Wuj Richin ri Rutikeribel 49:3 - Kaqchiquel Bible

³ Rat Rubén, ri nabey nuk'ajol, rat ri xaq'alajirisan ri wuchuq'a' y ri nabey walk'ual pa nuk'ajolil; rat kan k'o-wi aq'ij, rat kan k'o-wi awuchuq'a' chikiwech ri ch'aqa' chik nuk'ajol.

Wuj Richin ri Rutikeribel 49:3 ပူးပေါင်းရင်းမြစ်များ

Wuj Richin Bix Chire ri Dios 78:51

Xuben k'a chi xeken konojel ri nabey taq al alaboni' chiri' pan Egipto, ri nabey taq uchuq'a' kichin ri e rijatzul kan ri Cam.

Deut 21:17

Kan k'o chi niya'ox chire ri nabey ak'ual jun chik pa ruwi' chire ri ulew ri niya'ox chike ri ch'aqa' chik; roma ja rija' ri nabey ak'ual xk'oje' toq k'a janila ruchuq'a' k'o ri tata'aj. Kan chire rija' k'o chi niya'ox-wi roma ja rija' ri nimalaxel.

Wuj Richin Bix Chire ri Dios 105:36

K'ari' xerukamisaj-el konojel ri e nabey taq al alaboni'. Xeruk'uaj k'a konojel ri e nabey richin ri kuchuq'a'.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

1 Crón 5:3

Ja kibi' re' ri e ruk'ajol ri Rubén, ri nabey ruk'ajol ri Israel: Ri Hanoc, ri Falú, ri Hesrón y ri Carmí.

1 Crón 5:1

Ri Rubén, ri nabey ruk'ajol ri Israel kan ja wi rija' ri k'o más ruq'ij, jak'a roma xmakun, roma ri' xelesex chire chi ja rija' ri k'o más ruq'ij, roma xk'oje-qa rik'in ri rixjayil ri rutata'. Y ri k'o ruq'a' rija' chire, xya'ox chike ri e ruk'ajol ri José, ri jun chik ruk'ajol ri Israel; ri Rubén man xya'ox ta chik rejqalen.

1 Crón 2:1

Jere' ri e ruk'ajol kan ri Israel: Ri Rubén, ri Simeón, ri Leví, ri Judá, ri Isacar, ri Zabulón,

Wuj Richin ri Q'axanri'il 1:20

Xtz'ibex k'a kibi' konojel ri achi'a' ri k'o juwineq kijuna' pa jotol, konojel ri yetikir yebe pa labal. Y xtz'ibex k'a kibi' achi'el ri kajlabal chi kach'alal-ki', xtiker-el rik'in ri tzobaj richin ri Rubén, ri nabey ruk'ajol ri Israel y xtane' rik'in ri tzobaj richin ri Neftalí. Jare' k'a ri kajlabal ri achi'a' ri xe'ajlex: Ri kajlabal ri achi'a' richin ri tzobaj ri richin kan ri Rubén e 46,500. Ri kajlabal ri achi'a' richin ri tzobaj ri richin kan ri Simeón e 59,300. Ri kajlabal ri achi'a' richin ri tzobaj ri richin kan ri Gad e 45,650. Ri kajlabal ri achi'a' richin ri tzobaj ri richin kan ri Judá e 74,600. Ri kajlabal ri achi'a' richin ri tzobaj ri richin kan ri Isacar e 54,400. Ri kajlabal ri achi'a' richin ri tzobaj ri richin kan ri Zabulón e 57,400. Ri kajlabal ri achi'a' richin ri tzobaj ri richin kan ri Efraín e 40,500. Ri kajlabal ri achi'a' richin ri tzobaj ri richin kan ri Manasés e 32,200. Ri kajlabal ri achi'a' richin ri tzobaj ri richin kan ri Benjamín e 35,400. Ri kajlabal ri achi'a' richin ri tzobaj ri richin kan ri Dan e 62,700. Ri kajlabal ri achi'a' richin ri tzobaj ri richin kan ri Aser e 41,500. Ri kajlabal ri achi'a' richin ri tzobaj ri richin kan ri Neftalí e 53,400. Konojel ri achi'a' ri xe'ajlex e 603,550.

Wuj Richin ri Q'axanri'il 26:5

Ek'o k'a e 43,730 aj-labal ri ek'o pa tzobaj richin kan ri Rubén ri nabey ruk'ajol ri Israel. Y ri e aj-raqen pa kiwi' ja ri Henoc, Falú, Hesrón y ri Carmí.

Wuj Richin ri Rutikeribel 48:18

y xubij chire: ¡Táta, man kela' ta! Ja re jun re' ri nimalaxel; pa ruwi' rija' taya-wi ri awijkiq'a', xcha' ri José chire ri rutata'.

Wuj Richin ri Rutikeribel 46:8

Y ri kibi' ri e rijatzul ri Jacob ri xebe-qa pan Egipto, ja re': Ri Rubén ri nabey ruk'ajol;

Apocalipsis 3:14

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Laodicea, y tinbij-el; chi ri kan qitzij, ri qitzij rutz'eton ronojel ri nubij, ri kan k'o pe nabey chuwech ri rutikeribel ronojel ri k'o, kere' nubij:

Deut 33:6

Rix ri tzobaj richin Rubén; ¡Kan tik'ase' ri iwijatzul y man ta niken! Kan man ta e juba' ok ri achi'a' ri ek'o iwik'in,

Wuj Richin ri Rutikeribel 35:22

Rokik ri Israel k'o chupan ri ruwach'ulew ri', jari' toq ri Rubén xk'oje' rik'in ri Bilhá, ri jun chik rixjayil ri rutata'; y ri Israel xunabej k'a ri xbanatej. Y konojel ralk'ual ri Israel e kablajuj.

Wuj Richin ri Rutikeribel 35:23

Ri e ral ri Lea ja ri Rubén ri nabey, k'ari' ri Simeón, ri Leví, ri Judá, ri Isacar y ri Zabulón.

Deut 27:13

Y ri tzobaj richin ri Rubén, ri Gad, ri Aser, ri Zabulón, ri Dan y ri Neftalí xkepa'e' pa ruwi' ri juyu' Ebal richin chi nikiya' ri itzel oyonik pa ruwi' ri tinamit.