Wuj Richin ri Rutikeribel 47:7 - Kaqchiquel Bible

⁷ Chuqa' ri José xuk'uaj ri rutata' k'a chuwech ri rey y ri Jacob kan xuya' urtisanik pa ruwi' ri rey,

Wuj Richin ri Rutikeribel 47:7 ပူးပေါင်းရင်းမြစ်များ

Wuj Richin ri Rutikeribel 47:10

K'ari' ri Jacob xuya' k'a urtisanik pa ruwi' ri rey y xel-pe ri chiri'.

1 Pedro 2:17

Tiya' iwejqalen y tiwajowala-iwi' ri iniman chik ri Jesucristo. Tiya' ruq'ij ri Dios y tiqasaj-iwi' chuwech ri rey.

San Lucas 22:19

Keri' chuqa' xuk'en-apo ri kaxlan-wey, y toq rumatioxin chik chire ri Dios, xuper y xuya' chike ri rutijoxela' y xubij: Kan titija' k'a. Roma jare' ri nuch'akul ri kan xtijach pan ik'exel rix. Kan tibana' k'a richin jun natabel wichin yin, xcha'.

San Mateo 26:26

Toq kan k'a ye'ajin na k'a chi wa'in, ri Jesús xuk'en-apo jun kaxlan-wey y xumatioxij chire ri Dios. K'ari' xuper ri kaxlan-wey ri' y xuya' chike ri rutijoxela'. Rija' xubij k'a chike: Tik'ama' y titija' re kaxlan-wey re'. Roma jare' ri nuch'akul, xcha'.

2 Rey 4:29

Ri Eliseo xq'ax k'a chuwech ri nrajo' nubij ri ixoq, y roma ri' xubij chire ri Guehazí: Tajitz'a-el ri apan, tak'uaj-el ri nuch'ame'y, y kabiyin junanin. Y wi k'o jun xtak'ul, man taq'ejela' kan; wi k'o jun xkaq'ejelon, man kapa'e-qa rik'in richin naq'ejela' kan. Y toq xkatapon pa rachoch ri ixoq, xtaya' ri nuch'ame'y pa ruwi' ri rupalej ri ak'ual, xcha'.

1 Rey 1:47

Pa ruwi' re' ri nima'q taq samajela' xe'apon rik'in ri David richin xbekiq'ejela', y xkibij chire: Ja ri qa-Dios xtinimirisan ri rubi' ri Salomón más chawech rat, y chuqa' kan ta xtunimirisaj ri rajawaren más ke chuwech ri awichin rat, xecha'. Toq xrak'axaj re', ri David kan xuke' pa ruch'at richin xuya' ruq'ij ri Jehová.

2 Sam 19:39

Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

2 Sam 14:22

K'ari' ri Joab xuqasaj-qa ri' k'a pan ulew chuwech ri rey, y xubij: Wakami xq'ax chinuwech chi xinwil utzil awik'in rat rey, roma xanimaj nutzij yin ri xa in asamajel, xcha'.

2 Sam 8:10

jari' toq xuteq-el ri ruk'ajol rubini'an Joram rik'in ri rey David, richin xberuq'ejela'. Y xberubij utzilej taq ch'abel chire roma xtikir xuch'ek ri Hadad-ézer, roma ri Toi etzelanel chuqa' richin ri Hadad-ézer. Ri Joram ruk'uan k'a el jalajoj ruwech samajibel ri banon rik'in saqipueq, q'anapueq y ri banon rik'in q'enq'oj-pueq richin nusipaj chire ri David.

1 Sam 2:20

Y ri sacerdote Elí xuya' ruq'a' pa kiwi' ri Ana y ri Elcaná y xubij: Ja ri Jehová xtuya' más awalk'ual rik'in re ixoq re', pa ruk'exel ri jun ri xiya-pe pa rachoch rija', xcha'. Y k'ari' rije' xetzolin-el pa kachoch.

Wuj Richin ri Josúe 14:13

K'ari' ri Josué xuya' ri urtisanik pa ruwi' ri Caleb, y xujech kan pa ruq'a' ri tinamit Hebrón richin xrichinaj kan.

Ex 12:32

Ke'ik'uaj chuqa' ri iwawej achi'el ri ibin chuwe y kixbiyin y tibana' utzil kiniwurtisaj chuqa' yin, xcha'.

Wuj Richin ri Rutikeribel 35:27

Y ri Jacob xoqaqa-el rik'in ri Isaac ri rutata' ri k'o chiri' pa Mamré, chupan ri tinamit rubini'an Arbá, ri chuqa' nibix Hebrón chire, ri akuchi xek'oje-wi ri Abraham y ri Isaac.

Wuj Richin ri Rutikeribel 47:8

y ri rey xuk'utuj chire ri Jacob chi janipe' rujuna'.

Wuj Richin ri Josúe 22:6

Ri Josué kan xerurtisaj k'a el richin xkichop-el ri kibey richin xebe pa taq kachoch.

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

Wuj Richin ri Rutikeribel 14:19

Y xrurtisaj ri Abram y xubij chire: Nim aq'ij rubanon ri nimalej Dios chawe rat Abram, ri Dios ri kan man jun chik achi'el rija', ri Dios ri xbanon ri kaj y re ruwach'ulew;