Wuj Richin ri Rutikeribel 43:2 - Kaqchiquel Bible

² Ri Jacob y konojel ri ralk'ual xkik'is yan k'a qa ri trigo ri xbekiloq'o' pan Egipto, roma ri' ri Jacob xubij chike ri ruk'ajol: Kixbiyin chik jun bey, ja tibeloq'o' juba' chik qa-trigo richin qaway, xcha' chike.

Wuj Richin ri Rutikeribel 43:2 ပူးပေါင်းရင်းမြစ်များ

1 Timoteo 5:8

Jak'a nik'atzin chi konojel yekito' ri e kach'alal, y kan más nik'atzin chi yekilij ri kan e aj pa kachoch. Roma ri man nuben ta keri' xa kan achi'el xa ta xumalij kan ri kuqubabel-k'u'x, y xa más itzel ke chikiwech ri winaqi' ri man ketaman ta ruwech ri Dios.

Wuj Richin Etamabel-Tzij 31:16

Kan retaman achike rubanik nuben richin nuloq' jun ulew, y rik'in ri méro ri ruch'akon roma ri rusamaj nuteq rutikik ruwech ri rulew rik'in uva.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Wuj Richin Etamabel-Tzij 15:16

Kan más wi utz chi xa juba' ok ri k'o rik'in jun wineq y k'o rukiy ri Dios chuwech; y mani janila chi beyomel y xa maneq rutzil ri k'aslen.

Wuj Richin ri Rutikeribel 43:20

y xkibij chire: Táta, roj kan qitzij niqabij chawe, chi toq xojpe pa nabey mul wawe', xojpe richin xojoloq'on-el,

Wuj Richin ri Rutikeribel 43:4

Roma ri' wi xtateq-el ri Benjamín chiqij, kan xtibeqaloq'o' ri a-trigo.

Wuj Richin ri Rutikeribel 43:1

Ri wayjal kan janila k'a xnimer yan chupan ri ruwach'ulew Canaán.

Wuj Richin ri Rutikeribel 43:3

Jak'a ri Judá xubij chire ri kitata': Ri q'atoy-tzij ri k'o chiri' kan kere' k'a rubin-pe chiqe: Wi man xtik'en ta pe ri ichaq' más ko'ol, kan man xtiya'ox ta k'a q'ij chiwe richin yixok-pe wik'in, chayineq-pe chiqe.

Wuj Richin ri Rutikeribel 44:25

Jak'a toq ri qatata' xubij chik chiqe chi qojpe chik jun bey chuloq'ik juba' trigo;