Wuj Richin ri Rutikeribel 42:16 - Kaqchiquel Bible

¹⁶ Tibe k'a jun chiwe rix richin niberuk'ama' ri ichaq' y ri ch'aqa' chik xkixtz'ape' kan pa cárcel y rik'in ri' xtinwetamaj yin wi kan qitzij ri nibij chuwe. Y wi xa xitz'uk-tzij chinuwech, ninjikiba-nutzij chuwech ri rey chi rix xa kan ix nachanela-wi, xcha'.

Wuj Richin ri Rutikeribel 42:16 ပူးပေါင်းရင်းမြစ်များ

Wuj Richin ri Rutikeribel 42:11

Qonojel roj xa jun qatata' y choj ri qak'aslen, man jun bey oj okineq ta nachanela', xecha' rije'.

2 Sam 10:3

ri e tata'al chikikojol ri amonita xkibij chire ri ki-rey: ¿Nanimaj rat chi ri rey David roma xuya' ruq'ij ri atata', roma ri' xeruteq-pe tata'al richin nokikuquba' kan ak'u'x? ¿Man e rutaqon ta kami pe xaxe richin noketamaj kan jebel re tinamit richin xqojkik'is?, xecha'.

Wuj Richin ri Rutikeribel 42:30

Ri achin ri niq'aton-tzij chupan ri ruwach'ulew Egipto rik'in janila royowal xch'on qik'in y xuq'abaj chiqij chi roj oj nachanela'.

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.