Wuj Richin ri Rutikeribel 41:51 - Kaqchiquel Bible

⁵¹ Ri nabey ruk'ajol ri xk'oje', xubini'aj Manasés, y re' nel chi tzij xinmestaj, roma ri José xuch'ob k'a qa y xubij: Ri Dios kan xuben k'a chuwe richin xinmestaj ronojel ri nuq'axo'n y chuqa' xenmestaj konojel ri ek'o pa rachoch ri nata', xcha'.

Wuj Richin ri Rutikeribel 41:51 ပူးပေါင်းရင်းမြစ်များ

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Wuj Richin Etamabel-Tzij 31:7

Ri winaqi' ri' kan utz chi nikitej ri ya' ri', richin chi nikimestaj ri ruk'ayewal ri nikiq'axaj; y rik'in ri keri' xa man xtoqaqa ta chikik'u'x ri kitijoj-poqonal.

Wuj Richin Bix Chire ri Dios 30:11

Ri nuq'axo'n kan xajel k'a rik'in kikoten; xawelesaj k'a ri janila bis chuwij y xinanojisaj rik'in kikoten.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.

Wuj Richin ri Rutikeribel 41:30

Y chirij re' xtipe wuqu' juna' wayjal y kan man jun chik k'a ri xtoqaqa ta chuk'u'x ri wuqu' juna' toq xk'ase' ri tiko'n pa ruk'iyal ri pan Egipto, roma chupan ri wayjal ri' xtik'is ronojel ri xuya' chupan ri wuqu' juna' nabey.

Wuj Richin ri Isaías 65:16

Xabachike k'a iwinaq israelita ri nuk'utuj urtisanik, kan chuwe k'a yin ri in qitzij Dios ri xtuk'utuj-wi. Y xabachike k'a iwinaq ri nujikiba-rutzij, kan chinuwech k'a yin ri in qitzij Jehová xtujikiba-wi. Y ronojel itzel banobel ri xkiben, yin kan xtinmestaj. Xa kan man xtintz'et ta chik.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin Bix Chire ri Dios 45:10

Tawak'axaj k'a rat xten y taya' axikin chire ri xtinbenbij chawe; wakami man ja ta chik ri nikibij ri e aj pan awachoch y ri awinaq ri nanimaj.

Wuj Richin ri Rutikeribel 48:5

Y wakami ri e ka'i' ak'ajol ri xe'alex wawe', toq kan k'a man jani qojpe roj wawe' chupan re ruwach'ulew Egipto, xke'ok nuk'ajol yin achi'el ri Rubén y ri Simeón.

Wuj Richin ri Rutikeribel 41:50

Y toq napon yan k'a ri nabey juna' richin ri wayjal, ri José xe'alex k'a e ka'i' ruk'ajol rik'in ri Asenat, ri rixjayil.

Wuj Richin ri Rutikeribel 41:52

Y xalex k'a ri ruka'n ruk'ajol y xubini'aj Efraín y re' nel chi tzij niwachin, roma rija' xubij: Ri Dios xuben chuwe richin xek'oje' walk'ual chupan re ruwach'ulew akuchi janila xintej poqon, xcha'.

Wuj Richin ri Rutikeribel 48:1

Xa k'a ka'i' oxi' k'a q'ij tiq'ax, toq kan ja yan ri' xbeya' rutzijol chire ri José chi ri rutata' janila yawa'. Y rija' kan jari' k'a xbe chutz'etik y xeruk'uaj-el ri Manasés y ri Efraín, ri e ruk'ajol.

Wuj Richin ri Josúe 14:4

Ri e ruk'ajol kan ri José ka'i' tzobaj kibanon; ri jun tzobaj ja ri richin ri Manasés y ri jun chik tzobaj ja ri richin ri Efraín. Jak'a ri tzobaj richin ri Leví man jun ri xkichinaj kan richin yetikonej chuwech; ri xkichinaj kan rije' xaxe jujun tinamit richin yek'oje-wi y juba' kisoq'olbal richin ri kiwákix y ri kikarne'l.

Wuj Richin ri Josúe 17:1

Ri sakinik xban chuqa' kik'in ri tzobaj richin Manasés, ri nabey ruk'ajol ri José. Y ri nabey ruk'ajol ri Manasés, ja ri Maquir. Y ri e rijatzul kan ri Maquir kan e richin labal, y roma ri' xkichinaj kan ri ruwach'ulew Galaad y Basán.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.

Wuj Richin ri Q'axanri'il 26:28

Ek'o k'a e 52,700 aj-labal chupan ri tzobaj richin ri Manasés y ri e aj-raqen pa kiwi' rije' ja ri Maquir, ri Galaad, ri Iézer, ri Hélef, ri Asriel, ri Siquem, ri Semidá, ri Héfer, ri Selofhad ri man xek'oje' ta ruk'ajol y xaxe rumi'al ri xek'oje'. Ri xtani' ri' kibini'an: Mahlá, Noá, Hoglá, Milcá y ri Tirsá.

Wuj Richin ri Achin Job 11:16

Keri' kan xtamestaj k'a ronojel ri q'axomal ri xak'owisaj, roma xa kan xq'ax k'a achi'el niq'ax ri ya' richin jun raqen-ya', xa choj chik xtanataj.