Wuj Richin ri Rutikeribel 5:3 - Kaqchiquel Bible

³ Ri Adán 130 k'a rujuna' toq xralk'ualaj ri ruk'ajol, ri xubini'aj Set. Ri ala' ri' kan man jun k'a xujel chire ri rutata'.

Wuj Richin ri Rutikeribel 5:3 ပူးပေါင်းရင်းမြစ်များ

Wuj Richin ri Rutikeribel 4:25

Y ri Adán xk'oje' k'a rik'in ri Eva. Keri' ri Eva xyawej chik chirij jun ak'ual. Y xk'oje' chik k'a jun ti ral ti ala' y re' xubini'aj Set. Y xubij: Kere' xtubini'aj roma ri Dios xuya' chik pe jun wal pa ruk'exel ri Abel ri xkamisex roma ri Caín.

Wuj Richin ri Rutikeribel 5:2

Chi achij chi ixoq xeruben y kan xerurtisaj k'a y jari' toq xkibini'aj-pe wineq.

Wuj Richin ri Rutikeribel 5:4

Ri Adán xk'ase' chik k'a 800 juna' y xek'oje' ch'aqa' chik ralk'ual.

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin ri Achin Job 25:4

¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

San Lucas 3:36

Y ri Sélah ruk'ajol kan ri Cainán, y ri Cainán ruk'ajol kan ri Arfaxad, y ri Arfaxad ruk'ajol kan ri Sem, y ri Sem ruk'ajol kan ri Noé, y ri Noé ruk'ajol kan ri Lámec.

San Juan 3:6

Ri wineq k'a ri ruk'uan xaxe ri alaxik richin re ruwach'ulew, kan aj-ruwach'ulew wi. Jak'a ri wineq ri ruk'uan chuqa' ri alaxik richin ri Loq'olej Espíritu, kan richin wi ri Loq'olej Espíritu.

Romanos 5:12

Ri mak xaxe k'a roma jun achin rubini'an Adán toq xok kan chuwech re ruwach'ulew. Y ri mak kan jari' k'a ri xk'amon-pe ri kamik. Roma ri' kan qonojel k'a winaqi' ri k'o chi yojken, roma xa kan qonojel oj aj-maki'.

1 Corintios 15:39

Y keri' chuqa' k'iy ruwech ch'akulaj ek'o. Jak'a ri qach'akul roj jun wi chik rubanik, ri kich'akul ri chikopi' jun wi chik, ri kich'akul ri aj-xik' taq chikopi' jun wi chik y ri ker jun wi chik kich'akul.

1 Corintios 15:49

Wakami roj xa k'a junan na rubanik qach'akul rik'in ri nabey wineq ri xban rik'in ulew, keri' chuqa' xtapon ri q'ij toq xqojok achi'el ri Cristo ri aj-chikajil.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.