Wuj Richin ri Rutikeribel 5:24 - Kaqchiquel Bible

²⁴ Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.

Wuj Richin ri Rutikeribel 5:24 ပူးပေါင်းရင်းမြစ်များ

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Wuj Richin ri Rutikeribel 5:22

Toq xalex k'a ri Matusalén, ri Enoc 300 juna' chik xk'ase', achi'el xrajo' ri Dios, y jari' toq xek'oje' ch'aqa' chik ralk'ual.

San Lucas 23:43

Ri Jesús xubij k'a chire: Qitzij k'a ninbij chawe, chi kan ja re wakami xkabek'oje' wik'in ri akuchi k'o kikoten, xcha' ri Jesús chire.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

Wuj Richin ri Rutikeribel 42:36

Y xeri' ri kitata' xubij chike: Rix xa chi taq juba' ye'ik'is-el konojel ri walk'ual chinuwech. Ri José maneq chik qik'in, ri Simeón iya'on kan kela'. Y wakami nik'uaj chik el chinuwech ri nuk'ajol Benjamín. ¡Ronojel re' xa pa nuwi' yin niqaqa-wi!, xcha' ri Jacob.

Wuj Richin ri Rutikeribel 37:30

K'ari' xbe kik'in ri rach'alal y xubij chike: Ri ala' maneq chik chupan ri jul. ¿Wakami achike ninben yin?, xcha'.

Wuj Richin ri Jeremías 31:15

Jak'a re wakami, nak'axatej k'a jun ch'abel pa tinamit Ramá. K'o k'a jun ri noq' roma nojineq q'axo'n pa ránima. Ja ri Raquel noq' koma ri ral y man nrajo' ta richin nibochi'ix, roma ri ral kan xeken yan el.

2 Rey 2:1

Chirij k'a ronojel re', ri Elías rachibilan ri Eliseo e peteneq chupan ri bey ri nipe pa tinamit Guilgal. Y kan xnaqajub yan k'a pe ri q'ij toq ri Jehová xtuk'uaj-el ri Elías chila' chikaj, pa jun surkum.*f1*

San Mateo 2:18

Jak'a re wakami, nak'axatej k'a jun ch'abel pa tinamit Ramá. K'o k'a jun ri noq' roma nojineq q'axo'n pa ránima. Ja ri Raquel noq' koma ri ral y man nrajo' ta richin nibochi'ix, roma ri ral kan xeken yan el, nicha'.

Judas 1:14

Rix iwak'axan chirij ri Enoc, ri jun rijatzul kan ri Adán, ri xalex chikikojol ri ruwuq sol winaqi'. Rija' xuq'alajirisaj k'a ri xkik'uluwachij ri itzel taq winaqi' ri xek'oje' toq xk'oje' rija'. Y kere' k'a xubij: Tiwak'axaj k'a. Ri ajaw kan xtipe e rachibilan-pe janila e k'iy ri kan e loq'olej,

Wuj Richin ri Rutikeribel 5:23

Y ri Enoc xk'ase' 365 juna'.

Wuj Richin ri Rutikeribel 5:25

Y toq ri Matusalén k'o chik 187 rujuna', jari' toq xralk'ualaj ri ruk'ajol ri xubini'aj Lámec.

Wuj Richin ri Rutikeribel 6:9

Jare' ri rubanik ri ruk'aslen ri Noé. Rija' jun achin choj ruk'aslen chuwech ri Dios chikikojol ri sol winaqi' chupan ri q'ij ri'. Xa kan xaxe rija' ri xk'ase' achi'el ri xrajo' ri Dios.

Wuj Richin ri Rutikeribel 24:40

Y rija' xubij chuwe: Ri Jehová ri kan nuben ri nubij chuwe, rija' xtuteq-pe ri ru-ángel ri xtibe awik'in richin utz xtel ronojel chawech y keri' xtak'en-pe jun rixjayil ri nuk'ajol chikikojol ri alk'ualaxela' ri e aj pa rachoch kan ri nata'.

2 Rey 2:10

Y ri Elías xubij: Kan janila k'ayew ri xak'utuj chuwe. Jak'a wi rat xkinatz'et-el toq xkibe, keri' xtibanatej awik'in; y wi man xkinatz'et ta el, kan man xtibanatej ta k'a ri nawajo', xcha'.

Wuj Richin Bix Chire ri Dios 49:15

Jak'a ri nuk'aslen yin kan xtukol ri Dios chuwech ri jul ri', roma rija' xkiruk'uaj-el k'a akuchi k'o-wi.

Wuj Richin Bix Chire ri Dios 73:24

Kan in atijon k'a rik'in ri apixabanik. Xeri' kan xkinak'ul chupan ri aruwaq'ijaj.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.