Wuj Richin ri Rutikeribel 48:13 - Kaqchiquel Bible

¹³ Chirij ri' xeruya' chik apo ri ruk'ajol chuwech ri rutata'; ri Efraín xk'oje' pa rijkiq'a' rija' y pa rajxokon ri rutata' y ri Manasés xk'oje' pa rajxokon rija' y pa rijkiq'a' ri rutata'.

Wuj Richin ri Rutikeribel 48:13 ပူးပေါင်းရင်းမြစ်များ

Wuj Richin ri Rutikeribel 48:12

K'ari' ri José xerelesaj-pe chi e ka'i' ruk'ajol, ri ek'o-apo rik'in ri rutata', y xuqasaj-qa-ri' k'a pan ulew chuwech.

Wuj Richin ri Rutikeribel 48:14

Jak'a ri Jacob xuya' k'a ri rijkiq'a' pa ruwi' ri Efraín, ri k'o pa rajxokon y ri rajxokon xuya' k'a pa ruwi' ri Manasés, ri k'o pa rijkiq'a', stape' ja ri Manasés ri nimalaxel.

Wuj Richin ri Rutikeribel 41:51

Ri nabey ruk'ajol ri xk'oje', xubini'aj Manasés, y re' nel chi tzij xinmestaj, roma ri José xuch'ob k'a qa y xubij: Ri Dios kan xuben k'a chuwe richin xinmestaj ronojel ri nuq'axo'n y chuqa' xenmestaj konojel ri ek'o pa rachoch ri nata', xcha'.

Wuj Richin ri Rutikeribel 46:20

Y ri e ralk'ual ri José ri xe'alex rik'in ri Asenat ri rumi'al ri Potifera, ja ri Manasés y ri Efraín. Rije' xe'alex pa ruwach'ulew Egipto.

Wuj Richin ri Q'axanri'il 26:28

Ek'o k'a e 52,700 aj-labal chupan ri tzobaj richin ri Manasés y ri e aj-raqen pa kiwi' rije' ja ri Maquir, ri Galaad, ri Iézer, ri Hélef, ri Asriel, ri Siquem, ri Semidá, ri Héfer, ri Selofhad ri man xek'oje' ta ruk'ajol y xaxe rumi'al ri xek'oje'. Ri xtani' ri' kibini'an: Mahlá, Noá, Hoglá, Milcá y ri Tirsá.

San Mateo 25:33

Ri winaqi' ri e achi'el taq karne'l, xkenya' k'a pa wijkiq'a'. Jak'a ri winaqi' achi'el taq tzuntzun, xkenya' pa wajxokon.