14:43

K'ari' ri Saúl xuk'utuj chire ri Jonatán chi tuq'alajirisaj ri achike xuben. Y ri Jonatán xubij: Kan qitzij na wi yin xintej ti juba' kab ri xink'en-qa rik'in ri nuch'ame'y. ¿Kan roma kami ri' yiken?, xcha'.

Deut 4:22

Yin xa xkiken k'a kan chupan re ruwach'ulew re' akuchi re ojk'o-wi, y man xtinq'axaj ta apo ri raqen-ya' Jordán. Jak'a rix kan xtiq'axaj-apo ri raqen-ya' y xtiwichinaj k'a ri utzilej ruwach'ulew ri'.

Wuj Richin ri Rutikeribel 50:24

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

Wuj Richin ri Rutikeribel 48:21

K'ari' xubij chire ri José: Yin yibeken yan, jak'a ri Dios xtik'oje' kan iwik'in rix, y xtuben chiwe chi yixtzolin chupan ri ruwach'ulew ri akuchi xek'oje-wi ri iwati't-imama'.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Rutikeribel 50:4

Y toq xq'ax kan ri q'ij ri', ri José xbech'on kik'in ri e nima'q taq achi'a' ri ek'o pa rachoch ri rey, y xubij chike chi tikibana' utzil chire chi kebech'on rik'in ri rey y kere' tibekibij chire:

Wuj Richin ri Rutikeribel 50:6

Y ri rey xubij-pe: Kabiyin k'a el, ja tabemuqu' kan ri atata' achi'el ri rubin kan chawe, xcha-pe.