Wuj Richin ri Rutikeribel 50:18 - Kaqchiquel Bible

¹⁸ Y xe'apon k'a ri rach'alal rik'in, xebexuke' chuwech y xkiqasaj-ki' k'a pan ulew y xkibij chire: Jare' ojk'o pan aq'a', niqayuquba-qi' pa samaj awik'in, xecha' chire.

Wuj Richin ri Rutikeribel 50:18 ပူးပေါင်းရင်းမြစ်များ

Wuj Richin ri Rutikeribel 45:3

Y ri José xubij k'a chike ri rach'alal: Ja yin ri in José. ¿K'a k'es ri nata'?, xcha'. Y rije' man jun xetikir xkibij chire roma janila kixibin-ki' chuwech.

Wuj Richin ri Rutikeribel 44:14

Toq ri Judá y konojel ri rach'alal xe'apon chik pa rachoch ri José, rija' k'a k'o na chiri'. K'ari' rije' xkiqasaj-qa-ki' k'a pan ulew chuwech,

Wuj Richin ri Rutikeribel 42:6

Y ri q'atoy-tzij ri chiri' pa ruwach'ulew Egipto ja ri José, y ja rija' ri nik'ayin ri trigo chike konojel ri winaqi'. Y toq ri rach'alal xe'apon k'a qa, rije' kan xexuke-qa chuwech y xkiqasaj-qa-ki' k'a pan ulew.

Wuj Richin ri Rutikeribel 27:29

Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

Wuj Richin ri Rutikeribel 41:43

Y xeri' xuya-el chupan ri carruaje ri richin ri nimalej samajel, y xrelesaj rutzijol chijun ruwach'ulew, y nikibila' k'a ri e beneq chuwech: Kixxuke' chuwech re achin re' y kan keri' ri xbanatej. Keri' k'a rubanik toq ri José xok kan q'atoy-tzij ri chiri' pan Egipto.

Wuj Richin ri Rutikeribel 50:17

Kere' tibij chire ri José: Nink'utuj utzil chawe, José, chi takuyu' kimak ri awach'alal, roma kan janila itzel xkiben chawe, chayineq kan. Roma ri' roj re wakami niqak'utuj utzil chawe chi takuyu' qamak roj ri oj rusamajela' ri ru-Dios ri qatata', xecha-el chire ri xkiteq-el. Y toq ri José najin k'a chirak'axaxik ri kitaqon-el rubixik ri rach'alal, ri José janila k'a noq'.

Wuj Richin ri Rutikeribel 50:19

Jak'a ri José xubij chike: Man tixibij-iwi'. Yin man in Dios ta richin ninya' rutojbalil pan iwi'.