Wuj Richin ri Rutikeribel 42:36 - Kaqchiquel Bible

³⁶ Y xeri' ri kitata' xubij chike: Rix xa chi taq juba' ye'ik'is-el konojel ri walk'ual chinuwech. Ri José maneq chik qik'in, ri Simeón iya'on kan kela'. Y wakami nik'uaj chik el chinuwech ri nuk'ajol Benjamín. ¡Ronojel re' xa pa nuwi' yin niqaqa-wi!, xcha' ri Jacob.

Wuj Richin ri Rutikeribel 42:36 ပူးပေါင်းရင်းမြစ်များ

Wuj Richin ri Rutikeribel 43:14

Y kan ja ta k'a ri Dios ri k'o ronojel uchuq'a' pa ruq'a' xtich'on pa ránima ri achin ri', richin nrelesaj-pe ri iwach'alal Simeón y man ta k'a xtuk'en kan re Benjamín. Y wi man jun chik walk'ual xtik'oje' kan, keri' k'ari', man jun xtinben, xcha' ri Jacob.

1 Corintios 10:13

Y toq k'o jun tejtobenik nipe pa qak'aslen, man tiqabij chi xaxe roj ri yojk'uluwachin keri', roma konojel keri' nikik'uluwachij. Jak'a ri Dios kan ruya'on rutzij chi kan yojruto-wi, y man nuya' ta q'ij chi nik'o ruwi' ralal ri tejtobenik ri'. Jak'a nuya' chiqe ri uchuq'a' chi yojtikir yojik'o chupan ronojel.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

San Mateo 14:31

Y ri Jesús kan jari' xuchop chi'anin chi ruq'a' y xubij chire: ¿Achike k'a roma juba' ok xakuquba' ak'u'x wik'in?, xcha' chire.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Isaías 38:10

Yin xinch'ob chi pa nik'aj chire re nuk'aslen xkibe chupan ri jul richin muqbel, y ri kamik kan jubama xreleq'aj ri nik'aj nuk'aslen.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin ri Molojri'il 7:8

Más kikoten nak'is rubanik jun samaj, ke chuwech k'ari' natikeriba-el, más utz ri wineq ri ch'uch'uj ránima, ke chuwech nim nuna' roma nuch'ob chi k'o runa'oj.

Wuj Richin ri Achin Job 7:7

Nu-Dios yin, toqaqa k'a chi'ak'u'x chi ri nuk'aslen xa achi'el kaq'iq' ri niq'ax; y kan man jun bey chik xtintz'et ri rutzil ri k'aslen.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

Wuj Richin ri Rutikeribel 47:12

Xerilij k'a konojel, ri rutata', ri rach'alal, konojel ri aj pa rachoch ri rutata' y konojel ak'uala'.

Wuj Richin ri Rutikeribel 45:28

Y jari' toq xubij: Man ruk'amon ta k'a chi xaxe xinwetamaj-qa chi ri nuk'ajol k'a k'es, kan yibe na chutz'etik, rokik k'a in k'es, xcha'.

2 Corintios 4:17

Roma ri tijoj-poqonal ri niqak'owisaj, xa ti juba' ok y xa q'axel. Jak'a re' kan nuben chiqe chi nik'oje' qaq'ij-qak'ojlen ri xa kan más wi nim y man jun bey xtik'is.

Wuj Richin ri Rutikeribel 42:37

Ri Rubén xch'on k'a rik'in ri rutata' y xubij chire: Tajacha-el ri Benjamín pa nuq'a' yin y yin kan xtonjacha' chawe, y wi man xtontzolij ta el chawe, ninya' q'ij chawe richin ke'akamisaj chi e ka'i' nuk'ajol yin, xcha' ri Rubén chire ri rutata'.

Wuj Richin ri Jeremías 31:15

Jak'a re wakami, nak'axatej k'a jun ch'abel pa tinamit Ramá. K'o k'a jun ri noq' roma nojineq q'axo'n pa ránima. Ja ri Raquel noq' koma ri ral y man nrajo' ta richin nibochi'ix, roma ri ral kan xeken yan el.

Wuj Richin ri Rutikeribel 44:12

Y ri samajel xuchop k'a nukanoj ri qumbel chupan ri ru-costal ri nimalaxel y xapon k'a rik'in ri ch'i'p y chupan ri costal ri' xberila-pe ri qumbel.