Wuj Richin ri Rutikeribel 43:9 - Kaqchiquel Bible

⁹ Pa nuq'a' k'a yin xtik'oje-wi-el ri Benjamín; chuwe yin xtak'utuj-wi, wi k'o ri nuk'uluwachij. Y wi man xtonjacha' ta chik chawe k'a re wawe', kan ja yin k'a ri xkinejqalen chupan chijun ri nuk'aslen.

Wuj Richin ri Rutikeribel 43:9 ပူးပေါင်းရင်းမြစ်များ

Wuj Richin ri Rutikeribel 31:39

Ronojel awawej ri yekamisex kan koma ri k'uxunela' taq chikopi', xinya-apo kik'exel, roma rat kan jantape' xe'ach'ojij chuwe, stape' xbanatej paq'ij o chaq'a'.

Wuj Richin ri Rutikeribel 42:37

Ri Rubén xch'on k'a rik'in ri rutata' y xubij chire: Tajacha-el ri Benjamín pa nuq'a' yin y yin kan xtonjacha' chawe, y wi man xtontzolij ta el chawe, ninya' q'ij chawe richin ke'akamisaj chi e ka'i' nuk'ajol yin, xcha' ri Rubén chire ri rutata'.

Wuj Richin ri Rutikeribel 43:10

Man ta oj aq'aton-qa rik'in re', xa ka'i' yan ta mul qojbe y qojtzolin-pe, xcha' ri Judá.

Wuj Richin ri Rutikeribel 9:5

Roma kan qitzij ninbij chiwe, chi wi k'o jun chikop nukamisaj jun chiwe rix, k'o chi xtinch'ojij ri ik'aslen chire; y wi jun chiwe rix nukamisaj jun chik wineq, chuqa' xtinch'ojij ri ruk'aslen chire.

2 Sam 14:9

Jak'a ri ixoq xubij: Ni, wajaw yin. Taya' q'ij chuwe chi yin xtinchojmirisaj re' richin keri' ja yin xkinejqalen ronojel re', y man jun xtawejqalej rat, ni ri aq'atbel-tzij, xcha'.

1 Rey 1:21

Wi man xtaq'alajirisaj ta kan, rik'in juba' toq xkaken rat xa xtipe ruk'ayewal pa qawi', ri qalk'ual Salomón y yin, y keri' xa xqojbekamisex, xcha' ri Betsabé.

Wuj Richin ri Achin Job 17:3

Nu-Dios yin kan tabana' chi awik'in ta rat ninwil-wi nuto'ik, roma xa kan man jun wineq ri nrajo' chi yiruto' ta rik'in ri ninbij yin.

Wuj Richin Bix Chire ri Dios 119:122

Tabana' utzil Jehová chi kan ta xkak'oje' pa nuwi' richin utz yik'ase'. Man taya' q'ij chi ri kinimirisan-ki' yinkitz'ila' yin.

Ez 3:18

Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.

Ez 3:20

Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

Ez 33:8

Rik'in juba' yin ninbij chawe chi ri wineq ri rujachon-ri' chubanik etzelal, kan xtiken. Wi rat man jun xabij chire ri wineq ri' richin nuchojmirisaj ta ri ruk'aslen, rija' xtiken k'a y chawe rat xtinch'ojij-wi ri rukik'el.

San Lucas 11:50

Ri Dios xuben keri' richin pan iwi' rix ri ixk'o wakami, xtuya-wi ri kikamik konojel rije', nitiker-pe k'a pa rutikeribel re ruwach'ulew.

Hebreos 7:22

Roma ri' ja ri Jesús ri pa'el kan chuwech ri jikibel-tzij ri xuben ri Dios qik'in. Re' kan más utz chuwech ri xuben kik'in ri qati't-qamama'.