Wuj Richin ri Rutikeribel 49:4 - Kaqchiquel Bible

⁴ Jak'a roma xa at achi'el kape raqen-ya' ri nibusku'l, man ja ta chik rat ri xtik'oje' aq'ij; rat xa xaben chire ri ruch'at re atata' chi man jun rejqalen, rat xa xak'oje' rik'in ri Bilhá ri jun chik rixjayil re atata', xcha' chire ri Rubén.

Wuj Richin ri Rutikeribel 49:4 ပူးပေါင်းရင်းမြစ်များ

Wuj Richin ri Rutikeribel 35:22

Rokik ri Israel k'o chupan ri ruwach'ulew ri', jari' toq ri Rubén xk'oje' rik'in ri Bilhá, ri jun chik rixjayil ri rutata'; y ri Israel xunabej k'a ri xbanatej. Y konojel ralk'ual ri Israel e kablajuj.

1 Crón 5:1

Ri Rubén, ri nabey ruk'ajol ri Israel kan ja wi rija' ri k'o más ruq'ij, jak'a roma xmakun, roma ri' xelesex chire chi ja rija' ri k'o más ruq'ij, roma xk'oje-qa rik'in ri rixjayil ri rutata'. Y ri k'o ruq'a' rija' chire, xya'ox chike ri e ruk'ajol ri José, ri jun chik ruk'ajol ri Israel; ri Rubén man xya'ox ta chik rejqalen.

Deut 33:6

Rix ri tzobaj richin Rubén; ¡Kan tik'ase' ri iwijatzul y man ta niken! Kan man ta e juba' ok ri achi'a' ri ek'o iwik'in,

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

Deut 5:21

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Wuj Richin ri Rutikeribel 46:8

Y ri kibi' ri e rijatzul ri Jacob ri xebe-qa pan Egipto, ja re': Ri Rubén ri nabey ruk'ajol;

2 Pedro 3:16

Y chupan ronojel ri ruwuj k'o tzij ke taq re' yerubij. Y ek'o k'a chike re tzij ke taq re' ri k'ayew richin yeq'ax. Y roma ri' ri winaqi' ri maneq ketamabal y man kikuquban ta kik'u'x xa nikisuq'ula-qa ri ruch'abel. Rije' keri' nikiben rik'in ch'aqa' chik tzij ri nubij chupan ri ruch'abel ri Dios. Y roma ri' xa kamik nikoyoj-qa chikij.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.