Wuj Richin ri Rutikeribel 47:12 - Kaqchiquel Bible

¹² Xerilij k'a konojel, ri rutata', ri rach'alal, konojel ri aj pa rachoch ri rutata' y konojel ak'uala'.

Wuj Richin ri Rutikeribel 47:12 ပူးပေါင်းရင်းမြစ်များ

Wuj Richin ri Rutikeribel 45:11

Richin man xkixwayjan ta, xkixintzuq re wawe' y kan man jun ri achike ta xtik'atzin chiwe, roma k'a k'o na wo'o' juna' wayjal; keri' tibij chire ri nata' y keri' chuqa' tibij chike ri ek'o pan iwachoch, xcha'.

1 Timoteo 5:8

Jak'a nik'atzin chi konojel yekito' ri e kach'alal, y kan más nik'atzin chi yekilij ri kan e aj pa kachoch. Roma ri man nuben ta keri' xa kan achi'el xa ta xumalij kan ri kuqubabel-k'u'x, y xa más itzel ke chikiwech ri winaqi' ri man ketaman ta ruwech ri Dios.

1 Timoteo 5:4

Jak'a ri malkani' ri ek'o kal o ek'o kiy, ja rije' ri ke'ilin kichin, richin niketamaj yekilij nabey ri e aj pa kachoch, y yekito' ri kite-kitata' achi'el ri ruk'amon chi nikiben ri nimanela', roma jari' ri niqa' chuwech ri Dios.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

1 Tesalonicenses 2:7

stape' kan ruk'amon ta chi keri' roma kan oj taqon-pe roma ri Cristo. Jak'a pa ruk'exel ri' roj xa janila xixqajo', achi'el nuben jun te'ej kik'in ri taq ral.

Wuj Richin ri Rut 4:15

Wakami ja rija' k'a ri xtikuquban ak'u'x, y ja rija' chuqa' xtilin awichin toq xkarijix. Y ri awali' qitzij chi janila yarupoqonaj; rija' kan más k'a rejqalen ke chuwech ek'o ta e wuqu' awal alaboni', xecha' chire ri Noemí.

Ex 20:12

Tiya' kiq'ij ri ite-itata', richin chi k'iy k'a juna' xkixk'ase-el chuwech re ruwach'ulew, ri ninya' yin Jehová ri i-Dios chiwe.

Wuj Richin ri Rutikeribel 47:24

y toq xtik'ol ri itiko'n, y ri jun chire ri ro' chire ronojel ri itiko'n ri xtik'ol niya' chire ri rey y ri kaji' chik chire ronojel xtok iwichin rix, richin ri iwija'tz y richin k'o xtitej kik'in ri iwalk'ual y ri ek'o pan iwachoch, xcha' ri José chike.

Wuj Richin ri Rutikeribel 47:21

konojel k'a ri aj-Egipto xek'oje' kan pa ruq'a' ri ki-rey, nitiker-pe chuchi' ri ruk'ulba't ri ruwach'ulew y napon k'a ri juk'an chik ruk'ulba't ri ruwach'ulew Egipto.

Wuj Richin ri Rutikeribel 47:1

K'ari' ri José xbe richin xberuya' rutzijol chire ri rey, y toq xapon rik'in xubij chire: Ri nata' y konojel ri wach'alal y ri kikarne'l, ri kiwákix y ronojel ri k'o kik'in pa Canaán xkik'en-pe y wakami jari' ek'o chiri' pa Gosen, xcha'.

Wuj Richin ri Rutikeribel 50:21

Roma ri' man tixibij-iwi'. Yin kan k'a xkixintzuq na, rix y ri iwalk'ual, xcha'. Keri' k'a xubij ri José richin chi xukuquba' kik'u'x ri rach'alal, y kan rik'in janila ajowabel xch'on kik'in.

Wuj Richin ri Rutikeribel 45:7

Roma ri' ri Dios xiruteq-pe re wawe', nabey chiwech rix, richin chi yek'oje' kan k'iy iwijatzul chuwech re ruwach'ulew, y richin chuqa' chi ninkol ri ik'aslen rix y man yixken ta roma wayjal.

Wuj Richin ri Rutikeribel 45:10

Y xkak'oje' chupan ri ulew Gosen, richin naqaj yak'oje-wi chuwe yin, rat y konojel ri awalk'ual y ri awiy-amam, ri awawej y konojel ri ek'o awik'in.

Wuj Richin ri Isaías 22:24

Rija' xtuya' kisamaj konojel ri aj pa rachoch kan ri rutata'. Chuqa' xtuya' ronojel ri nik'atzin chike, achi'el nuben jun nimalej clavo ri yetzeqe' sartén chire, jun bojo'y y ronojel ruwech xára.