Wuj Richin ri Rutikeribel 42:25 - Kaqchiquel Bible

²⁵ K'ari' ri José xuteq rubixik richin kenojisex ri ki-costal rik'in trigo y titzolix-el ri rajel chike chikijujunal chupan ri ki-costal y chuqa' tiya-el rukil kiway richin nikitej-el pa bey; y kan keri' xban-el kik'in.

Wuj Richin ri Rutikeribel 42:25 ပူးပေါင်းရင်းမြစ်များ

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

San Mateo 5:44

Jak'a yin ninbij chi kan ke'iwajo' k'a ri ye'etzelan iwichin; tiya' urtisanik pa kiwi' ri ye'etzelan iwichin; utz tibana' kik'in ri xa man utz ta kina'oj iwik'in rix y tik'utuj ri rutzil ri Dios pa kiwi' ri ye'oqotan y ri yeyoq'on iwichin.

Wuj Richin ri Isaías 55:1

Iwonojel rix ri janila chaqi'j ichi', kixanpe richin tiqumu' iya'. Y rix ri maneq iméro, kixanpe, kixloq'on y kixwa'. Kixanpe, kixloq'on stape' maneq iméro, y kan maneq rajel ri vino y ri leche.

Wuj Richin ri Rutikeribel 45:21

Y ri e ruk'ajol ri Israel kan xqa' wi k'a chikiwech ri xbix chike y keri' xkiben. Y ri José kan xuya' k'a el ri carruaje chike y xuben achi'el xbix chire roma ri rey, xuya-el kiway richin nikitej-el pa bey.

Wuj Richin ri Rutikeribel 42:26

Y rije' xkiyala-el ri trigo chirij ri kibur y xe'el-el chiri' richin xebe.

Wuj Richin ri Rutikeribel 43:12

Y tik'uaj-el ri méro richin chi yixbeloq'on, y chuqa' man timestaj chi nik'uaj-el ri méro ri peteneq pan i-costal, roma rik'in juba' xa xesach-pe.