Wuj Richin ri Rutikeribel 41:41 - Kaqchiquel Bible

⁴¹ Y ri rey kan xubij k'a chuqa' chire ri José: Yin kan yatinch'okoba' k'a kan richin yatok jun q'atoy-tzij pa ruwi' chijun re ruwach'ulew Egipto, xcha' ri rey chire. Y toq xubij keri',

Wuj Richin ri Rutikeribel 41:41 ပူးပေါင်းရင်းမြစ်များ

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

Dn 6:3

Jak'a ri Daniel kan más k'a ruq'ij chikiwech rije', roma rija' kan k'o jun nimalej etamabel rik'in. Y roma ri' ri Darío xuya' pa kiwi' ri q'atoy taq tzij y ri aj-raqen.

Wuj Richin ri Rutikeribel 42:6

Y ri q'atoy-tzij ri chiri' pa ruwach'ulew Egipto ja ri José, y ja rija' ri nik'ayin ri trigo chike konojel ri winaqi'. Y toq ri rach'alal xe'apon k'a qa, rije' kan xexuke-qa chuwech y xkiqasaj-qa-ki' k'a pan ulew.

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

Wuj Richin Etamabel-Tzij 17:2

Ri samajel aj-na'oj, jari' xtiyuqen richin ri ruk'ajol ri rajaw, wi man choj ta nich'obon ri ala'; y roma ri' re samajel re' xtichinan junan kik'in ri alk'ualaxela'.

Ester 10:3

Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.

Wuj Richin ri Rutikeribel 41:44

K'ari' ri rey xubij chire: Ja yin k'a ri rey, man rik'in ri', kan man jun achike ta xtibanatej, wi rat man naya' ta q'ij, xcha'.

Wuj Richin ri Rutikeribel 39:22

Y ri aj-raqen richin ri cárcel, pa ruq'a' ri José xuya-wi ri kichajixik konojel ri ek'o chupan ri cárcel ri'; y pa ruq'a' chuqa' rija' xuya-wi ronojel ri nik'atzin chi niban ri chiri'.

Wuj Richin ri Rutikeribel 39:5

Y kan xaxe k'a toq ri Potifar xuya' kan ronojel pa ruq'a' ri José, ri Jehová xuya' urtisanik pa ruwi' ri ek'o pa rachoch y pa ruwi' ri rutiko'n.

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Wuj Richin Bix Chire ri Dios 105:21

Xuben k'a chire richin xok aj-raqen pa ruwi' ri rachoch. Kan xok k'a q'atoy-tzij pa ruwi' ronojel ri ajawaren.

Wuj Richin ri Molojri'il 4:14

stape' ta re jun ala' re' xa pa cárcel ta eleneq-wi-pe richin chi xok-q'anej rey, o stape' ta xa pa meba'il eleneq-wi-pe richin chi xok-q'anej rey.

Wuj Richin ri Rutikeribel 45:8

Roma ri', man ja ta rix ri xixtaqon-pe wichin wawe', kan ja ri Dios ri xitaqon-pe roma kan xirukusaj richin ninya' pixabanik chire ri rey y chuqa' richin chi xinok achi'el rajaw richin chijun ri rachoch, y xirukusaj chuqa' jun aj-raqen pa ruwi' chijun ruwach'ulew Egipto.

Dn 2:48

Chirij ri' ri Nabucodonosor xunimirisaj ruq'ij ri Daniel y xuya' nima'q taq sipanik chire y xuben chire chi xok aj-raqen pa ruwi' ri ruwach'ulew ri k'o pa Babilonia, y chuqa' nimalej aj-raqen pa kiwi' konojel ri etamanela' richin ri ruwach'ulew ri'.