Wuj Richin ri Rutikeribel 47:18 - Kaqchiquel Bible

¹⁸ Y toq xk'is ri juna' ri', xe'apon chik jun bey rik'in, y xbekibij chik chire: Rat awetaman chi roj maneq chik qaméro, y ri qawej awichin chik rat y kan man jun chik k'o qik'in richin niqaya' chawe, xaxe chik ri qulew y roj.

Wuj Richin ri Rutikeribel 47:18 ပူးပေါင်းရင်းမြစ်များ

Wuj Richin ri Jeremías 38:9

Rat rey ri wajaw, re achi'a' re' man utz ta xkiben rik'in ri Jeremías, roma kan xkiya-qa chiri' pa jul. Y chiri' xtiken-wi roma wayjal, roma maneq chik kaxlan-wey pa qatinamit, xcha' chire.

2 Rey 6:26

Y k'o k'a jun q'ij toq ri rey richin Israel nibijay pa ruwi' ri tz'aq, y xpe k'a jun ixoq xsik'in-q'anej y xuk'utuj to'onik chire.

Wuj Richin ri Rutikeribel 47:17

Y rije' kan keri' wi xkiben; xekik'uala-apo ri nima'q y kokoj taq kawej, y ri José xuya-el kiway pa ruk'exel y keri' xeruto' ri juna' ri'.

Wuj Richin ri Rutikeribel 47:19

Qojaloq'o' k'a roj y ri qulew richin naya' qaway y xtiqaxim k'a qi' pa samaj roj y ri qulew rik'in ri rey y xtiqasamajij k'a chuqa' ri ulew. Taya' chuqa' qija'tz richin niqatik ruwech ri ulew richin man tik'oje' choj keri'. ¿Achike roma naya' q'ij richin yojken, roma wi keri', ri ruwach'ulew man jun chik nisamajin?, xecha'.