Wuj Richin ri Rutikeribel 5:22 - Kaqchiquel Bible

²² Toq xalex k'a ri Matusalén, ri Enoc 300 juna' chik xk'ase', achi'el xrajo' ri Dios, y jari' toq xek'oje' ch'aqa' chik ralk'ual.

Wuj Richin ri Rutikeribel 5:22 ပူးပေါင်းရင်းမြစ်များ

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Wuj Richin ri Malaquías 2:6

Ri Leví kan xuk'ut k'a ri qitzij y kan man jun q'oloj ri xerubij. Chuqa' kan rik'in k'a uxlanibel-k'u'x y pa ruchojmilal ri xbiyin wik'in, y kan e k'iy k'a ri xuben chike chi man xkiben ta itzel taq banobel.

Wuj Richin ri Rutikeribel 6:9

Jare' ri rubanik ri ruk'aslen ri Noé. Rija' jun achin choj ruk'aslen chuwech ri Dios chikikojol ri sol winaqi' chupan ri q'ij ri'. Xa kan xaxe rija' ri xk'ase' achi'el ri xrajo' ri Dios.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

Wuj Richin Bix Chire ri Dios 116:9

Yin ninwajo' yik'ase' y man jani yiken, richin ninsamajij y ninya' ruq'ij.

Wuj Richin ri Chojmirisabelri'il 26:12

Y jantape' k'a xkik'oje' chi'ikojol y kan ja yin ri i-Dios y rix kan ix nutinamit.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

1 Tesalonicenses 4:1

Toq xojk'oje' iwik'in, xqabij chiwe achike ri niqa' chuwech ri Dios, y chi jari' ri utz niben. Y rix kan keri' ibanon. Y kan k'a k'o k'a ri niqajo' niqak'utuj chiwe pa rubi' ri Jesucristo, chi kan más k'a titija' iq'ij chi niben ri niqa' chuwech ri Dios.

Efesios 5:15

Tichajij k'a ri ik'aslen. Man k'a tiben achi'el nikiben ri winaqi' ri xa e nakaneq rik'in ri kich'obonik. Jak'a kan tikusaj ri etamabel ri k'o iwik'in.

Wuj Richin ri Rutikeribel 48:15

Y k'ari' xrurtisaj ri José rik'in re ch'abel re': Chuwech k'a ri Dios, ri achoq chuwech ri xebiyin-wi ri numama' Abraham y ri nata' Isaac, y ri Dios ri in chajiyon-pe yin, kan ja ri chupan pe ri q'ij toq xinalex, k'a re q'ij wakami,

Wuj Richin ri Rutikeribel 24:40

Y rija' xubij chuwe: Ri Jehová ri kan nuben ri nubij chuwe, rija' xtuteq-pe ri ru-ángel ri xtibe awik'in richin utz xtel ronojel chawech y keri' xtak'en-pe jun rixjayil ri nuk'ajol chikikojol ri alk'ualaxela' ri e aj pa rachoch kan ri nata'.

Colosenses 4:5

Y rix tiwetamaj k'a yixbiyin chikikojol winaqi' ri man kiniman ta ri Cristo. Man tiya' q'ij chi choj nik'o ri q'ij pan iwi'.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

Wuj Richin ri Miqueas 4:5

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.

Am 3:3

Jun k'ulaj winaqi' man yetikir ta yebiyaj junan wi man junan ta kiwech.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Wuj Richin ri Nimalej Bix 1:4

Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Richin Bix Chire ri Dios 128:1

Jebel ruwa-aq'ij rat ri k'o rukiy ri Jehová chawech, ri kan ja ri bey ri niqa' chuwech rija' ri atzeqeliben.

Wuj Richin Bix Chire ri Dios 86:11

Nimalej Jehová, tabana' utzil tak'utu' chinuwech ri abey, y yin kan man xtinmalij ta kan ri bey ri'; tajikiba' ri wánima richin chi nik'oje' akiy chinuwech.

Wuj Richin Bix Chire ri Dios 56:13

Roma xinakol chuwech ri kamik y xinajech'ej chuwech ri pikbel, richin chi yibiyin chuwa saqil chawech rat.

Wuj Richin Bix Chire ri Dios 26:11

Jak'a yin kan tz'aqet ri nuk'aslen yibiyin chawech. Roma ri' kinakolo' y tajoyowaj nuwech.

Wuj Richin Bix Chire ri Dios 16:8

Yin kan ja ri Jehová ri nuya'on pa nabey. Roma rija' k'o pa wijkiq'a', roma ri' kan man yitzaq ta.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

1 Rey 2:4

roma ri Jehová kan rujikiban rutzij chinuwech y rubin chi wi ri walk'ual xtikitaqej ri rubey rija', y wi kan qitzij chi xtikitzeqelibej rija' rik'in ronojel kánima y ronojel kik'u'x; wi keri', kan jantape' k'a xtik'oje' jun wijatzul chupan ri tz'uyubel richin q'atoy-tzij.

Deut 28:9

Wi xtitaqej ri pixa' ri xuya' chiqe ri Jehová, y xkixbiyin chupan ri bey richin rija', kan xtuben k'a chiwe chi rix kan ix jun tinamit ri ruch'aron richin rija', achi'el ri rujikiban chiwe.

Deut 13:4

Xa kan titzeqelibej k'a ri Jehová ri qa-Dios; kan chuwech k'a rija' tixibij-wi-iwi', titaqej k'a ri rupixa' y kan tiwak'axaj ri nubij, kan tisamajij y junan iwech tibana' rik'in rija'.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Ex 16:4

Jari' toq ri Jehová xubij chire ri Moisés: Yin kan xtinben k'a chi xtiqaqa-pe aj-chikajil-wey. Kan xtiqaqa-pe achi'el nuben ri job y ri winaqi' kan xtikimol k'a ri janipe' nikitej jun q'ij. Yin ninwajo' yentejtobej rik'in re', q'alaj ri' wi nikiben ri ninbij chike.

Wuj Richin ri Rutikeribel 5:24

Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.

1 Corintios 7:17

Kixk'oje' k'a kan achi'el ri ibanon toq xixoyox, wi ix k'ulan o man ixk'ulan ta, roma ronojel ri' kan ja ri Dios ri yoyon chiwe. Keri' ninchilabej yin chike konojel ri molaj qach'alal ri ek'o pa ch'aqa' chik tinamit.

Wuj Richin ri Rutikeribel 5:21

Y toq ri Enoc k'o chik oxk'al wo'o' rujuna', jari' toq xralk'ualaj ri ruk'ajol ri xubini'aj Matusalén.

Wuj Richin ri Rutikeribel 5:23

Y ri Enoc xk'ase' 365 juna'.