Wuj Richin ri Rutikeribel 48:18 - Kaqchiquel Bible

¹⁸ y xubij chire: ¡Táta, man kela' ta! Ja re jun re' ri nimalaxel; pa ruwi' rija' taya-wi ri awijkiq'a', xcha' ri José chire ri rutata'.

Wuj Richin ri Rutikeribel 48:18 ပူးပေါင်းရင်းမြစ်များ

Hechos 11:8

Jak'a yin xinbij chire ri xch'on-pe chuwe: Ajaw, yin kan man jun bey nutijon ta chikopi' achi'el re', roma xa kan k'utun chinuwech chi man e ch'ajch'oj ta, chi kan xajan-wi yetij, xicha'.

Hechos 10:14

Jak'a ri Pedro xubij: Ajaw, yin man xkentej ta re chikopi' re'. Yin kan man jun bey e nutijon ta chikopi' achi'el re', ri kan e k'utun chinuwech chi man e ch'ajch'oj ta, ri xa xajan richin yetij, xcha'.

San Mateo 25:9

Jak'a ri wo'o' chik xtani' e nowineq xkibij: Man ruk'amon ta chi niqaya' chiwe, roma wi roj niqaya' chiwe, rik'in juba' k'a k'o na ri nik'atzin chiqe, y keri' chuqa' rix. Más utz kixbiyin chuloq'ik, xecha'.

Ex 10:11

Man keri' ta xtibanatej, xaxe ri achi'a' utz yebe richin nibekisamajij ri Jehová. Wi kan jari' ri niwajo' chi niben, xcha' ri rey. Y xeri' xe'elesex-pe ri chiri'.

Wuj Richin ri Rutikeribel 49:3

Rat Rubén, ri nabey nuk'ajol, rat ri xaq'alajirisan ri wuchuq'a' y ri nabey walk'ual pa nuk'ajolil; rat kan k'o-wi aq'ij, rat kan k'o-wi awuchuq'a' chikiwech ri ch'aqa' chik nuk'ajol.

Wuj Richin ri Rutikeribel 43:33

Ri e rach'alal ri José xetz'uye-apo ri pa mesa, pa juk'an chik ruchi' ri mesa, chuwech ri akuchi xtz'uye-wi ri José, kan achi'el ri xubij rija' chike. Y janila xkimey y xkitzula-ki', roma xban chike chi xetz'uye' achi'el ri kijuna' chikijujunal, nitiker-el rik'in ri nimalaxel k'a rik'in ri ch'i'p.

Wuj Richin ri Rutikeribel 29:26

K'ari' ri Labán xubij chire: Wawe' pa qatinamit roj, kan ja ri nimalaxel k'o chi nik'ule' nabey y man ja ta ri chaq'laxel nik'ule' nabey chuwech ri nimalaxel.

Wuj Richin ri Rutikeribel 27:15

K'ari' ri Rebeca xrelesaj k'a pe ri tzieq más jebel ok ri yakel kan pa rachoch richin ri ral nimalaxel, richin xukusaj ri chaq'laxel.

Wuj Richin ri Rutikeribel 19:18

Jak'a ri Lot xubij chike: Ni, wajaw yin.

Wuj Richin ri Rutikeribel 48:17

Jak'a ri José man xqa' ta chuwech ri xuben ri rutata', roma ri rutata' xa pa ruwi' ri Efraín xuya-wi ri rijkiq'a' y roma ri' ri José xuchop k'a ri ruq'a' ri rutata' richin xrelesaj-el pa ruwi' ri Efraín, richin xuya' pa ruwi' ri Manasés,

Wuj Richin ri Rutikeribel 48:19

Jak'a ri rutata' man xrajo' ta y xubij chire ri José: ¡Wetaman chik nuk'ajol yin, kan wetaman! Ri nimalaxel xtok na wi jun achin ri janila ruq'ij y xtuben-q'anej jun tinamit, jak'a ri chaq'laxel kan xtik'oje' k'a más nim ruq'ij chuwech re nimalaxel; roma ri rijatzul janila e k'iy ri xkebek'oje' chuwech ri ruwach'ulew, xcha' ri Jacob.