Wuj Richin ri Rutikeribel 47:6 - Kaqchiquel Bible

⁶ wakami k'a tikicha' rije' ri ulew ri niqa' chikiwech, roma ri ruwach'ulew Egipto pan aq'a' rat k'o-wi; y akuchi nikajo' yek'oje-wi, chiri' ke'aya-wi. Y wi ek'o chikikojol rije' e nowineq taq achi'a', ke'aya' pa kiwi' ri tzobaj ri wawej yin, xcha'.

Wuj Richin ri Rutikeribel 47:6 ပူးပေါင်းရင်းမြစ်များ

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Wuj Richin ri Rutikeribel 47:11

Keri' ri José xuya-qa kulew ri rutata' y ri rach'alal ri chiri' pan Egipto, achi'el xubij ri rey, rije' xek'oje' k'a chupan ri tinamit rubini'an Ramsés.

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

Ex 18:25

Ri Moisés xerucha' k'a chikikojol ri israelita, achi'a' ri kan k'o samaj ri yetikir nikiben y xeruya' k'a richin xe'ok aj-raqen pa kiwi' 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Wuj Richin ri Rutikeribel 47:4

Roj oj peteneq k'a richin yojok'oje' chupan re ruwach'ulew re', roma chupan ri qaruwach'ulew Canaán xa maneq chik kiway ri qakarne'l. Ri wayjal chiri' janila nim, roma ri' niqak'utuj jun nimalej utzil chawe, qajaw, richin taya' q'ij chiqe richin yojk'oje' chupan ri ruwach'ulew Gosen, xecha'.

San Juan 17:2

Roma kan ajachon-wi-pe uchuq'a' pa nuq'a' richin kan yik'oje-wi pa kiwi' konojel winaqi'. Y ri uchuq'a' ri' nik'atzin k'a chi yin ninya' ri k'aslen ri man k'isel ta chike konojel ri kan e aya'on chik chuwe.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

1 Sam 21:7

Y chupan k'a ri q'ij ri', jun chike ri rusamajel ri rey Saúl rubini'an Doeg aj-Edom k'o chiri'. Y ja rija' ri k'o más rejqalen pa kiwi' ri e ruyuq'unela' ri Saúl.

Ex 9:21

Jak'a ri aj-raqen, ri aj-Egipto, ri man xeniman ta chire ri ruch'abel ri Jehová, xa xekiya' kan ri kawej y ri kisamajela' ri pa taq juyu'.

Ex 9:10

K'ari' ri Moisés y ri Aarón kan xkimoq'ej k'a el ri aq'ab pa taq kiq'a' y xebe rik'in ri rey. Y chiri' ri Moisés xujopij ri aq'ab chikaj y kan xpe k'a ch'a'k chikij ri winaqi' aj-Egipto y chikij ri kawej.

Wuj Richin ri Rutikeribel 47:16

Y ri José xubij chike: Tiya-pe ri iwawej, wi xa maneq chik iméro, y yin xtinya-el trigo chuwech, xcha'.

Wuj Richin ri Rutikeribel 34:10

Kixk'oje' kan qik'in jumul. Ri ruwach'ulew k'o richin niqasamajij. Tibana' itiko'n chuwech. Kixk'ayin y kixloq'on, kan tibana' iwichin chire, xcha'.

Wuj Richin ri Rutikeribel 20:15

Y chuqa' xubij chire ri Abraham: Ronojel ri ruwach'ulew ri natzu', pa nuq'a' k'a yin k'o-wi; kak'oje' k'a ri akuchi xtiqa-wi chawech rat, xcha' chire.

Wuj Richin ri Rutikeribel 13:9

Ja ronojel ulew la' ri k'o chawech richin tacha'. Yin nink'utuj utzil chawe richin tiqach'ara-qi' y tacha' achike ri niqa' chawech. Wi rat yabek'oje' kan pa rajxokon, yin xkibek'oje' kan pa rijkiq'a', y wi rat pa rijkiq'a' yin pa rajxokon, xcha'.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 45:10

Y xkak'oje' chupan ri ulew Gosen, richin naqaj yak'oje-wi chuwe yin, rat y konojel ri awalk'ual y ri awiy-amam, ri awawej y konojel ri ek'o awik'in.

Wuj Richin ri Rutikeribel 46:34

Roj ri asamajela' kan oj yuq'unela' kichin karne'l pa qach'utinal-pe, achi'el ri samaj ri xkiben ri qati't-qamama', keri' xtibij chire, richin keri' xtuya' q'ij chiwe chi yixk'oje' kan wawe' pa Gosen, roma ri winaqi' aj-Egipto kan nimulun-kik'u'x yek'ase' kik'in yuq'unela' kichin karne'l, xcha' ri José.

Wuj Richin ri Rutikeribel 47:5

K'ari' ri rey xch'on rik'in ri José y xubij chire: Ri atata' y ri e awach'alal xepe richin chi yek'oje' wawe',

1 Rey 11:28

Ri Jeroboam kan k'o-wi ruchuq'a' y jun achin ri maneq xibinri'il chuwech, y toq ri Salomón xutz'et k'a re k'ajol achin re', chi kan k'o-wi retamabal, jari' toq rija' xuya' pa ruq'a' ronojel ri samaj richin ri tz'aq ri', ri xq'at pa kiwi' ri aj-Manasés y ri aj-Efraín.

Wuj Richin ri Jeremías 40:4

Wakami yin ninwelesaj ri cadena ri achoq ik'in ximon-wi ri aq'a'. Wi rat nawajo' yabe chuwij pa Babilonia. Jo' y yin xkatinchajij y wi rat man nawajo' ta yabe, kak'oje' k'a kan. Re ruwach'ulew re' k'o chawech rat, kabiyin ri akuchi niqa' chawech y utz nana' yak'oje', xcha' chuwe.