Wuj Richin ri Rutikeribel 47:30 - Kaqchiquel Bible

³⁰ Roma ri nurayibel yin chi toq xkiken, yinawelesaj-el re wawe' y yinak'uaj-el richin yinabemuqu' kan kik'in ri nte-nata', xcha'. Y ri José xubij chire: Xtinben k'a achi'el ri nawajo' rat, xcha'.

Wuj Richin ri Rutikeribel 47:30 ပူးပေါင်းရင်းမြစ်များ

Wuj Richin ri Rutikeribel 25:9

Ri Isaac y ri Ismael xkimuq k'a ri kitata' chupan ri jul richin Macpelá, ri k'o chupan ri ojer rulew ri Efrón, ruk'ajol ri Sóar hitita, re ulew re' k'o chuwech ri Mamré.

Wuj Richin ri Rutikeribel 23:19

Y chirij ronojel re', k'ari' ri Abraham xberumuqu' kan ri rukaminaq chupan ri jul ri k'o pa Macpelá, ri ti xoral ri k'o pa relebel-q'ij chire ri Mamré y wakami nibix chuqa' Hebrón chire, ri k'o chiri' pa ruwach'ulew Canaán.

Wuj Richin ri Nehemías 2:5

Y xinbij k'a chire ri rey: Xa ta utz chawech rat y xa ta ri asamajel qajineq ta chawech, nink'utuj k'a utzil chawe chi taya' q'ij chuwe richin chi yibe k'a pa Judá, k'a chupan ri tinamit akuchi e muqul-wi ri wati't-numama', richin ninyek chik q'anej ri tinamit, xicha' chire.

Wuj Richin ri Nehemías 2:3

Y yin kere' k'a xinbij chire ri rey: Kan xkak'ase' ta k'a jantape' rat rey. ¿Achike ta k'a roma man ta xtibison ri wánima toq ri nutinamit ri akuchi e muqul chuqa' ri aj pa rachoch ri nata' wuluwik wakami y ri tz'alem richin ri ruchi' ri tz'aq e k'atineq roma ri q'aq'?, xicha' chire.

1 Rey 13:22

y xa xatzolin-pe richin yawa-yatuk'ya' chupan re tinamit re' akuchi xinbij chawe richin man jun tatej, wakami k'a ri ach'akul man xtapon ta chik akuchi e muqul-wi ri ate-atata', xcha' ri Jehová chuwe, xcha' ri achin ti ri'j.

2 Sam 19:37

Yin nink'utuj utzil chawe richin naya' q'ij chuwe richin yitzolin pa nutinamit. Y toq yiken, yimuq ta chikinaqaj ri nte-nata'. Jak'a wawe' k'o ri nusamajel rubini'an Quimham richin nibe awik'in. Y tabana' rik'in ri niqa' chawech, xcha'.

Wuj Richin ri Rutikeribel 50:25

Xujikiba-rutzij ri José chikiwech ri e rijatzul kan ri Israel y xubij chike: Kan qitzij na wi chi ri Dios xtipe richin yixruto' y yixruk'uaj-el y toq xtibanatej re', tik'uaj-el ri nubaqil, xcha' chike.

Wuj Richin ri Rutikeribel 15:15

Jak'a rat k'a k'o na k'iy ajuna' ri xtakochij-el y kan k'o k'a uxlanibel-k'u'x awik'in toq xkaken y xkamuq.

Wuj Richin ri Rutikeribel 23:17

Ri rulew k'a ri Efrón k'o k'a pa Macpelá y jare' ri xok kan richin ri Abraham. Y re ulew re' tikil che' chuwech y k'o ri jul chupan y pa relebel-q'ij chire ri Mamré k'o-wi.

Wuj Richin ri Rutikeribel 25:10

Re ulew re' ruloq'on kan ri Abraham chike ri e rijatzul ri Hit, chiri' k'a xmuq-wi ri Abraham chunaqaj ri Sara ri rixjayil.

Wuj Richin ri Rutikeribel 35:29

Y xken k'a roma rijixinen, y keri' xk'olotej-el chuwech re ruwach'ulew y xbemuq kan koma ri Esaú y ri Jacob ri e ruk'ajol.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

2 Sam 2:32

Chirij ri' ri Joab y ri ruwinaq xkik'uaj-el ri ruch'akul ri Asael richin xbekimuqu' kan pa Belén, ri akuchi muqun-wi ri rutata'. Ri Joab y ri achi'a' ri e beneq rik'in xkichop chik k'a el bey y chijun aq'a' xebiyin. Y k'a ja toq niseqer-pe xe'apon pan Hebrón.