Wuj Richin ri Rutikeribel 5:29 - Kaqchiquel Bible

²⁹ y xubini'aj Noé y re bi'aj re' nel chi tzij uxlanen. Roma xubij ri Lámec: Ri Jehová xuya' ruk'ayewal pa ruwi' ri ruwach'ulew. Y xa roma ri' janila k'ayew richin niqasamajij ri ruwach'ulew. Y wakami k'a re ak'ual re' xtuya' uxlanen chiqe.

Wuj Richin ri Rutikeribel 5:29 ပူးပေါင်းရင်းမြစ်များ

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

San Mateo 24:37

Xa kan achi'el k'a ri xbanatej ri pa ruq'ijul ri Noé, xa kan keri' k'a chuqa' xtik'uluwachitej, toq yin xkipe chik.

Ez 14:20

y wi ta k'a e k'es ri Noé, ri Daniel y ri Job, rije' kan man xketikir ta xtikikol jun kimi'al ni jun kik'ajol. Xa kan xaxe rije' xkekolotej roma kan choj ri kik'aslen.

Ez 14:14

Y stape' chupan ri ruwach'ulew ri' e k'es ta na ri Noé, ri Daniel y ri Job, xa kan xaxe ta rije' ri xkekolotej kan, roma xaxe rije' ri choj kik'aslen.

Wuj Richin ri Isaías 54:9

Kan xinjikiba' k'a nutzij chiwech, achi'el xinjikiba' nutzij chuwech ri ánima Noé. Xinjikiba' chi ri ya' ri xmuqun ri ruwach'ulew chupan ri q'ij ri', kan man jun bey chik xtibanatej keri'. Y re wakami xinjikiba' nutzij iwik'in chi man jun bey chik xtipe woyowal chiwe, ni man jun bey chik xkixinch'olij.

Wuj Richin ri Rutikeribel 9:24

Y toq xq'ax yan el ri q'abarik chuwech ri Noé, jari' toq xretamaj chi ri Cam, ri ruch'i'p, xutzijoj ri xuben rija'.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

San Lucas 3:36

Y ri Sélah ruk'ajol kan ri Cainán, y ri Cainán ruk'ajol kan ri Arfaxad, y ri Arfaxad ruk'ajol kan ri Sem, y ri Sem ruk'ajol kan ri Noé, y ri Noé ruk'ajol kan ri Lámec.

Wuj Richin ri Rutikeribel 7:23

Keri' k'a xbanatej toq xek'is konojel chuwech re ruwach'ulew, nitiker-el rik'in ri wineq y napon k'a rik'in ronojel kiwech taq chikopi', ri nikiqirirej-ki' y ri aj-xik' taq chikopi'; konojel re' xerumes k'a el. Xaxe chik ri Noé y ri ek'o rik'in chupan ri nima-barco ri xek'ase' kan.

Romanos 8:20

Roma re ruwach'ulew y ri ch'aqa' chik ri xeruben ri Dios xeyojtej; y kere' xkik'uluwachij pa ruq'a' ri Dios, jak'a man roma ta k'a kimak rije'. Xa kan koyoben

Wuj Richin ri Rutikeribel 5:28

Y toq ri Lámec k'o chik jumuch' ka'i' rujuna', jari' toq xralk'ualaj jun ruk'ajol

Wuj Richin ri Rutikeribel 5:30

Y toq xalex ri Noé, ri Lámec xk'ase' chik k'a 595 juna', y xek'oje' ch'aqa' chik ralk'ual.