Wuj Richin ri Rutikeribel 45:21 - Kaqchiquel Bible

²¹ Y ri e ruk'ajol ri Israel kan xqa' wi k'a chikiwech ri xbix chike y keri' xkiben. Y ri José kan xuya' k'a el ri carruaje chike y xuben achi'el xbix chire roma ri rey, xuya-el kiway richin nikitej-el pa bey.

Wuj Richin ri Rutikeribel 45:21 ပူးပေါင်းရင်းမြစ်များ

Wuj Richin ri Rutikeribel 45:19

Y ri rey xubij k'a chire ri José: Tabij-el chike chi tikik'uaj-el ri carruaje ri ek'o wawe', richin yekik'en-pe ri kixjayilal y ri kalk'ual y chuqa' ri itata' richin yepe re wawe'.

Ez 23:24

Xkepe k'a rik'in kikamisabal, ki-carruaje y kan janila chi winaqi' rik'in kitobal ruwa-kik'u'x y rutobal-kijolon. Kan xkatinjech k'a pa kiq'a' richin xtikiq'et-tzij pan awi' achi'el nubij ri kipixa' rije'.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri Molojri'il 8:2

Kan tabana' k'a ronojel ri nubij ri rey chi k'o chi niban, roma kan aya'on chik atzij chuwech ri Dios.

2 Crón 35:16

Keri' k'a xban chire ronojel ri samaj ri' richin xnimaq'ijux ri q'ij toq ri Jehová xuya' ri Solbelri'il, y richin xkiporoj ri chikop pa ruwi' ri porobel richin ri Jehová, achi'el ri ruchojmilal ri xuya' ri rey Josías.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Wuj Richin ri Q'axanri'il 3:16

Y ri Moisés kan xuben k'a achi'el ri xbix chire roma ri Jehová. Kan xerajlaj k'a konojel ri tzobaj richin ri Leví.

Ex 17:1

Ri tinamit israelita eqal-eqal k'a xebiyin ri chiri' pa tz'iran ruwach'ulew rubini'an Sin, roma kan ja ri Jehová ri nibin toq k'o chi nikichop-el bey y toq k'o chi yepa'e' richin ye'uxlan. Y jun q'ij xe'apon ri chiri' pa Refidim y xe'uxlan-qa chiri'. Jak'a ri chiri' kan maneq k'a ya' richin nikiqum.

Wuj Richin ri Rutikeribel 46:5

Y ri Jacob xuya' k'a kan ri ruwach'ulew Beerseba. Ri ralk'ual xkiya' k'a el ri kitata' pa carruaje ri ya'on-pe chike roma ri rey, y xekiya' k'a el chuqa' ri kixjayilal y ri kalk'ual.

Wuj Richin ri Rutikeribel 45:27

Y rije' xkitzijoj chire ri kitata' ronojel ri rubin-el ri José chike; jak'a ri Jacob k'a toq xutz'et na ri carruaje ri e taqon-el roma ri José richin nibek'amer-pe, k'ari' janila xkikot ri ránima.

Wuj Richin ri Rutikeribel 45:20

Y man tikich'ob kan rij ri nik'oje' kan chila', roma ri beyomel richin re ruwach'ulew Egipto kan xtok chuqa' kichin rije', xcha' ri rey chire ri José.