Wuj Richin ri Rutikeribel 42:30 - Kaqchiquel Bible

³⁰ Ri achin ri niq'aton-tzij chupan ri ruwach'ulew Egipto rik'in janila royowal xch'on qik'in y xuq'abaj chiqij chi roj oj nachanela'.

Wuj Richin ri Rutikeribel 42:30 ပူးပေါင်းရင်းမြစ်များ

Wuj Richin ri Rutikeribel 42:7

Y rija' kan chi'anin k'a xretamaj kiwech chi jari' ri e rach'alal; jak'a xa xuben chi achi'el man xretamaj ta kiwech y rik'in royowal xch'on kik'in y xubij: ¿Akuchi k'a kixpe-wi rix?, xcha'. Y rije' xkibij: Roj oj peteneq chupan ri ruwach'ulew Canaán, richin yojoloq'on-el wawe', xecha'.

Wuj Richin ri Rutikeribel 42:29

Y toq xe'apon chupan ri ruwach'ulew Canaán rik'in ri kitata', xkitzijoj k'a chire ri achike ri xkik'uluwachij:

Wuj Richin ri Rutikeribel 42:9

K'ari', rija' xoqaqa k'a chuk'u'x ri rachik' ri e rubanalon chikij rije', y rija' xubij k'a chike: Rix xa ix nachanela', xa ix peteneq xaxe richin no'itz'eta' kan achike rubanon ri qaruwach'ulew, wi k'o ruchuq'a' o maneq, xcha'.

Wuj Richin ri Rutikeribel 42:16

Tibe k'a jun chiwe rix richin niberuk'ama' ri ichaq' y ri ch'aqa' chik xkixtz'ape' kan pa cárcel y rik'in ri' xtinwetamaj yin wi kan qitzij ri nibij chuwe. Y wi xa xitz'uk-tzij chinuwech, ninjikiba-nutzij chuwech ri rey chi rix xa kan ix nachanela-wi, xcha'.