Wuj Richin ri Rutikeribel 48:7 - Kaqchiquel Bible

⁷ Y yin ninben kere' roma ri Raquel, ri ate', kan janila xinbisoj toq xken kan ri pa bey, toq oj tzolejineq-pe pa Padán-aram, ri pa ruwach'ulew Canaán. Toq kan k'a man jani yinapon ta pan Efrata, y chiri' pa jun chike ri ruchi' bey xinmuq-wi kan. Wakami ri Efrata nibix chuqa' Belén chire, xcha' ri Jacob.

Wuj Richin ri Rutikeribel 48:7 ပူးပေါင်းရင်းမြစ်များ

San Mateo 2:18

Jak'a re wakami, nak'axatej k'a jun ch'abel pa tinamit Ramá. K'o k'a jun ri noq' roma nojineq q'axo'n pa ránima. Ja ri Raquel noq' koma ri ral y man nrajo' ta richin nibochi'ix, roma ri ral kan xeken yan el, nicha'.

Wuj Richin ri Rutikeribel 35:9

Y toq ri Jacob tzolejineq chik pe ri pa Padán-Aram, ri Dios xuk'ut chik ri' chuwech y xrurtisaj,

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.

1 Sam 10:2

Wakami k'a ri xkabe, xke'awil ka'i' achi'a' ri ek'o chunaqaj ri akuchi xmuq-wi ri Raquel, ri pa ruwach'ulew ri Benjamín, chiri' pa Selsah. Rije' xtikibij chawe chi ri taq bur ri xebe'ikanoj xe'ilitej yan. Y ri atata' xa xerumestaj yan qa y wakami kan ja chik k'a rix ri nuch'ob iwij. Y nukanoj achike nuben richin yixril.

1 Sam 1:1

Chupan ri ruwach'ulew Israel, k'o k'a jun achin rubini'an Elcaná, aj-Ramá, chiri' chuwa taq juyu' richin ri Efraín. Ri Elcaná ruk'ajol ri Jeroham, rumam ri Elihú y ruxikin-rumam ri Tohu. Y ri Tohu ruk'ajol kan ri Suf aj-Efraín.

Wuj Richin ri Rut 1:2

Re achin re' rubini'an Elimélec, ri rixjayil rubini'an Noemí y ri e ka'i' ruk'ajol kibini'an Mahlón y Quilión. Rije' e riy-rumam kan ri achin ri xubini'aj Efrata, ri xtz'ukun kan ri tinamit Belén. Rije' xebek'oje' k'a pa ruwach'ulew Moab y xkibanala-qa kachoch chiri'.

Wuj Richin ri Rutikeribel 25:20

Ri Isaac k'o chik kawineq rujuna' toq xk'ule' rik'in ri Rebeca, rumi'al ri Betuel, rana' ri Labán; rije' e arameo aj-Padán-aram.

Wuj Richin ri Rutikeribel 33:18

Y keri' rubanik toq ri Jacob xtzolin-pe ri k'a kela' pa Padán-aram, man jun xuk'uluwachij-pe y xapon ri pa tinamit Siquem ri k'o pa Canaán y xbek'oje' chiri' chunaqaj ri tinamit.

Wuj Richin ri Rutikeribel 35:20

Y ri Jacob xupaba' kan jun abej retal akuchi xmuq-wi ri Raquel, y kan jari' k'o chiri' richin retal k'a re wakami.

Wuj Richin ri Rutikeribel 48:6

Y k'a ja ri xke'awalk'ualaj kan chikij rije', k'a ja rije' ri xke'ok awichin rat y xke'ichinan kik'in ri Efraín y ri Manasés roma kan e kichaq'.

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.