Wuj Richin ri Rutikeribel 50:10 - Kaqchiquel Bible

¹⁰ Y toq xe'apon k'a pa ruwach'ulew Goren-ha-atad ri k'o pa relebel-q'ij chire ri raqen-ya' Jordán, chiri' xkiben k'a jun nimalej oq'ej, y ri José kan xuchajij k'a wuqu' q'ij roma ri rukamik ri rutata'.

Wuj Richin ri Rutikeribel 50:10 ပူးပေါင်းရင်းမြစ်များ

Hechos 8:2

Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

Wuj Richin ri Achin Job 2:13

Y keri' xetz'uye' rik'in pan ulew, wuqu' q'ij y wuqu' aq'a', y man jun ch'abel ri xkibij ta, roma nikitz'et chi ri ruq'axo'n kan janila nim.

2 Sam 1:17

Chirij ri' ri David xuben jun bix richin bis richin natabel kichin ri Saúl y ri Jonatán.

1 Sam 31:13

K'ari' xmol-el ri kibaqil y xekimuq chuxe' jun che', y man xewa' ta wuqu' q'ij, roma janila yebison.

Deut 34:8

Ri israelita xkoq'ej k'a ri Moisés juwineq lajuj q'ij pa taq'aj richin Moab.

Deut 1:1

Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

Wuj Richin ri Q'axanri'il 19:11

Xabachike chike ri iwinaq ri nuchop jun ch'akulaj richin jun kamineq, xtok man ch'ajch'oj ta y keri' xtik'oje' kan richin wuqu' q'ij.

Wuj Richin ri Rutikeribel 50:11

Y toq ri winaqi' aj-Canaán ri ek'o chiri', xkitz'et ri nibanatej, xkibij: Janila nim la bis la k'o kik'in la aj-Egipto roma la kikaminaq, xecha'. Y roma ri' ri chiri' xubini'aj Abel-mizraim, ri k'o pa relebel-q'ij chire ri Jordán y re' nel chi tzij, ri oq'ej richin ri Egipto.

Wuj Richin ri Rutikeribel 50:4

Y toq xq'ax kan ri q'ij ri', ri José xbech'on kik'in ri e nima'q taq achi'a' ri ek'o pa rachoch ri rey, y xubij chike chi tikibana' utzil chire chi kebech'on rik'in ri rey y kere' tibekibij chire:

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Wuj Richin ri Rutikeribel 50:3

Y richin xkaq'omaj xk'atzin k'a kawineq q'ij chike. Roma kan ja q'ij ri' nik'atzin richin niban rutzil jun ch'akulaj. Ri aj-Egipto xkichajij k'a oxk'al lajuj q'ij richin bis roma ri Israel.

Wuj Richin ri Rutikeribel 50:9

Chuqa' ri winaqi' ri k'o ki-carruaje y ri k'o kikiej xkitzeqelibej-el ri José; e janila e k'iy xkimol-el-ki' richin xbekimuqu' kan ri Jacob.

Wuj Richin ri Q'axanri'il 20:29

Y toq ri winaqi' xkitz'et chi ri Aarón man xtzolej ta chik pe, chi'anin k'a xq'ax chikiwech chi xa xken kan, y roma ri' konojel winaqi' xek'oje' k'a pa bis juwineq lajuj q'ij.

2 Sam 11:26

Toq ri Betsabé xrak'axaj chi xken ri rachijil, kan xbison y xuchajij ri rubis.

Wuj Richin ri Molojri'il 12:5

Toq xkak'oje' pa jotol xa xtuya' k'a k'ulu'n chawe, y toq xkabe pa bey xa chaq xtaxibila-awi'. Ri rusumal-awi' xa kan achi'el rusi'j almendro xtuben, roma xtisaqir. Ronojel k'a ri awuchuq'a' xtik'is, y xtaben achi'el jun sak' ri'j chik. Y ri arayibel xa xtik'is chuqa'. K'ari' napon k'a ri q'ij toq k'o chi yatzolin k'a pan awachoch ri richin q'asen, y ri pa taq bey kan xtak'axex k'a oq'ej.

1 Crón 10:12

jari' xeyakatej-el konojel aj-labal, ri man jun xibinri'il chikiwech, xbekik'ama-pe ri ruch'akul ri Saúl y ri kich'akul ri e ruk'ajol, y xebekiya' kan chiri' pa Jabés. Xekimuq k'a kan chuxe' jun paten-che', y kan xemewayin k'a wuqu' q'ij.