Wuj Richin ri Rutikeribel 45:8 - Kaqchiquel Bible

⁸ Roma ri', man ja ta rix ri xixtaqon-pe wichin wawe', kan ja ri Dios ri xitaqon-pe roma kan xirukusaj richin ninya' pixabanik chire ri rey y chuqa' richin chi xinok achi'el rajaw richin chijun ri rachoch, y xirukusaj chuqa' jun aj-raqen pa ruwi' chijun ruwach'ulew Egipto.

Wuj Richin ri Rutikeribel 45:8 ပူးပေါင်းရင်းမြစ်များ

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

Romanos 9:16

Kan niq'alajin k'a chi ri Dios nuya' ri rutzil chiqe roma nujoyowaj qawech, y man roma ta ri janila niqajo' o roma ta janila niqatej qaq'ij richin niqaben.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Wuj Richin ri Achin Job 29:16

Kan xinok k'a achi'el jun tata'aj pa kiwi' ri winaqi' ri man jun k'o kik'in. Kan xinok k'a chojmirisey richin ri k'o nikik'uluwachij ri winaqi' ri xa man e nuwinaq ta.

Wuj Kichin ri To'onela' 17:10

Xeri' ri Micaías xubij chire: Kak'oje-qa wawe' pa wachoch, y rat xkatok nupixabanel, y chuqa' xkatok nu-sacerdote, y ronojel juna' xtinya' ka'i' libra saqipueq chawe, y chuqa' xtinya' atziaq y away, xcha'. Y ri levita utz xrak'axaj ri xbix chire.

Wuj Richin ri Rutikeribel 45:5

Wakami k'a, man kixbison ni man tiq'axon iwánima roma xinik'ayij-pe, roma re' kan ja ri Dios xbanon richin xiruteq-pe k'a kere', richin man yixken roma wayjal.

Filemón 1:15

Rik'in juba' man ruyon ta itzel xuk'en-pe chawe chi ri Onésimo xel-pe awik'in jun ka'i-oxi' q'ij, roma wakami xtitzolej chik jun bey awik'in, richin jantape'.

Wuj Richin ri Isaías 22:21

Xtinwiq rik'in ri atziaq rat, y xtinya' ri aximibal chire ri kan k'o rejqalen. Chuqa' xtinjech pa ruq'a' ri uchuq'a' ri ya'on pan aq'a', y kan xtok jun tata'aj pa kiwi' konojel aj-Jerusalem y ri aj-Judá.

Wuj Richin ri Rutikeribel 45:26

Y xkiya' k'a ri utzilej rutzijol chire ri kitata' y xkibij chire: Ri José xa k'a k'es na y ja rija' ri okineq q'atoy-tzij pa ruwi' chijun ruwach'ulew Egipto, xecha'. Jak'a ri Jacob toq xrak'axaj ri' xpax ránima roma kan man nunimaj ta ri xkibij chire.