Wuj Richin ri Rutikeribel 46:2 - Kaqchiquel Bible

² Y ri Dios xuq'alajirisaj-ri' chuwech chupan ri aq'a' ri' y xubij chire: Jacob, Jacob, xcha'. Y ri Jacob xubij chire: Jare' ink'o wawe', xcha'.

Wuj Richin ri Rutikeribel 46:2 ပူးပေါင်းရင်းမြစ်များ

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Hechos 16:9

chupan ri aq'a' ri' ri Pablo xutz'et k'a pa jun achik', chi k'o jun achin aj pa ruwach'ulew Macedonia ri pa'el-apo chuwech. Y ri achin ri' nubij k'a chire: Tabana' utzil, kaq'ax qik'in pa Macedonia, y qojato', xcha' chire.

Hechos 10:3

K'o k'a jun q'ij, toq xq'ax yan oxi' hora chire ri nik'aj-q'ij, rija' pa jun achik' jebel xutz'et chi k'o jun ángel richin ri Dios ri xok-apo rik'in, y xubij chire: ¡Cornelio!, xcha' ri ángel ri'.

Hechos 9:10

Jak'a ri chiri' pa Damasco k'o k'a jun nimanel richin ri Jesús, ri rubini'an Ananías. Y ri ajaw xuk'ut k'a ri' chuwech pa jun achik', y xubij chire: ¡Ananías!, xcha'. Y ri Ananías xubij: Jare' ink'o wawe', ajaw, xcha' rija'.

Hechos 9:4

Ri Saulo kan jari' xtzaq pan ulew, y xrak'axaj chi k'o jun ri nich'on-pe chire, y xubij: Saulo, Saulo, ¿achike roma toq achapon ch'a'oj chuwij yin?, xcha'.

Dn 2:19

Y chupan k'a ri aq'a' ri' ri Dios xuben chi xk'utumej chuwech ri Daniel, ri achik' y ri nel chi tzij. Y roma ri' ri Daniel kan xunimirisaj ruq'ij ri Dios ri niq'aton-tzij ri chila' chikaj. Y kere' k'a xubij: Nimalej aq'ij rat Dios tibe-q'ij tibe-seq. Kan awik'in k'a rat k'o-wi ri na'oj y ri uchuq'a'.

Wuj Richin ri Achin Job 4:13

Chupan k'a ri chi'aq'a' ri', toq konojel e kamineq chi waran; jari' toq yin xinben ri itzel achik' ri'.

2 Crón 26:5

Rokik k'es ri Zacarías ri rutijonel, ri Ozías kan xuya' ruq'ij ri Jehová, y roma ri' ri Jehová kan xuben chire chi utz xel chuwech ronojel.

1 Sam 3:10

Y ri Jehová xapon k'a y xoyon achi'el ri rubanon-pe. K'ari' ri Samuel xubij achi'el ri xbix chire roma ri Elí.

1 Sam 3:4

jari' toq ri Jehová xroyoj ri Samuel. Y ri Samuel xubij: Jare' ink'o wawe' táta, xcha'.

Wuj Richin ri Q'axanri'il 24:4

Yin kan noqaqa-wi ri ruch'abel ri Dios pa nuxikin: Kan nintzu-wi jebel toq kan ninch'ob rij ri Dios. Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Wuj Richin ri Rutikeribel 31:11

Jari' toq ri ángel richin ri Dios xch'on wik'in ri pa wachik' y xubij: Jacob, xcha'. Y yin xinbij: Jare' ink'o wawe', xicha'.

Wuj Richin ri Rutikeribel 22:11

jari' toq ri ángel richin ri Jehová xch'on-pe k'a chila' chikaj, y xubij-pe: ¡Abraham! ¡Abraham!, xcha'. Y rija' xubij: Jare' ink'o wawe', wajaw, xcha'.

Wuj Richin ri Rutikeribel 22:1

Chirij k'a ronojel re' ri Dios xutejtobej ri Abraham y xroyoj k'a pe y xubij chire: Abraham, xcha'. Y rija' xubij: Jare' ink'o wawe', wajaw, xcha' rija'.

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

Hechos 10:13

Kan jari' k'a toq ri Pedro xrak'axaj chi k'o jun ri nich'on chire, y nubij k'a: Pedro, kayakatej. Ke'akamisaj chikopi', y tatija', xcha'.

Wuj Richin ri Rutikeribel 20:3

Y ri Dios xch'on pa rachik' ri Abimélec chupan ri aq'a' ri', y xubij chire: Wakami rat kan k'o chi xkaken roma re jun ixoq re xak'en-qa, xa k'ulan y k'o rachijil, xcha'.

Wuj Kichin ri To'onela' 7:2

Ri Jehová xubij chire ri Gedeón: Ri winaqi' ri ek'o awik'in janila e k'iy richin yenjech ri aj-Madián pan aq'a', man xa roma ri' kiyon rije' xtikiya-qa kiq'ij y nikibij-qa chi roma ri kuchuq'a' rije' xech'akon.

Wuj Kichin ri To'onela' 7:9

Y chupan k'a ri aq'a' ri' ri Jehová xch'on rik'in ri Gedeón y xubij chire: Kayakatej k'a el y kabiyin-qa ri akuchi ek'o-wi-qa ri aj-Madián y kebe'achapa' chi oyowal; roma yin kan xenjech yan pan aq'a'.

Wuj Richin ri Zacarías 1:8

Y jare' ri xk'utumej chinuwech pa jun tokoq'a': Xintz'et k'a chi jun achin ch'okol chirij jun kiej keq rij. Y pa'el k'a pa jun taq'aj kojol juyu', chikikojol q'echa'. Y chirij-el rija' ek'o jun tzobaj kiej. Ek'o keq, ek'o k'aqo'j, y seq kij.