Wuj Richin ri Rutikeribel 45:20 - Kaqchiquel Bible

²⁰ Y man tikich'ob kan rij ri nik'oje' kan chila', roma ri beyomel richin re ruwach'ulew Egipto kan xtok chuqa' kichin rije', xcha' ri rey chire ri José.

Wuj Richin ri Rutikeribel 45:20 ပူးပေါင်းရင်းမြစ်များ

Wuj Richin ri Isaías 1:19

Y wi rix xtiwak'axaj ri nuch'abel y xtinimaj nutzij, kan xtitej k'a ri xtiwachin chuwech re ruwach'ulew.

San Lucas 17:31

Toq xtapon ri q'ij ri' ri wineq ri k'o-q'anej pa ruwi' ri rachoch, choj keri' tanimej-el. Man tok chik apo pa rachoch richin chi k'o niberuk'ama-pe. Y ri nisamej pa juyu', man chik titzolej chirachoch.

Ez 20:17

Man rik'in ri' xinjoyowaj kiwech y roma ri' xa man xenk'is ta kan jumul chiri' pa tz'iran ruwach'ulew.

Ez 9:5

Y chike ri e waqi' achi'a' ri e rachibilan ri tz'ibanel xubij chi kebiyin chupan ri tinamit y kekikamisaj kan ri winaqi', jak'a man tikijoyowaj kiwech.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Wuj Richin ri Isaías 13:18

Jak'a ri nikajo' rije', ja ri yekikamisaj ri alaboni' rik'in ri kich'ab. Kan man xtikijoyowaj ta kiwech ri k'a juba' ke'alex, y man xtikipoqonaj ta kiwech ri ak'uala' toq xkekikamisaj.

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

1 Sam 30:24

¿Achike ta k'a xtak'axan iwichin rik'in re', roma junan xtiya'ox chike ri xebe pan oyowal y ri xechajin kan ri qak'amon-pe? Kan junan k'a xtiya'ox chike, xcha'.

1 Sam 25:13

K'ari' ri David xubij chike ri achi'a' ri ek'o rik'in: Tixima' jebel ri i-espada chi'ijujunal y chuqa' yin keri' xtinben, xcha'. Y xkiximila' k'a el ri ki-espada xekipan ri achi'a' y keri' chuqa' xuben ri David. Y xebe e 400 achi'a' chirij y ri e 200 chik xkichajij kan ronojel ri nikikusaj.

1 Sam 10:22

K'ari' ri Samuel xuk'utuj k'a jun bey chik chire ri Jehová, richin niketamaj wi ri Saúl k'o chiri' o ni. Y ri Jehová xubij chike chi ri Saúl kan k'o-wi chiri' y xa xrewaj-ri' chukojol ri ejqa'n.

Wuj Richin ri Josúe 7:11

Ri e rijatzul ri Israel xemakun; xkiq'ej ruwi' ri nujikibel-tzij ri xinya' chike, roma xkichop ri banon chire chi nik'is jumul. Kan xe'eleq' k'a, kan xkitz'uk-tzij y kan xkewaj chukojol ri iwichin rix ri xa banon chire chi nik'is jumul.

Deut 19:21

Man tijoyowaj kiwech ri yebanon etzelal chi'ikojol, xa kan tiya' ruk'exel chike, achi'el re': Ri xtikamisan, niken chuqa' rija'; wi ja ri runaq'-ruwech xtisokotej, wi xtel jun rey, wi ja ri ruq'a', wi ja ri raqen, keri' chuqa' xtiban chire ri xtibanon.

Deut 19:13

Man tipoqonaj ruwech ri kamisanel, richin keri' man jun mak xtiqaqa pa ruwi' ri ruwach'ulew Israel, richin keri' ronojel utz xtel chiwech.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Ex 22:7

Wi k'o jun achin nruxqanej ruméro o ch'aqa' chik ri k'o rejqalen rik'in ri rachpochel y neleq'ex ta el, wi xtilitej ri eleq'om, kan xtutoj k'a ri xreleq'aj-el y nuya' chik jun keri' pa ruwi'.

Wuj Richin ri Rutikeribel 45:18

Tikik'ama-pe ri atata' y konojel ri awach'alal richin yepe wawe' wik'in y xtinya' ri ulew más utz chike ri k'o wawe' pan Egipto y kan pa ruk'iyal k'a xtibekitija' ri más utz ri yewachin wawe'.

San Mateo 24:17

Ri xa nuxlan k'a pa ruk'isibel wiq chire ri rachoch, xa tiqaqa-pe richin niberewaj-ri', y man tok chik apo pa rachoch richin chi k'o na ri niberuk'ama-pe.

Wuj Richin ri Rutikeribel 20:15

Y chuqa' xubij chire ri Abraham: Ronojel ri ruwach'ulew ri natzu', pa nuq'a' k'a yin k'o-wi; kak'oje' k'a ri akuchi xtiqa-wi chawech rat, xcha' chire.

Wuj Richin ri Rutikeribel 45:19

Y ri rey xubij k'a chire ri José: Tabij-el chike chi tikik'uaj-el ri carruaje ri ek'o wawe', richin yekik'en-pe ri kixjayilal y ri kalk'ual y chuqa' ri itata' richin yepe re wawe'.

Wuj Richin ri Rutikeribel 45:21

Y ri e ruk'ajol ri Israel kan xqa' wi k'a chikiwech ri xbix chike y keri' xkiben. Y ri José kan xuya' k'a el ri carruaje chike y xuben achi'el xbix chire roma ri rey, xuya-el kiway richin nikitej-el pa bey.

Wuj Richin ri Rutikeribel 47:6

wakami k'a tikicha' rije' ri ulew ri niqa' chikiwech, roma ri ruwach'ulew Egipto pan aq'a' rat k'o-wi; y akuchi nikajo' yek'oje-wi, chiri' ke'aya-wi. Y wi ek'o chikikojol rije' e nowineq taq achi'a', ke'aya' pa kiwi' ri tzobaj ri wawej yin, xcha'.