Wuj Richin ri Rutikeribel 41:49 - Kaqchiquel Bible

⁴⁹ Rija' kan janila k'a chi trigo ri xumol, kan pa ruk'iyal-wi ri xumol kan, kan achi'el ri sanayi' ri k'o chuchi' ri palou, y roma ri' kan man xtikir ta chik xretaj, roma kan janila chi trigo.

Wuj Richin ri Rutikeribel 41:49 ပူးပေါင်းရင်းမြစ်များ

Wuj Richin Bix Chire ri Dios 78:27

Xuben chi xqaqa pa kiwi' rije', janila aj-xik' taq chikopi' achi'el ri poqolaj, kan pa ruk'iyal k'a xuya' chike, kan achi'el ri sanayi' ri ek'o chuchi' ri palou.

1 Sam 13:5

Jak'a ri aj-Filistea xkimol-ki' chuqa', richin nibekibana' oyowal kik'in ri israelita. Rije' e kik'uan e 30,000 carruaje richin oyowal,6,000 achi'a' ri e beneq chirij kiej y janila e k'iy aj-labal ri e beneq chikij: Kan man e ajlatel ta k'a. Xejote-q'anej y xek'oje-qa chiri' pa Micmás, ri k'o pa relebel-q'ij chire ri Bet-avén.

Wuj Kichin ri To'onela' 7:12

Ri aj-Madián, y ri winaqi' amalecita y ri winaqi' ri yepe pa relebel-q'ij kinojisan k'a chijun ri li'on ulew ri' y kan janila e k'iy, kan achi'el toq ye'ok'ulun ri sak' ri xa man e ajlatel ta; y ri ki-camello kan janila chuqa' e k'iy achi'el ri sanayi' ri k'o chuchi' ri palou.

Wuj Kichin ri To'onela' 6:5

Toq yejote' k'a q'anej, kan e kik'ualon k'a ri kawej y ri ki-camello y chiri' nibekipaba-q'anej ri kachoch banon rik'in tzieq. Kan janila k'a e k'iy ri kichikop, kan e achi'el chik ri sak', ri man e ajlatel ta chik.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Wuj Richin ri Achin Job 1:3

Chuqa' ek'o e 7,000 rukarne'l, e 3,000 ru-camello, e 500 k'ulaj rubóyix, e 500 rubur, y janila e k'iy rusamajela'. Ja rija' ri achin ri más rubeyomel ke chikiwech ri achi'a' ri ek'o chuqa' chiri' chupan ri ruwach'ulew ri', ri k'o pa relebel-q'ij.

Wuj Richin ri Rutikeribel 41:48

Y rija' kan k'iy k'a trigo ri xumol kan chupan ri wuqu' juna' ri', toq pa ruk'iyal k'a xwachin ri ruwach'ulew Egipto, y xeruyakala' kan pa ronojel tinamit ri ek'o-pe naqaj.

Wuj Richin ri Rutikeribel 41:50

Y toq napon yan k'a ri nabey juna' richin ri wayjal, ri José xe'alex k'a e ka'i' ruk'ajol rik'in ri Asenat, ri rixjayil.