Wuj Richin ri Rutikeribel 43:3 - Kaqchiquel Bible

³ Jak'a ri Judá xubij chire ri kitata': Ri q'atoy-tzij ri k'o chiri' kan kere' k'a rubin-pe chiqe: Wi man xtik'en ta pe ri ichaq' más ko'ol, kan man xtiya'ox ta k'a q'ij chiwe richin yixok-pe wik'in, chayineq-pe chiqe.

Wuj Richin ri Rutikeribel 43:3 ပူးပေါင်းရင်းမြစ်များ

Wuj Richin ri Rutikeribel 44:23

Y rat xabij chiqe chi wi ri qachaq' más ko'ol man xtipe ta chiqij man xqojak'ul ta chik.

Wuj Richin ri Rutikeribel 43:5

Y wi xa man xtaya' ta el q'ij chire ri Benjamín richin chi nibe chiqij, roj man xqojbe ta, roma ri achin ri' xubij-pe chiqe: Wi man xtik'en ta pe ri ichaq' más ko'ol, kan man xtiya'ox ta q'ij chiwe richin yixok-pe wik'in, chayineq-pe chiqe, xcha' ri Judá.

Hechos 20:38

Kan janila yebison, roma rija' xubij chike chi man jun bey chik xtikitz'et ruwech chuwech re ruwach'ulew. Y xebe k'a rik'in, richin xbekijacha' kan ri chupan ri nima-barco.

Hechos 20:25

Yin xiyaloj xik'oje-el iwik'in richin xintzijoj chiwe chirij toq ri winaqi' ye'ok pa rajawaren ri Dios. Jak'a man rik'in ri', rix xa kan man xkinitz'et ta chik el chuwech re ruwach'ulew.

Hechos 7:34

Wakami yatinteq k'a el pan Egipto, chukolik ri nutinamit, roma nintz'et k'a chi janila tijoj-poqonal nikik'owisaj, y wak'axan chuqa' ri oq'ej ri nikiben, y jare' k'a xiqaqa-pe chikikolik, xcha' ri ajaw chire ri Moisés.

2 Sam 14:32

Y ri Absalón xubij chire ri Joab: Yin xinteq awoyoxik richin xape ta, roma ninwajo' chi nabebij chire ri rey ri achike roma xirelesaj-pe pa Guesur. Roma xa más ta utz ink'o kela'. Wakami ninwajo' nintz'et ruwech ri rey. Y wi ta k'o mak nubanon chuwech, kan kirukamisaj k'a, xcha'.

2 Sam 14:28

Ka'i' k'a juna' k'o-pe ri Absalón pa Jerusalem, y kan man rutz'eton ta k'a ruwech ri rey.

2 Sam 14:24

Jak'a ri rey xubij-el chi ri Absalón tibek'oje' chupan ri rachoch rija', y man pa rachoch ta ri rey. Keri' xtzolin k'a ri Absalón chirachoch, jak'a man xutz'et ta ruwech ri rutata'.

2 Sam 3:13

Y ri David xubij-el chi kan utz xrak'axaj ri taqon-el rubixik chire, xaxe k'a xuchilabej-el chire ri Abner chi toq xtapon rik'in, k'o chi ruk'uan-el ri Mical ri rumi'al kan ri Saúl richin nitikir nibech'on rik'in ri David.

Wuj Richin ri Rutikeribel 43:2

Ri Jacob y konojel ri ralk'ual xkik'is yan k'a qa ri trigo ri xbekiloq'o' pan Egipto, roma ri' ri Jacob xubij chike ri ruk'ajol: Kixbiyin chik jun bey, ja tibeloq'o' juba' chik qa-trigo richin qaway, xcha' chike.

Wuj Richin ri Rutikeribel 43:4

Roma ri' wi xtateq-el ri Benjamín chiqij, kan xtibeqaloq'o' ri a-trigo.