Wuj Richin ri Rutikeribel 48:5 - Kaqchiquel Bible

⁵ Y wakami ri e ka'i' ak'ajol ri xe'alex wawe', toq kan k'a man jani qojpe roj wawe' chupan re ruwach'ulew Egipto, xke'ok nuk'ajol yin achi'el ri Rubén y ri Simeón.

Wuj Richin ri Rutikeribel 48:5 ပူးပေါင်းရင်းမြစ်များ

Wuj Richin ri Josúe 14:4

Ri e ruk'ajol kan ri José ka'i' tzobaj kibanon; ri jun tzobaj ja ri richin ri Manasés y ri jun chik tzobaj ja ri richin ri Efraín. Jak'a ri tzobaj richin ri Leví man jun ri xkichinaj kan richin yetikonej chuwech; ri xkichinaj kan rije' xaxe jujun tinamit richin yek'oje-wi y juba' kisoq'olbal richin ri kiwákix y ri kikarne'l.

Wuj Richin ri Rutikeribel 46:20

Y ri e ralk'ual ri José ri xe'alex rik'in ri Asenat ri rumi'al ri Potifera, ja ri Manasés y ri Efraín. Rije' xe'alex pa ruwach'ulew Egipto.

2 Corintios 6:18

*f6*Yin xkinok k'a tata'aj iwichin rix, y rix xkixok numi'al-nuk'ajol, nicha' ri ajaw ri k'o ronojel uchuq'a' pa ruq'a'.

Wuj Richin ri Josúe 13:7

Tach'ara' k'a re ruwach'ulew re' chikiwech ri beleje' tzobaj y chikiwech ri nik'aj tzobaj richin ri Manasés richin nikichinaj kan, xcha' ri Dios chire ri Josué.

Efesios 1:5

Xojrucha' richin xojok ralk'ual roma ri Jesucristo. Kan jari' wi k'a ri rurayibel y ri ruch'obonik.

Wuj Richin ri Malaquías 3:17

K'ari' ri Jehová ri k'iytisanel richin ronojel xubij: Rix kan ix achi'el jun beyomel ri janila rejqalen. Y toq xkipe richin nonq'ata-tzij, xtinben chiwe achi'el nuben jun tata'aj chire ri ruk'ajol ri nilin richin.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin ri Isaías 43:1

Jak'a re wakami kere' nubij ri Jehová ri k'iytisanel kichin ri e rijatzul kan ri Jacob: Yin xibanon iwichin rix israelita. Y roma ri' man tixibij-iwi' roma kan ja yin ri xikolon iwichin. Yin kan xixinwoyoj rik'in ri ibi', y roma ri' xixok wichin yin.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

Hebreos 11:21

Y ri Jacob chuqa' xukuquba' ruk'u'x rik'in ri Dios, y roma ri', toq niken yan, xerurtisaj ri e ruk'ajol ri José. Roma ri' xluke' pa ruwi' ri ruch'ame'y y xuya' ruq'ij ri Dios.

Wuj Richin ri Rutikeribel 48:1

Xa k'a ka'i' oxi' k'a q'ij tiq'ax, toq kan ja yan ri' xbeya' rutzijol chire ri José chi ri rutata' janila yawa'. Y rija' kan jari' k'a xbe chutz'etik y xeruk'uaj-el ri Manasés y ri Efraín, ri e ruk'ajol.

Wuj Richin ri Rutikeribel 48:6

Y k'a ja ri xke'awalk'ualaj kan chikij rije', k'a ja rije' ri xke'ok awichin rat y xke'ichinan kik'in ri Efraín y ri Manasés roma kan e kichaq'.

Ez 47:13

Chirij re' ri Jehová xubij: Toq rix israelita xtich'er ri ruwach'ulew richin niwichinaj, k'o chi nich'er chiwech ri ruwach'ulew pa kablajuj tzobaj, achi'el ri kajlabal ri e rijatzul kan ri Israel. Y ri e rijatzul kan ri José, xtikichinaj kan ka'i' mul chikiwech ri ch'aqa' kach'alal. Y yin xtinbij chiwe ri akuchi ek'o-wi ri kik'ulba't.

Wuj Richin Bix Chire ri Dios 77:16

Toq rat xabek'ulun-pe, ri ya' kan xesilon roma xkixibij-ki' chawech; ri siwan ri k'o chupan ri ya' ri' kan xesilon chuqa'.