Wuj Richin ri Rutikeribel 47:14 - Kaqchiquel Bible

¹⁴ Ronojel k'a ri méro ri richin chijun ruwach'ulew Egipto y ri richin ri ruwach'ulew Canaán, xapon k'a pa ruq'a' ri José; rajel ri trigo ri xuk'ayij chike ri winaqi' aj-Egipto y chike ri winaqi' aj-Canaán; y ronojel ri méro ri' xuyek k'a pa rachoch ri rey.

Wuj Richin ri Rutikeribel 47:14 ပူးပေါင်းရင်းမြစ်များ

Wuj Richin ri Rutikeribel 41:56

Y toq ri wayjal xpe ruchuq'a' chi nej chi naqaj chupan ri ruwach'ulew Egipto, jari' toq ri José xerujaqala' ri k'ujay ri akuchi e ruyakon-wi kan ri trigo y xuk'ayij k'a chike ri winaqi' aj-Egipto.

1 Pedro 4:10

Chi'ijujunal k'o jun samaj ri yixtikir niben, ri rusipan ri Dios chiwe roma ri rutzil. Roma ri' tikusaj k'a richin ye'ito' ri ch'aqa' chik qach'alal, richin keri' niq'alajin ri ik'ulun.

1 Corintios 4:2

Y jun samajel kan nik'atzin chi tubana' ri samaj, achi'el ri rubin ri rajaw chire.

Wuj Richin ri Rutikeribel 47:15

Toq k'isineq chik k'a ri kiméro ri winaqi' ri ek'o chupan ri ka'i' ruwach'ulew ri', ri winaqi' xe'apon k'a rik'in ri José y xkibij chire: Tabana' jun utzil taya' qa-trigo; man taya' q'ij richin yojken roma wayjal y roj xa maneq chik qaméro, xecha'.

Wuj Richin ri Rutikeribel 41:57

Y roma ri wayjal beneq runimirinen, xe'apowiyaj k'a chuqa' winaqi' kichin ch'aqa' chik ruwach'ulew, richin yebeloq'on rik'in ri José, roma chijun ruwach'ulew k'o k'a pa jun nimalej wayjal.

Wuj Richin Etamabel-Tzij 11:26

Ri kan k'iy k'a rujal k'o y choj ruyakon chiri', ri winaqi' xtikoyoj ri ruk'ayewal pa ruwi', jak'a ri kan k'o rujal y nrelesaj-pe richin nuk'ayij, ri winaqi' kan xtikik'utuj urtisanik pa ruwi'.