Wuj Richin ri Rutikeribel 47:29 - Kaqchiquel Bible

²⁹ Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

Wuj Richin ri Rutikeribel 47:29 ပူးပေါင်းရင်းမြစ်များ

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Wuj Richin ri Rutikeribel 24:49

Wakami k'a tibij ri qitzij chuwe, wi nijoyowaj ruwech ri wajaw richin niya-el ri xten chuwe. Y wi man niya' ta, tibij chuqa' chuwe, richin keri' yin xtinkanoj akuchi xkibe-wi, xcha' ri rusamajel ri Abraham.

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

1 Rey 2:1

Xapon k'a ri q'ij chi ri David xa niken yan, y roma ri' kere' xubij kan chire ri Salomón ri ruk'ajol:

Hebreos 11:22

Ri José xukuquba' chuqa' ruk'u'x rik'in ri Dios. Y roma ri', toq niken yan, xunataj kan chike ri e ruwinaq judío chi xtapon ri q'ij toq ri kiy-kimam xke'el-el chiri' pan Egipto. Y xuchilabej kan chike chi xtikik'uaj-el ri rubaqil.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

Wuj Richin Bix Chire ri Dios 89:48

¿Achike ta k'a wineq ri nik'ase' y man nutz'et ta el ri kamik? ¿Achike ta k'a ri nikolotej chuwech ri jul muqbel kamineq?

Wuj Richin Bix Chire ri Dios 49:9

richin chi nik'ase' ta richin q'asen, y man jun bey napon ri ruch'akul chupan ri muqbel kamineq.

Wuj Richin Bix Chire ri Dios 49:7

man jun chike rije' ri nitikir ta nukol ri rach'alal, ni man nitikir ta nutoj chire ri Dios ri rukolotajik.

Wuj Richin Bix Chire ri Dios 6:5

Roma toq jun kamineq chik, kan man xtunataj ta chik ri abi'. ¿Achike ta k'a xtiya'on aq'ij, chupan ri muqbel kamineq?

Wuj Richin ri Achin Job 30:23

Roma yin wetaman chi jare' yatajin chinuk'uaxik k'a pa nukamik, yinak'uaj k'a ri akuchi ye'apon-wi konojel ri winaqi' ri xek'ase-el chuwech re ruwach'ulew.

Wuj Richin ri Achin Job 14:14

Wi ri wineq niken, y nik'ase' ta chik jun bey, yin kan ronojel ta q'ij chire ri nuk'aslen xtinwoyobej-apo. Xtinwoyobej k'a toq xtoqaqa na ri q'ij richin yinok-el jun wineq k'ak'a'.

Wuj Richin ri Achin Job 7:1

Ri ruk'aslen ri wineq chuwech re chuwach'ulew xa kan janila k'ayew. junan rik'in ri ruk'aslen jun achin ri nitijox richin nibe pan oyowal; y kan junan chuqa' ruk'aslen rik'in jun aj-chiq'ij samajel ri k'o chi kow nisamej.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Rutikeribel 27:2

Y rija' xubij chire: Yin janila chik in ri'j y man wetaman ta achike q'ij yibeken.

Wuj Richin ri Rutikeribel 50:5

Toq ri nata' niken yan, xuben chuwe richin xinjikiba-nutzij chuwech y xubij chuwe chi rija' nrajo' chi toq xtiken ninbenmuqu' k'a chupan ri jul ri kan k'oton kan richin rija', ri k'o k'a pa Canaán, y chiri' ninbenmuqu-wi. Roma ri' wakami nink'utuj k'a utzil chawe richin taya' q'ij chuwe richin ninbenmuqu' kan ri nata'. Y toq xtimuqutej kan, k'ari' xkitzolin-pe, xcha' ri José chike ri achi'a' ri' richin nikibij chire ri rey.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

2 Sam 2:32

Chirij ri' ri Joab y ri ruwinaq xkik'uaj-el ri ruch'akul ri Asael richin xbekimuqu' kan pa Belén, ri akuchi muqun-wi ri rutata'. Ri Joab y ri achi'a' ri e beneq rik'in xkichop chik k'a el bey y chijun aq'a' xebiyin. Y k'a ja toq niseqer-pe xe'apon pan Hebrón.

Wuj Richin ri Rutikeribel 48:21

K'ari' xubij chire ri José: Yin yibeken yan, jak'a ri Dios xtik'oje' kan iwik'in rix, y xtuben chiwe chi yixtzolin chupan ri ruwach'ulew ri akuchi xek'oje-wi ri iwati't-imama'.

Wuj Richin ri Rutikeribel 50:12

Ri ralk'ual ri Jacob kan xkiben k'a achi'el ri rubin kan ri kitata' chike,

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Wuj Richin ri Josúe 2:14

Y ri nachanela' xkibij: Roj xtiqaya' qatzij chi kan xtiqakol ri ik'aslen, wi man xqojisujuj ta ri achike roma ojk'o wawe' roj, y toq ri Jehová xtuya' re ruwach'ulew re' chiqe, kan qitzij wi chi xtiqajoyowaj iwech, xecha'.

Wuj Richin ri Josúe 23:14

Roma yin xa yiken yan, wakami k'a tiwetamaj kan jebel y tik'oje' kan pan iwánima, y tik'oje' kan chi'ik'u'x, chi ronojel ri rusujun ri Jehová ri qa-Dios chiqe, ronojel xbanatej y man jun xk'oje' ta kan chaq keri'.