Wuj Richin ri Rutikeribel 45:3 - Kaqchiquel Bible

³ Y ri José xubij k'a chike ri rach'alal: Ja yin ri in José. ¿K'a k'es ri nata'?, xcha'. Y rije' man jun xetikir xkibij chire roma janila kixibin-ki' chuwech.

Wuj Richin ri Rutikeribel 45:3 ပူးပေါင်းရင်းမြစ်များ

Hechos 7:13

Jak'a toq xebe chik jun bey, jari' k'a toq ri José xuq'alajirisaj-ri' chikiwech ri rach'alal chi ja rija' ri José. Y roma ri rey xretamaj e achike ri rach'alal ri José, roma ri' xretamaj chi kan jun hebreo-wi.

Hechos 9:5

Ri Saulo xuk'utuj: ¿At achike k'a rat?, xcha'. Jak'a ri nich'on rik'in ri Saulo xubij chire: Ja yin ri Jesús, y chuwij yin achapon-wi rubanik ch'a'oj, xcha' chire.*f22*

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.

San Lucas 5:8

Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

Marcos 6:50

roma kan konojel xetz'eton richin. Y rije' xsach kik'u'x. Roma ri' ri Jesús xch'on-apo kik'in y xubij: Man tixibij-iwi'. Xa tikuquba' ik'u'x. Ja yin ri Jesús, xcha'.

Wuj Richin ri Achin Job 23:15

Y xa roma ri' toq yin kan janila ninxibij-wi' chuwech rija'. Y toq kan ninch'ob rij ronojel ri', yik'ark'ot k'a chuwech.

Wuj Richin ri Achin Job 4:5

Y re wakami toq xa ja rat ri atk'o chupan ri tijoj-poqonal, namalij ak'u'x. Toq xawil re tijoj-poqonal re' xa nisach ak'u'x.

Wuj Richin ri Rutikeribel 37:20

Wakami k'a tiqakamisaj, y niqaya' chupan la jul la', y xtiqabebij chi jun itzel chikop xukamisaj y xutej, y xtiqatz'et achike xtibanatej rik'in ri rachik', xecha'.

Wuj Richin ri Rutikeribel 42:21

Y rije' xkibila' k'a qa chikiwech: Kan qitzij na wi janila oj itzel xqaben rik'in ri qachaq' José. Man xqanimaj ta rutzij toq rija' xuk'utuj utzil chiqe richin tiqajoyowaj ruwech, y kan xqatz'et chi janila nibison ri ránima, y roma ri' xoqaqa pa qawi' re jun bis re', xecha' rije'.

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

Wuj Richin ri Rutikeribel 43:27

Y ri José xuk'utuj rutzil kiwech y xubij chike: ¿Y ri itata' ri xitzijoj chuwe, utz ruwech, man jun ruk'uluwachin? ¿K'a k'es na?, xcha'.