Wuj Richin ri Rutikeribel 45:26 - Kaqchiquel Bible

²⁶ Y xkiya' k'a ri utzilej rutzijol chire ri kitata' y xkibij chire: Ri José xa k'a k'es na y ja rija' ri okineq q'atoy-tzij pa ruwi' chijun ruwach'ulew Egipto, xecha'. Jak'a ri Jacob toq xrak'axaj ri' xpax ránima roma kan man nunimaj ta ri xkibij chire.

Wuj Richin ri Rutikeribel 45:26 ပူးပေါင်းရင်းမြစ်များ

Wuj Richin ri Rutikeribel 44:28

ri nimalaxel chike rije' e ka'i', xa xbe yan, roma jun itzel chikop xwech'on richin y man jun bey chik xtutz'et ruwech.

Wuj Richin ri Rutikeribel 37:35

Konojel k'a ri ralk'ual, chi achi'a' chi ixoqi' ye'apon k'a rik'in richin chi nikikuquba' k'a ruk'u'x; jak'a rija' man nik'o ta ri rubis y nubij k'a: Kan qitzij ninbij chi k'a toq xkiken na xtinya' kan re bis re', xcha'. Y kan xroq'ej k'a ri José.

San Lucas 24:41

Jak'a rije' man jani nikinimaj. Xa xsach kik'u'x roma ri nikitzu' y roma ri kikoten. Y richin chi nikinimaj, ri Jesús xuk'utuj k'a chike: ¿Man jun kami richin nitij k'o iwik'in richin nisipaj ta juba' chuwe?, xcha'.

San Lucas 24:34

Ri tijoxela' y ri ch'aqa' chik ri ek'o chiri' nikibij chi ri Jesús kan xk'astej yan na wi el, y xuk'ut yan ri' chuwech ri Simón.

San Lucas 24:11

Jak'a ri rutijoxela' xa xkich'ob chi ri ixoqi' ri' xa achike la ri yekitz'etela', y roma ri' man xkinimaj ta ri xbix chike.

Wuj Richin ri Jonás 2:7

Toq xinna' chi nipe yan ri kamik, yin xatinkanoj, y kan xinato'. Y ri nuch'abel xapon awik'in ri akuchi atk'o-wi.

Wuj Richin Bix Chire ri Dios 126:1

Toq ri Jehová xuya' q'ij chiqe richin xojtzolin-pe pa ximonri'il, xqana' achi'el xa ta jun achik'.

Wuj Richin Bix Chire ri Dios 105:21

Xuben k'a chire richin xok aj-raqen pa ruwi' ri rachoch. Kan xok k'a q'atoy-tzij pa ruwi' ronojel ri ajawaren.

Wuj Richin ri Achin Job 29:24

Y toq yin kan xtze'en k'a nuwech kik'in, man k'a xinkinimaj ta. Man rik'in ri', roma xinkitzu' chi yikikot, kan k'o chuqa' kikoten xuk'en-pe chike rije'.

Wuj Richin ri Achin Job 9:16

Y wi rija' kan nuk'uluba-pe ri nuch'abel toq yin yich'on-q'anej rik'in, stape' keri', kan k'a man jani ninimaj ta chi yirak'axaj.

Wuj Richin ri Rutikeribel 42:38

Y ri rutata' xubij chire: Ri nuk'ajol man xtinya' ta el chiwij rix, roma ri José ri runimal xken yan, y xaxe chik rija' xk'oje' kan wik'in; y wi ta k'o jun nuk'uluwachij-pe chupan re taqikil re', ja rix k'o imak, wi yin xkiken roma bis chupan ri nurijixinen, xcha'.

Wuj Richin ri Rutikeribel 42:36

Y xeri' ri kitata' xubij chike: Rix xa chi taq juba' ye'ik'is-el konojel ri walk'ual chinuwech. Ri José maneq chik qik'in, ri Simeón iya'on kan kela'. Y wakami nik'uaj chik el chinuwech ri nuk'ajol Benjamín. ¡Ronojel re' xa pa nuwi' yin niqaqa-wi!, xcha' ri Jacob.

Wuj Richin ri Rutikeribel 37:31

K'ari' rije' xkikamisaj jun ti alaj tzuntzun y xbekik'ama-pe ri nim raqen rutziaq ri José y xkiju' chupan ri rukik'el ri ti chikop ri'.

Wuj Richin ri Rutikeribel 45:25

Xe'el k'a pe ri chiri' pan Egipto, richin xebe-q'anej pa kiruwach'ulew Canaán rik'in ri kitata'.

Wuj Richin ri Rutikeribel 42:29

Y toq xe'apon chupan ri ruwach'ulew Canaán rik'in ri kitata', xkitzijoj k'a chire ri achike ri xkik'uluwachij:

Wuj Richin ri Rutikeribel 48:11

K'ari' xubij chire ri ruk'ajol: Man woyoben ta chik richin k'o jun q'ij yatintz'et, jak'a ri Dios xuya' q'ij chuwe richin xatintz'et rat y ri e awijatzul, xcha'.