Wuj Richin ri Rutikeribel 43:11 - Kaqchiquel Bible

¹¹ K'ari' ri kitata' xubij k'a chike: Man jun k'a xtiban, wi kan k'o k'a chi nibanatej achi'el ri nibij rix, kan keri' k'a ri'; xaxe k'a tik'uaj jun sipanik chukojol ronojel ri nik'uaj-el, tik'uaj chire ri q'atoy-tzij ri', ri más utz ri yeruya' chupan re ruwach'ulew re': Tik'uaj-el jutaqba' bálsamo, kab ri nikiya' ri taq chikopi', jubulej taq aq'om, mirra, nuez y almendra.

Wuj Richin ri Rutikeribel 43:11 ပူးပေါင်းရင်းမြစ်များ

Wuj Richin ri Rutikeribel 37:25

K'ari' xebetz'uye' richin xkitej kiway. Y jari' toq xekitz'et jun tzobaj winaqi' ri e rijatzul kan ri Ismael ri e peteneq, ri yepe k'a kela' pa ruwach'ulew Galaad, y kik'amon-pe jubulej taq aq'om, bálsamo, y mirra chikij ri ki-camello y kik'uan-el richin chi nikik'uaj k'a kela' pa ruwach'ulew Egipto.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Ez 27:17

Y chuqa' ri winaqi' aj-Judá y ri aj-Israel yepe rik'in richin ye'oloq'on; nikik'en-pe trigo ri nipe pa tinamit Minit. Chuqa' nikik'en-pe kab ri nikiya' ri taq chikopi', aceite richin olivo y jalajoj kiwech aq'om y rik'in ri' nikitojbej kan.

Wuj Richin Etamabel-Tzij 18:16

Ri sipanik ri nuben jun wineq chire jun chik, kan nuben k'a chire chi nuch'ek-apo ruk'ojlen rik'in; re sipanik re' kan nitikir k'a nuya-apo chikikojol ri k'o nima'q kiq'ij.

1 Sam 9:7

Y ri Saúl xubij chire: Jo' k'a; jak'a ¿Achike ta k'a niqak'uaj-el chire ri achin ri'? Roma maneq chik kaxlan-wey qik'in, y man jun chik k'o qik'in richin niqak'uaj chire. ¿Achike ta k'a yojtikir niqaya' chire?, xcha'.

Hechos 21:14

Roma k'a ri man xojtikir ta xqaben chire chi man ta nibe ri pa Jerusalem, xaxe k'a xqabij chi ja ta ri rurayibel ri ajaw nibanatej.

Ez 27:15

Chuqa' ri winaqi' aj-Rodas y ch'aqa' chik tinamit ri ek'o chuchi' ri palou yepe richin ye'oloq'on rik'in, nikitojbej kan chire rik'in rey tix y chuqa' yekiya' kan che' q'eq.

Wuj Richin ri Nimalej Bix 8:14

Junanin ri' wajowanel yin. Katanin achi'el nanin jun masat, ri nropiyaj-pe pa ruwi' taq juyu' ri jebel yejubulin.

Wuj Richin ri Nimalej Bix 4:14

ri azafrán, ri aji'j, ri canela, ri jalajoj kiwech pom, ri mirra, ri áloe, y ri jalajoj kiwech jubulej taq aq'om.

Wuj Richin ri Nimalej Bix 4:10

Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin Etamabel-Tzij 21:14

Ri sipanik ri pan ewel yejach-wi, nikiqasaj ruwi' oyowal, y toq yepuaqix ri winaqi' ri akuchi xa man jun yetz'eton, ri nimalej taq oyowal yechup-qa.

Wuj Richin Etamabel-Tzij 19:6

Kan janila wi e k'iy winaqi' ri yekamela'an chikiwech ri winaqi' ri k'o kiq'ij, richin nikik'utuj jun utzil; y kan konojel winaqi' yebin chi kachibil jun wineq, xaxe roma k'o sipanik ri nuya' chike.

Wuj Richin Etamabel-Tzij 17:18

Xaxe jun achin ri man nich'obon ta jebel, ri nusuj-ri' richin nuto' xabachike wineq; y kan nupaba-ri' chuwech jun k'as ri nuben jun rachibil rik'in jun chik wineq.

Wuj Richin Bix Chire ri Dios 76:11

Jak'a roj kan xtiqaya' ri xtiqasuj chire ri Jehová; konojel ri ek'o chunaqaj, tikik'ama-pe sipanik chire ri kan k'o-wi rukiy.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

Wuj Richin Bix Chire ri Dios 68:29

Kan k'a chupan ri nimalej awachoch ri k'o pa Jerusalem, akuchi ri e rey richin ch'aqa' chik ruwach'ulew xtikisuj sipanik chawe.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

2 Rey 20:12

Chupan k'a ri q'ij ri' ri rey richin ri Babilonia ja ri Merodac-baladán ruk'ajol ri Baladán. Y rija' xrak'axaj chi ri Ezequías janila yawa', y roma ri' xeruteq-el aj-raqen. Y rije' xkik'uaj wuj y sipanik chire ri Ezequías.

