Wuj Richin ri Rutikeribel 41:52 - Kaqchiquel Bible

⁵² Y xalex k'a ri ruka'n ruk'ajol y xubini'aj Efraín y re' nel chi tzij niwachin, roma rija' xubij: Ri Dios xuben chuwe richin xek'oje' walk'ual chupan re ruwach'ulew akuchi janila xintej poqon, xcha'.

Wuj Richin ri Rutikeribel 41:52 ပူးပေါင်းရင်းမြစ်များ

Wuj Richin ri Rutikeribel 17:6

Y xtinben chi xkewinaqir ri awijatzul y kik'in rije' xtinben nima'q taq tzobaj winaqi' y xke'el k'a el rey chikikojol ri awijatzul.

Wuj Richin ri Rutikeribel 28:3

Y ri Dios ri nitikir nuben ronojel, jari' ri xturtisan awichin y xtuben k'a chi xkewinaqir ri awijatzul y koma ri awijatzul kan janila chi tinamit xke'el awik'in.

Wuj Richin ri Rutikeribel 41:51

Ri nabey ruk'ajol ri xk'oje', xubini'aj Manasés, y re' nel chi tzij xinmestaj, roma ri José xuch'ob k'a qa y xubij: Ri Dios kan xuben k'a chuwe richin xinmestaj ronojel ri nuq'axo'n y chuqa' xenmestaj konojel ri ek'o pa rachoch ri nata', xcha'.

Wuj Richin ri Rutikeribel 41:53

Ri nabey k'a wuqu' juna' ri kan janila jebel xewachin ri tiko'n richin trigo ri chiri' pa ruwach'ulew Egipto, jari' xk'is kan.

Wuj Richin ri Rutikeribel 48:1

Xa k'a ka'i' oxi' k'a q'ij tiq'ax, toq kan ja yan ri' xbeya' rutzijol chire ri José chi ri rutata' janila yawa'. Y rija' kan jari' k'a xbe chutz'etik y xeruk'uaj-el ri Manasés y ri Efraín, ri e ruk'ajol.

Wuj Richin ri Rutikeribel 48:14

Jak'a ri Jacob xuya' k'a ri rijkiq'a' pa ruwi' ri Efraín, ri k'o pa rajxokon y ri rajxokon xuya' k'a pa ruwi' ri Manasés, ri k'o pa rijkiq'a', stape' ja ri Manasés ri nimalaxel.

Wuj Richin ri Rutikeribel 48:5

Y wakami ri e ka'i' ak'ajol ri xe'alex wawe', toq kan k'a man jani qojpe roj wawe' chupan re ruwach'ulew Egipto, xke'ok nuk'ajol yin achi'el ri Rubén y ri Simeón.

Wuj Richin ri Rutikeribel 49:22

Ri José achi'el tipe jun tikilik che', rija' tikil chuchi' jun ralaxbel-ya' y jebel niwachin, ri ruq'a' kan yejote' k'a chuwech ri tz'aq.

Wuj Richin ri Rutikeribel 50:23

y kan k'a xerutz'et na kan ri e ruxikin-mam ri Efraín y chuqa' kan k'a xerutz'et na kan ri ralk'ual ri rumam rubini'an Maquir, ri ruk'ajol ri Manasés. Kan k'a xeruch'elej na k'a ri ak'uala' ri'.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Wuj Richin ri Q'axanri'il 26:28

Ek'o k'a e 52,700 aj-labal chupan ri tzobaj richin ri Manasés y ri e aj-raqen pa kiwi' rije' ja ri Maquir, ri Galaad, ri Iézer, ri Hélef, ri Asriel, ri Siquem, ri Semidá, ri Héfer, ri Selofhad ri man xek'oje' ta ruk'ajol y xaxe rumi'al ri xek'oje'. Ri xtani' ri' kibini'an: Mahlá, Noá, Hoglá, Milcá y ri Tirsá.

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Wuj Richin ri Josúe 14:4

Ri e ruk'ajol kan ri José ka'i' tzobaj kibanon; ri jun tzobaj ja ri richin ri Manasés y ri jun chik tzobaj ja ri richin ri Efraín. Jak'a ri tzobaj richin ri Leví man jun ri xkichinaj kan richin yetikonej chuwech; ri xkichinaj kan rije' xaxe jujun tinamit richin yek'oje-wi y juba' kisoq'olbal richin ri kiwákix y ri kikarne'l.

Wuj Richin ri Josúe 16:4

Xkik'ul k'a kan ri ulew ri' richin xkichinaj kan ri e kijatzul ri Manasés y ri Efraín, ri e ka'i' ruk'ajol kan ri José.

Wuj Richin ri Josúe 17:1

Ri sakinik xban chuqa' kik'in ri tzobaj richin Manasés, ri nabey ruk'ajol ri José. Y ri nabey ruk'ajol ri Manasés, ja ri Maquir. Y ri e rijatzul kan ri Maquir kan e richin labal, y roma ri' xkichinaj kan ri ruwach'ulew Galaad y Basán.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.