Wuj Richin ri Rutikeribel 49:6 - Kaqchiquel Bible

⁶ Man xtinya' ta wánima kik'in roma ri yekinojila', man xkinapon ta kik'in toq nikiben kimolojri'il, roma toq rije' k'o koyowal xekikamisaj winaqi', xekitzak'ila' ri paten-iboch' richin kaqen ri achija' taq wákix.

Wuj Richin ri Rutikeribel 49:6 ပူးပေါင်းရင်းမြစ်များ

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

Wuj Richin Bix Chire ri Dios 26:9

Tabana' utzil man nawelesaj nuk'aslen junan kik'in ri aj-maki'. Man naben chuwe chi junan nink'uluwachij kik'in ri e kamisanela',

Wuj Richin Bix Chire ri Dios 16:9

Ri wánima kan janila k'a nikikot, y ninbixaj rubi' rija'. Kan xkinuxlan k'a rik'in kuqubabel-k'u'x.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

San Lucas 12:19

Xtinbij-qa pa wánima chi janila k'o wik'in y k'iy juna' man xtintej ta wayjal. Xkikikot k'a, y xkinuxlan. Xkiwa' y xkinuk'ya', xcha-qa ri beyom.

Wuj Richin ri Jeremías 15:17

Yin kan man nuk'uan ta k'a wi' kik'in ri winaqi' ri chaq jantape' yenimaq'ijun. Kan ja toq rat xaya' re jun ruk'ayewal re' pa nuwi', kan nuyon ink'o.

Wuj Richin ri Jeremías 4:19

Y yin Jeremías xinbij: Ri wánima janila nitino y niq'axon. Nuyitz'itz'ej-ri' nupan y man yitikir ta ninq'et rik'in ri jiloj roma xinwak'axaj jun raqoj-chi'ij richin labal y nixupux ri trompeta.

Wuj Richin Bix Chire ri Dios 64:2

Kinawewaj chuwech ri ch'obonik ri nikiben pan ewel ri e banoy taq etzelal, chikiwech ri itzel taq winaqi' ri kimolon-ki'.

Wuj Richin Bix Chire ri Dios 57:8

¡Wánima yin, kan kayakatej k'a! ¡kixyakatej rix jalajoj ruwech q'ojom! ¡yin kan xtinya' k'a ruq'ij ri Dios nimaq'a' yan!

Wuj Richin Etamabel-Tzij 12:5

Ri ruch'obonik ri wineq ri choj ruk'aslen, kan ja ri nuben utz chikiwech ri ch'aqa' chik winaqi'; jak'a ri wineq ri kan itzel ruk'aslen, xaxe k'a nuch'ob achike rubanik nuben richin yeruq'ol ri winaqi'.

Wuj Richin Etamabel-Tzij 1:11

Rik'in juba' nikibij chiwe: Kixanpe qik'in, tiqabana' jun pikbel y achike na k'a wineq xtiqaqa chupan, y ri nakanik ri xtiqaqa chupan, xtiqakamisaj.

Wuj Richin Bix Chire ri Dios 139:19

Nimalej Dios, tawelesaj k'a kik'aslen ri e banoy taq etzelal. Kinajech'ej k'a yin chikiwech re winaqi' re',

Wuj Richin Bix Chire ri Dios 103:1

Yin kan jantape' xtinnimirisaj ruq'ij ri Jehová. Kan rik'in k'a chijun nuk'aslen xtinimirisaj ri loq'olej rubi' ri Dios.

Wuj Richin Bix Chire ri Dios 43:5

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' ri nukolotajik y nu-Dios yin.

Wuj Richin Bix Chire ri Dios 42:11

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' nukolotajik y nu-Dios yin.

Wuj Richin Bix Chire ri Dios 42:5

¿Achike roma yimayamo' yan qa? ¿Achike roma janila yibison? Yin kan nukuquban nuk'u'x rik'in ri Dios, y kan beneq ruwech xtinya' ruq'ij, roma rija' nukolonel y nu-Dios yin.

Wuj Richin Bix Chire ri Dios 30:12

Roma ri' Jehová nu-Dios, kan xtinbixaj k'a ri abi'. Man yitikir ta k'a yik'oje-qa chaq keri' chi man jun xtinbij. Xa kan xtinya' k'a aq'ij y xkimatioxin chawe richin jantape'.

Wuj Richin Bix Chire ri Dios 28:3

Man kinak'uaj junan kik'in ri aj-maki'; ri kan jebel k'a yech'on chire jun wineq y ri pa kánima kan k'o ri etzelal.

Wuj Richin Bix Chire ri Dios 5:10

Taya' k'a rutojbalil chike. Kan ta ja rije' ri xkeqaqa chupan ri pikbel ri nikiya'. Xke'awelesaj ta k'a roma janila chi mak ri nikiben, roma xa kan man xkinimaj ta ri atzij.

Wuj Richin Bix Chire ri Dios 1:1

Jebel ruwa-ruq'ij ri wineq ri man nutzeqelibej ta ri kipixa' ri itzel kik'aslen, ri man nibe ta chupan ri bey ri kik'uan ri aj-maki', ni man xjunamatej ta ruwech kik'in ri yech'on itzel chirij ri Dios.

Wuj Kichin ri To'onela' 5:21

Chupan ri rubey-ya' Quisón xapon jun nimalej raqen-ya', y kan xeruk'uaj-el. Kan xeruk'uaj-wi ri raqen-ya' ri' ri xapon chiri' pa Quisón.

Wuj Richin ri Josúe 11:9

Ri Josué xuben kik'in achi'el rubin ri Jehová chire: Xekitzak'ila' k'a kan ri paten-iboch' richin ri kaqen ri kikiej, y ri ki-carruaje xekiporoj kan.

2 Sam 8:4

Y ri David xeruchop-pe chiri' e 1,700 achi'a' yech'oke' chirij kiej,*f6* y e 20,000 aj-labal ri yebe chikaqen. Y keri' chuqa' xekitzak'ila' kan ri paten-iboch' chire ri kaqen ri kiej ri ye'uk'uan carruaje richin oyowal, y xaxe chik k'a e wok'al ri man jun xuben chike.

1 Crón 18:4

Y ri David xeruch'ek k'a e 1,000 carruaje e richin oyowal, chuqa' e 7,000 achi'a' ri yech'oke' chirij kiej y e 20,000 aj-labal ri yebe chi kaqen. Rija' jubama chike konojel ri kiej xerutzak'ila' kan ri paten-iboch' richin ri kaqen y xaxe k'a e wok'al kiej ri xerukol kan.