2 Rey 16:8

Y ri Acaz kan xuk'uaj k'a el ronojel ri saqipueq y ri q'anapueq ri k'o chiri' chupan ri rachoch ri Jehová y chuqa' ri k'o chupan ri yakonabel ri chiri' pa rachoch rija'. Y xuteq k'a el re sipanik re' chire ri Pul.

2 Rey 8:8

K'ari' ri rey xubij chire jun chike ri rusamajel ri rubini'an Hazael: Tak'uaj-el jun sipanik, y tabek'ulu' ri rusamajel ri Dios, richin rija' tuk'utuj chire ri Jehová pa nuwi' yin. Tak'utuj k'a chire wi k'a yik'achoj na chire re jun yabilal re' o maneq chik, xcha'.

1 Rey 15:19

Y rik'in ronojel ri beyomel ri kik'uan ri samajela', chuqa' xuteq-el rubixik: Yin xinteq k'a el chawe jun sipanik, juba' saqipueq y juba' q'anapueq. Wakami k'a tijunamatej-qawech roj, achi'el xkiben ri qatata'. Yin niwajo' chi rat yabe ta rik'in ri Baasá, rey richin Israel, richin nawelesaj-awi' chupan ri jikibel-tzij ri abanon rik'in, richin chi rija' kerelesaj-el ri aj-labal ri e okineq-pe pa nuruwach'ulew, xcha-el ri Asá chire.

1 Rey 10:25

Konojel ri ye'apon rik'in kik'ualon k'a apo sipanik ri nalex pa kánima, richin nikiya' chire. Yekiyala' k'a saqipueq, q'anapueq ri jalajoj rubanik banon chire, chuqa' tzieq, kamisabel, jubulej taq aq'om, kiej y bur. Y kan kere' k'a xbanatej ronojel juna'.

1 Rey 10:15

Y chupan re' man etan ta ri nikitoj-apo ri k'ayinela', ni ri nitoj roma ri k'ayij, ni ri nikitoj ri rey ri ek'o pan Arabia, ni ri nikitoj ri e aj-raqen ri ek'o chupan ri ruwach'ulew Israel.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

1 Sam 25:27

Y wakami nuk'amon-pe jun sipanik chawe richin xtataluj chikiwech ri achi'a' ri ek'o awik'in.

Deut 33:14

Rik'in jebelej taq ruwech itiko'n ri nuya' juna-juna'. y rik'in chuqa' ri jebelej taq ruwech itiko'n ri nuya' ronojel ik'.

Wuj Richin ri Rutikeribel 43:14

Y kan ja ta k'a ri Dios ri k'o ronojel uchuq'a' pa ruq'a' xtich'on pa ránima ri achin ri', richin nrelesaj-pe ri iwach'alal Simeón y man ta k'a xtuk'en kan re Benjamín. Y wi man jun chik walk'ual xtik'oje' kan, keri' k'ari', man jun xtinben, xcha' ri Jacob.

Wuj Richin ri Rutikeribel 33:10

Jak'a ri Jacob xubij chire: Yin nink'utuj utzil chawe chi wi kan qitzij xjunamatej-qawech, tak'ulu' re nusipanik re nuk'amon-pe chawe, roma re xqatz'et chik qawech, kan achi'el xintz'et ruwech ri Dios. Roma kan rik'in utzil xinak'ul.

Wuj Richin ri Chojmirisabelri'il 20:24

Yin kan nujikiban nutzij chiwe richin kan xtok kan iwichin ri kiruwach'ulew rije'. Kan ja yin ri xkiya'on chiwe ri ruwach'ulew ri akuchi niwachin ronojel ruwech tiko'n, richin xtok iwichin. Ja yin Jehová ri i-Dios ri yibin, y ri xcha'on iwichin chikikojol konojel ruwach'ulew.

Wuj Richin ri Rutikeribel 43:10

Man ta oj aq'aton-qa rik'in re', xa ka'i' yan ta mul qojbe y qojtzolin-pe, xcha' ri Judá.

Wuj Richin ri Rutikeribel 43:15

K'ari' rije' xebe, xekik'uala-el ri sipanik, ri méro ri richin ri jun bey kan y ri richin yeloq'on-pe ri wakami y xkik'uaj-el ri kichaq' Benjamín richin xebe pan Egipto. Y keri' k'a xe'apon chik rik'in ri José,

Wuj Richin ri Rutikeribel 43:25

Y rije' xkiben k'a ruchojmil ri sipanik richin nikiya' chire ri José toq xtapon ri paq'ij, roma rije' xketamaj chi chiri' xkewa-wi.

Wuj Richin ri Rutikeribel 43:26

Y toq ri José xapon k'a pa rachoch ri paq'ij, rije' xkiya' k'a ri sipanik chire, ri e kik'amalon-pe y xkiqasaj-qa-ki' k'a pan ulew chuwech.

Ez 27:22

Ri loq'onela' richin ri tinamit Sabá y ri Raamá ye'oloq'on chuqa' rik'in. Y nikitojbej kan rik'in jubulej taq aq'om, jebelej taq abej y q'anapueq.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.