Wuj Richin ri Rutikeribel 48:10 - Kaqchiquel Bible

¹⁰ Ri Jacob janila chik ti ri'j y man kan ta jebel chik nitzu'un. Ri José xerujeluj-apo ri ruk'ajol rik'in y rija' xerutz'ubaj y xeruq'etej.

Wuj Richin ri Rutikeribel 48:10 ပူးပေါင်းရင်းမြစ်များ

Wuj Richin ri Rutikeribel 27:27

Xjel k'a apo ri Jacob richin xutz'ubaj, y ri Isaac xuseq ri ruxla' ri rutziaq, k'ari' ri Isaac xrurtisaj y kere' xubij chire: Jare' ri ruxla' ri rutziaq ri nuk'ajol y kan jubul, jubul k'a ri ruxla' achi'el ri ruxla' ri juyu' ri urtisan roma ri Jehová;

Wuj Richin ri Rutikeribel 27:1

Kere' k'a xbanatej toq ri Isaac xrijix yan y man nitzu'un ta chik. Xroyoj k'a ri ruk'ajol Esaú ri nimalaxel y xubij chire: Nuk'ajol yin, xcha' Y rija' xubij: Jare' ink'o wawe', nata', xcha'.

Wuj Richin ri Isaías 59:1

Ri nimalej ruchuq'a' ri Jehová man k'isineq ta qa richin yixrukol, ni ri rak'axabal man ta nrak'axaj toq yixch'on rik'in.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

1 Rey 19:20

Y ri Eliseo kan jari' xuya' kan ri rusamaj kik'in ri bóyix, y jari' junanin xbe chirij ri Elías, y xubij chi tuya' q'ij chire richin nibech'on kan chike ri rute-rutata', y k'ari' xtutzeqelibej-el. Y ri Elías xubij: Kabiyin k'a, yin man yatinq'et ta, xcha'.

1 Sam 4:15

Y ri Elí k'o chik k'a jumuch' waqxaqlajuj rujuna', y chuqa' moy chik.

1 Sam 3:2

Xapon k'a jun q'ij toq ri Elí man kan ta chik nitzu'un roma nimoyir yan y chupan k'a ri aq'a' ri' kotz'ol pa rachoch ri akuchi niwer-wi.

Wuj Richin ri Rutikeribel 45:15

K'ari' xerutz'ubaj konojel ri rach'alal, y toq xeruq'etej, janila xoq'. Chirij re', k'ari' xetikir xech'on ri rach'alal rik'in.

Wuj Richin ri Rutikeribel 31:55

Ri Labán nimaq'a' yan xyakatej y xerutz'ubaj kan ri rumam y ri rumi'al y xuya' kan urtisanik pa kiwi' y k'ari' xtzolin-pe akuchi k'o-wi ri rachoch.

Wuj Richin ri Rutikeribel 48:8

Toq ri Jacob xerutz'et ri e ka'i' ruk'ajol ri José, jari' toq xuk'utuj: ¿Achike k'a ak'uala' la'?, xcha'.

Wuj Richin ri Rutikeribel 48:11

K'ari' xubij chire ri ruk'ajol: Man woyoben ta chik richin k'o jun q'ij yatintz'et, jak'a ri Dios xuya' q'ij chuwe richin xatintz'et rat y ri e awijatzul, xcha'.

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

Wuj Richin ri Molojri'il 12:3

Toq ri aq'a' ri e chajinel richin ri jay xa yek'ark'ot chik y ri awaqen ri janila kuchuq'a' xa yesotoso'. Keri' chuqa' ri aka' ri ek'o pan achi' xa man yetikir ta chik nikikok'ij ri away, roma xa jujun chik ri ek'o kan, y ri runaq' taq awech ye'ok pa q'equ'm y man yetzu'un ta chik pe pa ventana.