Wuj Richin ri Rutikeribel 49:7 - Kaqchiquel Bible

⁷ Kan tiqaqa-wi k'a itzel pa kiwi' roma ri koyowal, roma ri koyowal kan nik'uxun, ri etzelal ri k'o pa kánima, kan maneq juba' joyowanik chupan; roma ri' kan xkenwelesaj k'a el chikikojol ri walk'ual yin, Jacob, kan xkentaluj k'a el chikiwech ri walk'ual yin, Israel, xcha'.

Wuj Richin ri Rutikeribel 49:7 ပူးပေါင်းရင်းမြစ်များ

Wuj Richin Etamabel-Tzij 27:3

Ri abej kan janila wi ralal, y kan keri' chuqa' ri sanayi'; jak'a ri royowal ri wineq ri xa maneq runa'oj, jari' ri más ralal.

1 Crón 6:65

Y ri chiri' pa kiruwach'ulew ri e rijatzul ri Judá, pa kiruwach'ulew ri tzobaj richin Simeón y pa kiruwach'ulew ri Benjamín, rik'in sakinik xkik'ulumaj k'a kan ri tinamit ri xnatex yan qa kibi'.

2 Sam 13:15

Chirij ri' ri Amnón xubij chire ri Tamar chi tiyakatej-el y tibe. Y kan xretzelaj k'a rik'in ronojel ránima. Kan más k'a xretzelaj ke chuwech toq xrajo'.

Wuj Richin ri Q'axanri'il 35:8

Y kere' ri rujachik ri xtiban chire: Ri tzobaj ri e k'iy winaqi' ek'o chupan k'o chi nikelesaj kan k'iy tinamit richin nikiya' chike ri levita y ri tzobaj ri xa e juba' ok, k'o chi nikelesaj kan juba'. Chikijujunal chike ri tzobaj nikiya' kan juba' kulew richin kitinamit ri e levita, xcha'.

Wuj Richin Etamabel-Tzij 29:22

Ri wineq ri kan niyakatej royowal, xa nuyek oyowal chikikojol ri winaqi'; ri kan janila kow taq ch'abel ri yerubila' roma royowal jantape' nimakun.