Wuj Richin ri Rutikeribel 50:13 - Kaqchiquel Bible

¹³ xkik'uaj k'a el k'a pa ruwach'ulew Canaán, richin xbekimuqu' kan chupan ri jul ri k'o pa rulew ri Macpelá ri ruloq'on kan ri Abraham rik'in ri Efrón hitita, ri k'o pa relebel-q'ij chire ri Mamré, ri akuchi yemuq-wi konojel rije' toq yeken.

Wuj Richin ri Rutikeribel 50:13 ပူးပေါင်းရင်းမြစ်များ

Hechos 7:16

Jak'a ri kich'akul, pa tinamit Siquem, chiri' xebemuq-wi. Xemuq pa jun xoral, ri akuchi k'o k'ojelibel richin yebemuq-wi kan kaminaqi'. Re jun xoral re', kan jak'a ri Abraham ri loq'oyon kan chike ri e ralk'ual ri Hamor.

2 Rey 21:18

Y toq xken, xmuq chiri' chuwa-rachoch chupan ri qejoj richin Uzá. Y ri xok kan rey pa ruk'exel ja ri ruk'ajol rubini'an Amón.

Wuj Richin ri Rutikeribel 35:29

Y xken k'a roma rijixinen, y keri' xk'olotej-el chuwech re ruwach'ulew y xbemuq kan koma ri Esaú y ri Jacob ri e ruk'ajol.

Wuj Richin ri Rutikeribel 35:27

Y ri Jacob xoqaqa-el rik'in ri Isaac ri rutata' ri k'o chiri' pa Mamré, chupan ri tinamit rubini'an Arbá, ri chuqa' nibix Hebrón chire, ri akuchi xek'oje-wi ri Abraham y ri Isaac.

Wuj Richin ri Rutikeribel 25:9

Ri Isaac y ri Ismael xkimuq k'a ri kitata' chupan ri jul richin Macpelá, ri k'o chupan ri ojer rulew ri Efrón, ruk'ajol ri Sóar hitita, re ulew re' k'o chuwech ri Mamré.

Wuj Richin ri Rutikeribel 23:20

Y keri' toq xok k'a kan richin ri Abraham ri ulew ri' y ri jul ri k'o chupan, ri ulew ri xkik'ayij kan ri winaqi' hitita chire, richin chi chiri' xtok jun xoral richin muqbel.

Wuj Richin ri Rutikeribel 47:30

Roma ri nurayibel yin chi toq xkiken, yinawelesaj-el re wawe' y yinak'uaj-el richin yinabemuqu' kan kik'in ri nte-nata', xcha'. Y ri José xubij chire: Xtinben k'a achi'el ri nawajo' rat, xcha'.

Wuj Richin ri Rutikeribel 50:12

Ri ralk'ual ri Jacob kan xkiben k'a achi'el ri rubin kan ri kitata' chike,

Wuj Richin ri Rutikeribel 50:14

Toq xmuqutej k'a kan ri Jacob, ri José xtzolin-qa pan Egipto e rachibilan-el ri rach'alal y konojel ri e tzeqelibeyon kichin.

Wuj Richin ri Rutikeribel 23:9

richin nuk'ayij ta chuwe ri ti xoral ri akuchi k'o-wi ri jul ri rubini'an Macpelá, ri k'o chuchi' ri rulew; janipe' na k'a ri nuk'utuj chuwech y tubij chiqawech qonojel; y yin kan xtinya' k'a ri rajel, richin keri' kan xtok wichin yin ri jul ri' y chiri' xkenmuq-wi toq xkeken ri ek'o pa wachoch, xcha' ri Abraham.

Wuj Richin ri Rutikeribel 25:8

Ri Abraham xken k'a roma rurijixinen y keri' k'a xk'olotej-el chuwech ri ruwach'ulew.

Wuj Richin ri Rutikeribel 46:4

Y xkibe k'a awik'in pan Egipto y toq xkaken, ja ri José xtik'oje' chi'anaqaj, y chirij re' xtinben chike ri e awijatzul chi xketzolin chik pe pa Canaán, xcha' ri Dios chire.