Wuj Richin ri Rutikeribel 42:6 - Kaqchiquel Bible

⁶ Y ri q'atoy-tzij ri chiri' pa ruwach'ulew Egipto ja ri José, y ja rija' ri nik'ayin ri trigo chike konojel ri winaqi'. Y toq ri rach'alal xe'apon k'a qa, rije' kan xexuke-qa chuwech y xkiqasaj-qa-ki' k'a pan ulew.

Wuj Richin ri Rutikeribel 42:6 ပူးပေါင်းရင်းမြစ်များ

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Wuj Richin ri Rutikeribel 45:26

Y xkiya' k'a ri utzilej rutzijol chire ri kitata' y xkibij chire: Ri José xa k'a k'es na y ja rija' ri okineq q'atoy-tzij pa ruwi' chijun ruwach'ulew Egipto, xecha'. Jak'a ri Jacob toq xrak'axaj ri' xpax ránima roma kan man nunimaj ta ri xkibij chire.

Wuj Richin ri Rutikeribel 45:8

Roma ri', man ja ta rix ri xixtaqon-pe wichin wawe', kan ja ri Dios ri xitaqon-pe roma kan xirukusaj richin ninya' pixabanik chire ri rey y chuqa' richin chi xinok achi'el rajaw richin chijun ri rachoch, y xirukusaj chuqa' jun aj-raqen pa ruwi' chijun ruwach'ulew Egipto.

Wuj Richin ri Rutikeribel 44:14

Toq ri Judá y konojel ri rach'alal xe'apon chik pa rachoch ri José, rija' k'a k'o na chiri'. K'ari' rije' xkiqasaj-qa-ki' k'a pan ulew chuwech,

Wuj Richin ri Rutikeribel 19:1

Y toq xqaq'ij yan qa ri q'ij ri', kere' k'a ri xbanatej: Ri e ka'i' ángel xe'apon k'a qa ri chiri' pa Sodoma, y ri Lot tz'uyul chiri' pan okibel richin ri tinamit Sodoma. Y toq rija' xerutz'et, xyakatej richin xeberuk'ulu' y xxuke' y xuqasaj-qa-ri' k'a pan ulew chikiwech.

Wuj Richin ri Rutikeribel 18:2

Toq xuyek-q'anej ri rujolon jari' toq xerutz'et e oxi' achi'a', e pa'el-apo chunaqaj. Jari' toq xyakatej-el junanin chiri' chuchi' ri jay richin xeberuk'ulu' y xuqasaj-qa-ri' k'a pan ulew chikiwech.

Wuj Richin ri Rutikeribel 33:3

Y ri Jacob xik'o-pe chikiwech rije', y xxukuyaj k'a wuqu' mul toq xbe-apo k'a akuchi k'o-wi ri rach'alal.

Wuj Richin ri Rutikeribel 41:43

Y xeri' xuya-el chupan ri carruaje ri richin ri nimalej samajel, y xrelesaj rutzijol chijun ruwach'ulew, y nikibila' k'a ri e beneq chuwech: Kixxuke' chuwech re achin re' y kan keri' ri xbanatej. Keri' k'a rubanik toq ri José xok kan q'atoy-tzij ri chiri' pan Egipto.

Wuj Richin ri Rutikeribel 48:12

K'ari' ri José xerelesaj-pe chi e ka'i' ruk'ajol, ri ek'o-apo rik'in ri rutata', y xuqasaj-qa-ri' k'a pan ulew chuwech.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

Wuj Richin Etamabel-Tzij 11:26

Ri kan k'iy k'a rujal k'o y choj ruyakon chiri', ri winaqi' xtikoyoj ri ruk'ayewal pa ruwi', jak'a ri kan k'o rujal y nrelesaj-pe richin nuk'ayij, ri winaqi' kan xtikik'utuj urtisanik pa ruwi'.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.

Wuj Richin ri Rutikeribel 41:54

Xuchop k'a ri wuqu' juna' wayjal, ri ulew man xwachin ta chik kan achi'el ri rubin ri José chire ri rey. Y ri pa ch'aqa' chik ruwach'ulew kan k'o chuqa' wayjal, jak'a ri pan Egipto kan k'o wey.

Wuj Richin ri Rutikeribel 41:57

Y roma ri wayjal beneq runimirinen, xe'apowiyaj k'a chuqa' winaqi' kichin ch'aqa' chik ruwach'ulew, richin yebeloq'on rik'in ri José, roma chijun ruwach'ulew k'o k'a pa jun nimalej wayjal.