Wuj Richin ri Rutikeribel 41:42 - Kaqchiquel Bible

⁴² jari' toq xrelesaj ri retz'aba'l ruwi' ruq'a' ri retal q'atbel-tzij y xuya' chuwi-ruq'a' ri José. K'ari' xubij richin tikijala' ri rutziaq, y tikiya' ri tzieq ri banon rik'in lino ri más utz chire, chuqa' tikiya' jun ichinaj chuqul ri banon rik'in q'anapueq.

Wuj Richin ri Rutikeribel 41:42 ပူးပေါင်းရင်းမြစ်များ

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Ester 3:10

K'ari' ri rey xrelesaj ri retal ri q'atbel-tzij chuwi-ruq'a', y xuya' chire ri etzelanel kichin ri judío; nel chi tzij ri Amán, ri ruk'ajol ri Hamedata, ri rijatzul kan ri Agag.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Ester 8:2

K'ari' ri rey xuya' chire ri Mardoqueo ri retz'aba'l ruwi-ruq'a' ri richin kan ri Amán. Chuqa' ri Ester xujech pa ruq'a' ri rachoch kan ri Amán richin chi ja rija' ri nik'oje' pa ruwi'.

Ester 8:15

Ri Mardoqueo xel k'a pe pa rachoch ri rey, rukusan-pe rutziaq ri nikikusaj ri rey y ri nitzu'un ri tzieq raxroj y seq, y ruq'un jun ko'ol raqen tzieq ri banon rik'in lino q'eQ'oj nitzu'un, y chuqa' rukusan jun jebelej corona ri banon rik'in q'anapueq. Y konojel k'a ri winaqi' ri ek'o chiri' pa Susa xkireq k'a kichi' roma kikoten.

Ester 8:10

Ri wuj ri' xtz'ibex-el pa rubi' ri rey Asuero y xtz'apex-el-rij rik'in ri retal ri ruq'atbal-tzij ri k'o chuwi-ruq'a' ri rey. Y ri xe'uk'uan-el ri wuj ri', xech'oke-el chikij kiej ri kan janila yebiyin, richin xbekiya' ri rutzijol chi'anin.

Ez 27:7

Richin xban ri tzieq richin kaq'iq' ri ninimo-el ri barco, xukusex ri jebelej tzieq lino, ri banon-pe pan Egipto. Y ri jun chik jebelej tzieq keq y raxroj nitzu'un ri niya'on muj, k'amon-pe pa ruwach'ulew Elisá, ri k'o pa runik'ajal ya'.

Wuj Richin ri Nimalej Bix 1:10

Ri apalej kan jebejoj ok nitzu'un chikikojol ri ruwi' taq axikin. Ri aqul kan jebejoj ok niq'alajin rik'in ri awichinaj.

Wuj Richin Etamabel-Tzij 31:24

Ri ixoq ri' kan yeruben tzieq rik'in lino richin yeruk'ayij; chuqa' yeruben pas, richin yeruk'ayij chike ri k'ayinela'.

Wuj Richin Etamabel-Tzij 31:22

Ri ixoq ri' kan nuben ri peraj taq tzieq richin nuq'uj rija'; kan nukusaj chuqa' rutziaq ri banon rik'in lino y ri pimilej taq rutziaq.

Ester 8:8

Jak'a jun wuj ri kan ruk'uan ri retal ri q'atbel-tzij ri k'o chuwi-nuq'a' yin, kan man xtiyoj ta chik jumul. Wakami k'a, yin ninya' q'ij chiwe chi titz'ibaj chike ri iwinaq judío, ri utz nuben chiwech rix. Y tiya' k'a el retal rik'in ri q'atbel-tzij ri k'o chuwi-nuq'a' yin, xcha'.

Ester 3:12

Y chupan k'a ri q'ij oxlajuj chire ri nabey ik' richin ri juna', xe'oyox konojel ri tz'ibanela' richin ri rey, richin xkitz'ibaj ronojel ri xubij ri Amán. Y re jun pixa' re' xtz'ibatej pa ronojel ch'abel, richin nitaq pa ronojel tinamit chupan chijun ruwach'ulew ri k'o pa ruq'a' ri Asuero. Y xtz'ibex-el pa rubi' ri rey; xtz'apex-el-rij ri wuj rik'in ri retal ri ruq'atbal-tzij ri k'o chuwi-ruq'a' ri rey. Y ri wuj ri' xjach k'a el chike ri nima'q taq rusamajela' ri rey, chike ri e aj-raqen pa kiwi' ri aj-labal y chike ri e tata'al kichin ri tinamit richin ri ruwach'ulew ri'.

San Lucas 15:22

Jak'a ri tata'aj xubij k'a chike ri rusamajela': Tiwelesaj-pe ri tzieq más jebel y tiwiqa' ri nuk'ajol. Tiya' jun lipq'a' chire retal chi rija' kan nuk'ajol, y tiya' chuqa' ruxajab.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Ester 10:3

Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.

Wuj Richin ri Rutikeribel 38:18

K'ari' ri Judá xuk'utuj chire: ¿Achike retal nawajo' chi ninya' kan chawe?, xcha'. Y ri Tamar xubij: Taya' kan la a-sello rik'in la rutzeqebal y la ach'ame'y la ak'uan, xcha' chire. Y ri Judá xuya' ri xuk'utuj chire y xk'oje' rik'in, y ri Tamar xyawej kan;

Wuj Richin ri Rutikeribel 41:43

Y xeri' xuya-el chupan ri carruaje ri richin ri nimalej samajel, y xrelesaj rutzijol chijun ruwach'ulew, y nikibila' k'a ri e beneq chuwech: Kixxuke' chuwech re achin re' y kan keri' ri xbanatej. Keri' k'a rubanik toq ri José xok kan q'atoy-tzij ri chiri' pan Egipto.

1 Sam 18:4

Y xeri', ri Jonatán xrelesaj ri tzieq ri ruq'un richin retal chi kan ruk'ajol ri rey, keri' chuqa' ri ru-espada, ri rute-ruch'ab y ri ximibel-rupan. Ronojel re' xerusipaj chire ri David roma janila nrajo'.

Wuj Richin Bix Chire ri Dios 73:6

Roma ri' ri nimirisanen ri k'o kik'in, kan achi'el jun wiqobel kibanon chire, ri kamik ri nikiben, kan yekikot rik'in.

Wuj Richin ri Nimalej Bix 4:9

Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Jeremías 52:33

Keri' ri Joaquín man xukusaj ta chik ri tzieq ri xukusaj pa cárcel y kan xwa' k'a rik'in ri rey janipe' q'ij xk'ase-el.