Wuj Richin ri Rutikeribel 48:14 - Kaqchiquel Bible

¹⁴ Jak'a ri Jacob xuya' k'a ri rijkiq'a' pa ruwi' ri Efraín, ri k'o pa rajxokon y ri rajxokon xuya' k'a pa ruwi' ri Manasés, ri k'o pa rijkiq'a', stape' ja ri Manasés ri nimalaxel.

Wuj Richin ri Rutikeribel 48:14 ပူးပေါင်းရင်းမြစ်များ

Wuj Richin ri Rutikeribel 41:51

Ri nabey ruk'ajol ri xk'oje', xubini'aj Manasés, y re' nel chi tzij xinmestaj, roma ri José xuch'ob k'a qa y xubij: Ri Dios kan xuben k'a chuwe richin xinmestaj ronojel ri nuq'axo'n y chuqa' xenmestaj konojel ri ek'o pa rachoch ri nata', xcha'.

1 Timoteo 5:22

Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

1 Timoteo 4:14

Richin keri' man tamestaj ri xusipaj ri Dios chawe ri yatikir naben. Y re' jare' xak'ul toq ri uk'uey kichin ri qach'alal xkiya' kiq'a' pan awi' y xkibij chi xatok jun rusamajel ri Dios.

Hechos 13:3

Toq xetane' richin xemewayin y xech'on rik'in ri Dios, jari' toq xkiya' kiq'a' pa kijolon ri Bernabé y ri Saulo, richin xebe chubanik ri samaj ri rubin kan ri Loq'olej Espíritu.

Hechos 6:6

Jak'a wuqu' achi'a' re' ri xebepabex chikiwech ri e taqon roma ri Cristo. Rije' xech'on rik'in ri Dios, y k'ari' xkiya' kiq'a' pa kiwi' ri achi'a' ri', richin tiq'alajin chi jari' nikichop ri kisamaj.

San Lucas 13:13

Xuya' k'a ruq'a' pa ruwi'. Y ri ixoq kan jari' xchojmir, xpa'e' jebel. Y kan jari' k'a xuya' ruq'ij-ruk'ojlen ri Dios.

San Lucas 4:40

Toq xqaq'ij yan qa chupan ri jun q'ij ri', konojel k'a ri winaqi' richin ri tinamit ri ek'o yawa'i' kik'in ri k'o jalajoj ruwech yabil chike; xekik'uala-apo chuwech ri Jesús. Y ri Jesús xuya' ruq'a' pa kiwi' chikijujunal richin yeruk'achojirisaj.

San Mateo 19:15

Toq ri Jesús xuya' kan urtisanik pa kiwi' ri ak'uala' ri', xel k'a el ri chiri'.

San Mateo 19:13

Y ek'o k'a ak'uala' ri xe'uk'uex-apo chuwech ri Jesús, richin chi rija' tuya' ruq'a' pa kiwi' y tich'on rik'in ri Dios pa kiwi'. Jak'a ri tijoxela' xa xekich'olij-el ri xe'uk'uan-apo ri ak'uala'.

San Mateo 16:18

Yin ninbij k'a chawe chi rat abini'an Pedro.*f22* Y ninbij chuqa' chawe chi pa ruwi' k'a re abej re' xtinpaba-wi jun molaj winaqi' ri yetzeqeliben wichin. Y man jun k'a xtinaqo kichin, ni ri kamik.

San Mateo 6:5

Toq rix yixch'on rik'in ri Dios, man k'a tiben achi'el ri nikiben ri winaqi' ri ka'i' kipalej. Roma ri winaqi' ri' kan ja ri pa taq jay richin molojri'il, y ri akuchi nikik'ul-ki' ri bey, chiri' yepa'e-wi richin yech'on rik'in ri Dios, xaxe richin ketz'etetej koma ri winaqi'. Kan qitzij k'a ninbij chiwe chi ri winaqi' ri yebanon keri' xa kan xkik'ul yan k'a rajel ruk'exel ri kibanobal.

Wuj Richin Bix Chire ri Dios 118:16

Kan nimalej k'a ruchuq'a' ri Jehová. rija' kan nuya' k'a uchuq'a' richin ch'akonik, yecha'.

Wuj Richin Bix Chire ri Dios 110:1

Ri Jehová xubij chire ri wajaw: Katz'uye-pe re pa wijkiq'a' y xkenya' pan aq'a' ri ye'etzelan awichin, xcha'.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

Wuj Richin ri Q'axanri'il 8:18

Yin xencha' ri levita pa kik'exel konojel ri nabey taq alaboni' richin ri tinamit Israel.

Wuj Richin ri Q'axanri'il 8:10

Toq rije' xkejel-pe chinuwech yin Jehová, ri ch'aqa' chik winaqi' xtikiya' kiq'a' pa kijolon ri e levita.

Ex 15:6

Ri awijkiq'a' rat Jehová Dios, nim rik'in uchuq'a'; ri awijkiq'a' rat Jehová Dios, xeruwulaj ri e etzelanel awichin.

Wuj Richin ri Rutikeribel 48:18

y xubij chire: ¡Táta, man kela' ta! Ja re jun re' ri nimalaxel; pa ruwi' rija' taya-wi ri awijkiq'a', xcha' ri José chire ri rutata'.

Wuj Richin ri Rutikeribel 46:20

Y ri e ralk'ual ri José ri xe'alex rik'in ri Asenat ri rumi'al ri Potifera, ja ri Manasés y ri Efraín. Rije' xe'alex pa ruwach'ulew Egipto.

Wuj Richin ri Rutikeribel 41:52

Y xalex k'a ri ruka'n ruk'ajol y xubini'aj Efraín y re' nel chi tzij niwachin, roma rija' xubij: Ri Dios xuben chuwe richin xek'oje' walk'ual chupan re ruwach'ulew akuchi janila xintej poqon, xcha'.

Wuj Richin ri Rutikeribel 48:13

Chirij ri' xeruya' chik apo ri ruk'ajol chuwech ri rutata'; ri Efraín xk'oje' pa rijkiq'a' rija' y pa rajxokon ri rutata' y ri Manasés xk'oje' pa rajxokon rija' y pa rijkiq'a' ri rutata'.

Wuj Richin ri Rutikeribel 48:17

Jak'a ri José man xqa' ta chuwech ri xuben ri rutata', roma ri rutata' xa pa ruwi' ri Efraín xuya-wi ri rijkiq'a' y roma ri' ri José xuchop k'a ri ruq'a' ri rutata' richin xrelesaj-el pa ruwi' ri Efraín, richin xuya' pa ruwi' ri Manasés,

Wuj Richin ri Q'axanri'il 2:18

Ri pa qajbel-q'ij chire ri wachoch, chiri' xkek'oje-wi konojel ri winaqi' ri xketzeqeliben ri tzieq ri ruk'exewach ri rutzobaj ri Efraín. Ri aj-raqen pa kiwi', ja ri Elisamá ruk'ajol ri Amihud.