Wuj Richin ri Rutikeribel 41:54 - Kaqchiquel Bible

⁵⁴ Xuchop k'a ri wuqu' juna' wayjal, ri ulew man xwachin ta chik kan achi'el ri rubin ri José chire ri rey. Y ri pa ch'aqa' chik ruwach'ulew kan k'o chuqa' wayjal, jak'a ri pan Egipto kan k'o wey.

Wuj Richin ri Rutikeribel 41:54 ပူးပေါင်းရင်းမြစ်များ

Wuj Richin ri Rutikeribel 41:27

Chuqa' ri wuqu' wákix ri e baq-baq ri xebe'el-pe ri pa ruka'n, y ri e wuqu' ruwi' trigo ri e chaqi'j-chaqi'j y e k'atineq roma ri kaq'iq' ri nipe ri pa relebel-q'ij, chi e ka'i' awachik', ye'el chi tzij chi peteneq wuqu' juna' wayjal.

Wuj Richin ri Rutikeribel 41:30

Y chirij re' xtipe wuqu' juna' wayjal y kan man jun chik k'a ri xtoqaqa ta chuk'u'x ri wuqu' juna' toq xk'ase' ri tiko'n pa ruk'iyal ri pan Egipto, roma chupan ri wayjal ri' xtik'is ronojel ri xuya' chupan ri wuqu' juna' nabey.

Wuj Richin ri Rutikeribel 41:53

Ri nabey k'a wuqu' juna' ri kan janila jebel xewachin ri tiko'n richin trigo ri chiri' pa ruwach'ulew Egipto, jari' xk'is kan.

Wuj Richin ri Rutikeribel 42:2

Yin xinwak'axaj chi pan Egipto nik'ayix trigo. Kixbiyin-qa chiri' y tibeloq'o-pe juba' qa-trigo ri nik'atzin chiqe, richin man qojken roma wayjal, xcha'.

Wuj Richin ri Rutikeribel 43:1

Ri wayjal kan janila k'a xnimer yan chupan ri ruwach'ulew Canaán.

Wuj Richin ri Rutikeribel 45:11

Richin man xkixwayjan ta, xkixintzuq re wawe' y kan man jun ri achike ta xtik'atzin chiwe, roma k'a k'o na wo'o' juna' wayjal; keri' tibij chire ri nata' y keri' chuqa' tibij chike ri ek'o pan iwachoch, xcha'.

Wuj Richin ri Rutikeribel 47:13

Ri wayjal beneq k'a runimirinen chupan ri ruwach'ulew Egipto y ri pa Canaán; y ri winaqi' nikiq'axaj k'a jun nimalej wayjal.

2 Rey 8:1

K'o k'a jun q'ij chi ri Eliseo xubij chire ri ixoq aj-Sunem ri xuk'asba' ti ral chi tibe y keruk'uaj-el ri ek'o pa rachoch richin yebek'oje' ri akuchi más utz, roma ri Jehová xuteq-pe jun wayjal pa ruwi' ri ruwach'ulew richin wuqu' juna'.

Wuj Richin Bix Chire ri Dios 105:16

Ri Dios xuben k'a chi xpe wayjal pa ruwi' ri ruwach'ulew Canaán, Xrelesaj k'a ri wey y ronojel ri achoq ik'in nikilij-ki'.

Hechos 7:11

Xbanatej k'a chi ri pan Egipto y ri pa Canaán, xpe k'a jun wayjal, jun nimalej tijoj-poqonal. Y ri qati't-qamama' ri ek'o pa Canaán man k'a nikil ta chik achike nikitej.