Wuj Richin ri Rutikeribel 49:1 - Kaqchiquel Bible

¹ Ri Jacob xeroyoj k'a apo rik'in, konojel ri ruk'ajol y k'ari' xubij chike: Kixjel-pe wik'in richin xtinbij kan chiwe ri achike xtik'uluwachila' ri chiwech-apo.

Wuj Richin ri Rutikeribel 49:1 ပူးပေါင်းရင်းမြစ်များ

Wuj Richin Bix Chire ri Dios 105:15

Y xubij chike chi man jun tikiben chike ri qati't-qamama' ri e rucha'on rija', chi man jun tikiben chike ri e q'alajirisey ruch'abel.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin ri Isaías 2:2

Chupan ri ruk'isibel taq q'ij, xtijikibex k'a ri juyu' Sión, ri akuchi k'o-wi ri rachoch ri Jehová. Y jak'a juyu' ri' ri más nej jotol chikaj, kan janila nim chikiwech ri ch'aqa' chik juyu' ri ek'o chunaqaj. Y konojel k'a ri winaqi' richin ri ruwach'ulew xtikinojisaj ri ruwech.

Wuj Richin ri Isaías 22:14

Roma ri' ri Jehová k'iytisanel richin ronojel xubij kere' chuwe pan iwi' rix: Kan man xtinkuy ta k'a re mak re' re ibanon, k'a ja toq xkixken, nicha' ri Jehová k'iytisanel richin ronojel.

Wuj Richin ri Isaías 39:6

Xkepe k'a q'ij chi ronojel ri k'o chupan ri awachoch, ri kan kimontonin-pe ri ánima awati't-amama' k'a re wakami, kan xtuk'uex k'a el pa Babilonia, y kan man jun chik xtik'oje' kan. Ri Jehová kan rubin-wi.

Wuj Richin ri Isaías 48:14

Timolo-iwi' rix iwonojel ix israelita, y tiwak'axaj. ¿Achike kami chike ri wachibel ri ek'o chi'ikojol rix, ri nitikir nuq'alajirisaj re banobel re'? Ri achin ri xtinwoyoj yin, ja rija' ri xtibanon ronojel ri nuch'obon yin chikij ri aj-Babilonia. Y rija' kan xtiyakatej chikij rije'.

Wuj Richin ri Isaías 53:1

Chupan ri q'ij ri' ri winaqi' xtikibij: ¿Achike ta k'a xtiniman re niqabij? ¿Y achoq pa ruwi' xq'alajin-wi ri ruchuq'a' ri Jehová?

Wuj Richin ri Jeremías 23:20

Ri woyowal man xtik'is ta qa choj keri', xtik'is k'a ja toq xtibanatej ri nuch'obon yin. Y k'a pa taq ruk'isibel q'ij xtiq'ax chikiwech.

Dn 10:1

Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Dn 10:14

Wakami, in peteneq richin nonq'alajirisaj chawech ri xtipe pa ruwi' ri atinamit chawech-apo, roma ri xk'utumej chawech xa kan richin k'a ri q'ij ri', xcha'.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

Wuj Richin ri Miqueas 4:1

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

Wuj Richin ri Q'axanri'il 24:14

Wakami, yin kan jare' k'a xkitzolej-el, richin yibe kik'in ri nuwinaq. Jak'a pa nabey ninbij k'a kan chawe ri achike xtuben re jun tinamit re' chire ri atinamit rat re chiqawech-apo, xcha'.

San Lucas 2:26

Ri Loq'olej Espíritu ruq'alajirisan chik k'a chire ri Simeón chi man xtutz'et ta ri kamik k'a toq rutz'eton chik na kan ri Cristo, ri cha'on roma ri Dios.

Hechos 2:17

chupan ri rutz'iban kan rija', ri Dios nubij:*f5* Chupan ri ruk'isibel taq q'ij, xtinya-pe ri Loq'olej Espíritu pan iwi' chi'iwonojel rix. Y chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri achi'a' e rijita'q chik, pa kachik' k'a ri k'o xkenq'alajirisaj chike.

Deut 31:12

Kan ke'imolo' k'a chi achi'a' chi ixoqi' y ak'uala', y chuqa' ri winaqi' ri man e iwinaq ta ri ek'o pan iruwach'ulew, richin keri' ri iwalk'ual rix ri man jun ketaman chire re pixa' re', xtikak'axaj y xtiketamaj nikiya' ruq'ij ri Jehová ri qa-Dios chupan chijun ri kik'aslen ri chiri' chupan ri ruwach'ulew ri xtiwichinaj kan, xcha' ri Moisés.

Deut 4:30

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija';

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

2 Timoteo 3:1

Jantape' tik'oje' chi'ak'u'x chi chupan ri ruk'isibel taq q'ij xtipe janila ruk'ayewal.

Hebreos 1:2

Jak'a chupan re q'ij ojk'o-wi roj, ri ruk'isibel q'ij richin re ruwach'ulew, ri Dios kan ja ri Ruk'ajol ri xukusaj richin xuq'alajirisaj ri ruch'abel chiqawech y pa ruq'a' rija' xuya-wi ronojel. Y roma rija' xuben re ruwach'ulew y ronojel ri k'o.

Hebreos 13:1

Wach'alal, kan jantape' k'a tiwajo-iwi'.

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.