Wuj Richin ri Rutikeribel 46:3 - Kaqchiquel Bible

³ Y ri Dios xubij chire: Ja yin ri in Dios, ri ru-Dios chuqa' ri atata' Isaac. Man taxibij-awi' richin yabe pan Egipto, roma ri chiri', yin kan xtinben k'a chike ri awijatzul chi xke'ok jun nimalej tzobaj winaqi'.

Wuj Richin ri Rutikeribel 46:3 ပူးပေါင်းရင်းမြစ်များ

Deut 26:5

Y kere' k'a xtibij-apo chuwech ri Jehová ri qa-Dios: Ri qati't-qamama' e aj-Aram xebe-kela' xebe-kela' xkiben y xa juba' man xeken. Chuqa' xebek'oje' pan Egipto y e juba' ok. Chiri' janila xewinaqir. Kan xe'ok jun nimalej tinamit y xk'oje' kuchuq'a'.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Hechos 27:24

Y ri ángel ri' xubij chuwe: Pablo, man k'a taxibij-awi'. Rat kan k'o k'a chi yatapon na ri pa Roma chuwech ri César. Roma ri' man jun k'a xtak'uluwachij. Y awoma k'a rat, ri Dios xkerukol k'a chuqa' ri e awachibilan-el chupan re jun barco re'. Kan man jun k'a xtiken kan chiwe, xinuche'ex roma ri ángel.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Rutikeribel 35:11

Ri Dios xubij chuqa' chire: Ja yin ri in Dios ri ronojel yitikir ninben; katalk'ualan k'a y xkewinaqir ri awijatzul, awik'in k'a rat xtel-wi jun tzobaj winaqi', richin ri ruwach'ulew, y kan e k'iy chik k'a ruwach'ulew xke'el awik'in; chuqa' xke'el rey rik'in ri awijatzul.

Hechos 7:17

Ri q'ij k'a richin nibanatej ri rusujun ri Dios chire ri Abraham, ri kan xuya' rutzij chire chi kan nuben-wi, xa kan naqaj chik k'o-wi. Y ri tinamit Israel chuqa' kan ruchapon k'a ninimer y nik'iyer ri chiri' pan Egipto.

Deut 10:22

Toq ri qati't-qamama' xe'apon pan Egipto xaxe e oxk'al lajuj wineq, jak'a re wakami ri Jehová ri qa-Dios xuben chiqe chi janila xojwinaqir achi'el ri kajlabal ri ch'umila' ri ek'o chila' chikaj.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Wuj Richin ri Rutikeribel 47:27

Keri' toq xek'oje-qa ri ralk'ual ri Jacob ri chiri' pa ruwach'ulew Egipto, pa taq ulew rubini'an Gosen y kan xok k'a qa kichin rije'; y ri winaqi' ri e rijatzul kan ri Jacob kan janila k'a xek'iyer.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Rutikeribel 18:18

roma kan qitzij na wi chi ri Abraham xtibe'ok jun nimalej tata'aj richin jun nimalej tzobaj winaqi' y kan xtik'oje' k'a uchuq'a' pa kiq'a' chuwech re ruwach'ulew y roma rija' xtinya' urtisanik pa kiwi' konojel ruwach'ulew.

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Wuj Richin ri Jeremías 40:9

K'ari' ri Guedalías xuya' rutzij chike rije' y xubij: Man tixibij-iwi' richin ye'iwilij ri aj-Babilonia. Kixk'ase' k'a wawe' chupan re qaruwach'ulew y tisamajij ri rey richin Babilonia richin utz xkixbe.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 48:16

y ri ru-ángel kan xirukol chuwech ronojel etzelal. Koma ta k'a re e ka'i' ak'ajol re', xtinatex ri nubi' yin, y xtinatex ta chuqa' ri rubi' ri ánima nata' Isaac y ri ánima numama' Abraham. Y kan ta xkewinaqir ri wijatzul, xcha' ri Jacob.

Wuj Richin ri Rutikeribel 48:19

Jak'a ri rutata' man xrajo' ta y xubij chire ri José: ¡Wetaman chik nuk'ajol yin, kan wetaman! Ri nimalaxel xtok na wi jun achin ri janila ruq'ij y xtuben-q'anej jun tinamit, jak'a ri chaq'laxel kan xtik'oje' k'a más nim ruq'ij chuwech re nimalaxel; roma ri rijatzul janila e k'iy ri xkebek'oje' chuwech ri ruwach'ulew, xcha' ri Jacob.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Ex 1:12

Jak'a toq xeya'ox más pa tijoj-poqonal, jari' toq más xewinaqir y más xkinojisaj ruwech ri tinamit. Roma ri' ri aj-Egipto kan nikixibij chik ki' chikiwech ri israelita.